يوم إعلان النتيجة

[ashrafnassr]

ده طبعا تصور ليوم النتيجه ..........
الأعصاب متوتره وكل بيت فيه مدرس او اكثر عاملين طوارىء لان الوزير حيعلن النتيجه ( ده لو كان لسه فى الوزارة أو كانت الوزارة نفسها لسه موجوده - لكن مصر طبعا هتكون موجوده ) المهم......
توتر ........قلق.......... و تاتى اللحظة الحاسمة ............ تنتقل القناة الاولى و الثالثه و الخامسة ( على اساس متواليه عدديه يعنى حركات ) الى مقر الوزارة و يبدأ اعلان النتيجة .......الاول تهنئة للعشرة الاوائل وهم الوزير و تسعه من بطانة الوزارة و دول كسبوا جايزة رحلة اوروبا و العشرة الاوائل فى كل تخصص ودول كسبوا رحلة لمنفلوط او بنى سويف أو دشنا ............. حسب تبرعات الشركة الراعية للكادر)
وبعدها تذاع النتيجة فى الراديو و اذاعة اف ام على انغام الناجح يرفع ايده و يبدأ المسلس بارقام الناجحين كالاتى
0000001 ، 000002 ،،،، 0000007 وهكذا ( الباقى ساقط ) ومع كل رقم ترتفع الزغاريد و الاحضان و هيهههههههههههههههههههههه ومع كل رقم راسب يرتفع البكاء و النحيب فى محل اقامة كل فاشل ...........
و بعدها تبدأ عملية سحب النتيجة .......... كل معلم ياخد ولى امره و يفتح النت بالباسورد اللى مش فاكرها و يطبع نتيجته .....
بعد النتيجة تبدأ المرحلة التانية:-
المعلم الناجح يصور نتيجته و يعلقها على كل جدران المدرسة والادارة و المديرية ( لزوم زيادة الشعبية والدروس الخصوصية ) و مش بس كده كمان هيصور نتيجة زمايلة الفاشلين و يعلقها فى نفس الاماكن ( برضه لزوم خفض الشعبية والدروس الخصوصية ) وكلنا عارفين أن من اهداف الوزارة محاربة الدروس الخصوصية وده من الاهداف الخفية للامتحان ( سياسة يا جماعة سياسة مش بدنجان و بعدين مش قلنا من الاول والله ماحد فاهم حاجه- الامتحانات دى قانون ياجماعة مش بدنجان)
المرحلة التالنه :- يبدأ كل ولى أمر بالذهاب الى مدرسة ابنه للتأكد من أن من يدرسون له من الناجحين فى الكادر و هذا من حقه للاطمئنان على مستقبل ابنه و بكده الفاشل اللى سقط مش هيدرس و لا حيرضى حد يودى ابنه عنده سواء فى درس او مدرسة ( خليه زى خيبيتها يقبض مرتب و خلاص ) و تبدا الشكاوى للوزارة ( على نموذج معد ويباع بالمكتبات اسمه تظلم من معلم فاشل ) و فحواه ان انا ابنى بيدرس له مدرس فاشل و انا خايف على مشتقبل ابنى لان من المتوقع انه يطلع دكتور اركان حرب لو كان بيدرس له مدرس ناجح فى الكادر ) وتبدا حرب العصابات بين المدرسين و بعضهم و بين اولياء الأمور و المدرسين الفاشلين بتحريض من الناجحين و ندخل المرحلة الرابعة
المرحلة الرابعة :- تتدخل حاجه قدريه ( حد كبير مثلا ) و يتلغى الأمتحان للحفاظ على الوحدة الوطنية بين المدرسين وبعضهم و الطلبه و أولياء الامور و خلاص اللى اتصرف اتصرف وعليه العوض و نبدا م الاول تانى و يتقرر اعادة الامتحان من جديد للجميع و نبدا تانى من اول السطر هههههههههههههههههههههههههههههههههههههههههههههههههه ههه

[ashrafnassr]

لما نبدأ م الاول على فكره ما حدش هيصرف كادر لكن حنعيد من تانى وكله توفير و الفلوس هتروح فين ؟؟؟؟؟؟؟؟اهى موجوده ماتقلقوش مش هتروح غير للى يستحقها ولو بعد 30 سنه امتحانات و سبوبات وحركات وكله بالقانون

[محمدمصطفى مصطفى]

المشاركة الأصلية كتبت بواسطة ashrafnassr

لما نبدأ م الاول على فكره ما حدش هيصرف كادر لكن حنعيد من تانى وكله توفير و الفلوس هتروح فين ؟؟؟؟؟؟؟؟اهى موجوده ماتقلقوش مش هتروح غير للى يستحقها ولو بعد 30 سنه امتحانات و سبوبات وحركات وكله بالقانون

والله معاك حق

[ahmed 68]

ومن السبب في الفضيحة أليس ذهاب المعلمين إلى الاختبار بلا إرادة سبب رئس يا أستاذ فهمي في تلك الفضيحة رغم أن الوزير لم يهدد من لم يذهب أو يتوعده بشيء