مدام فشخرة والاستاذ محسن؟! هما فاكرينا ايه؟

[الضوء الشارد]

المشاركة الأصلية كتبت بواسطة Baskoota

السلام عليكم ورحمة الله وبركاته
كل عام وانتم بخير
موضوعي انهردة فعلا ممكن يستفز الكثير من الناس
احنا شايفين في الآونة الأخيرة شغالين علينا اعلانات المدام فشخرة وجوزها الاستاذ محسن منظر
وعايزين يفهمونا ان هو دا حال الامة الامصرية والاسرة المصرية
ان احنا مفتريين وبتوع فشخرة ومظاهر
كل دا علشان اشتكينا من غلاء الأسعار
وكأن لسان حالهم يقول
(مش انتو اللي اشتكيتوا؟؟ خدوا عندكم بقى)

بإختصار يا سادة يا كرام
اعلانات مدام فشحرة والاستاذ محسن هي اعلانات تصور اسرة مصرية مفترية الى ابعد الحدود
وطبعا الاسرة دي لا وجود لها ولا حتى اسرة شبيهة لها في ارض الواقع

تخيلوا انهم مصورين الاسرة المصرية بتتسحر بخروف ؟؟
لالالالالا استنوا دا مش خروف بس دا اللي شاف الاعلان هيعرف تعليمات السحور بتاعة مدام فشخرة
حجات بحوالي 2000 جنية

ههههههههههههههههههههه
والله هم يضحك وهم يبكي


انا عايزة اعرف انهي منطق يقول ان ممكن اسرة تتسحر في يوم بالمبلغ دا؟؟

والله دا لو عازمين جانكيز خان والمدام والاولاد ومعاهم كمان هولاكو


بجد حاجة تحرق الدم

لا والراجل اللي بيتكلم في الاعلان دا عليه رزااااااااااالة

والله بجد لو حد من دولة تانيه شاف الاعلان دا اقل حاجة هيقول علينا اننا نستاهل الابادة الجماعية

للاسف ميعرفوش ان المواطن المصري (العادي يعني....مش ساويرس ولا عز ولا طلعت مصطفى)

يكفيه طبق فول بالزيت وبيضة وعلبة زبادي في السحور
وفي الفطار هو صنف واحد ولو عمل صنفين ينعي حظه طول الاسبوع

واخيرا انا لله وانا اليه راجعون

والله فعلا عندك حق الأعلان ده مستفز جدا وبيتكلم على حاجات خيالية . كل الأعلانات تبين ان مصر بلد الأغنياء ومافيش فقراء ..... بيتكلموا عن عمارات وفلل واكلات ومش عارفين ان معظم شعب مصر تحت خك الفقر ... اللى عاجبنى فى الأعلان الخروف كل ماشوف الأعلان ده قبل الفطار اجوع

[Baskoota]

المشاركة الأصلية كتبت بواسطة الضوء الشارد

والله فعلا عندك حق الأعلان ده مستفز جدا وبيتكلم على حاجات خيالية . كل الأعلانات تبين ان مصر بلد الأغنياء ومافيش فقراء ..... بيتكلموا عن عمارات وفلل واكلات ومش عارفين ان معظم شعب مصر تحت خك الفقر ... اللى عاجبنى فى الأعلان الخروف كل ماشوف الأعلان ده قبل الفطار اجوع

متشكرة جدا لمرور حضرتك ومشاركتك
دا دي الاعلانات اللي بشوفها بالصدفة لو معدية من الجنب التي في
وما خفي كان اعظم