البعض لا يفهم ابوتريكة

[Golden Eagle]

بسم الله الرحمن الرحيم
أنا كنت عارف حديث عن الرسول ( عليه الصلاة و السلام ) بس ما كنتش فاكر نصه و معناه أهو

الناس أربعة أنواع كما قال النبي صلى الله عليه وسلم: هناك من هو سريع الغضب سريع الرضا، فهذه بتلك، وهناك من هو بطيء الغضب بطيء الرضا، فهذه بتلك، وهناك من هو سريع الغضب بطيء الرضا، فهذا شر المنازل، وهناك من هو بطيء الغضب سريع الرضا، وهذا أحسنهم

مش ملاحظين أن الزمالكاويه اللي زعلانين من أبو تريكه دول سريع الغضب بطئ الرضا ؟
زعلوا علشان أبو تريكه حط إيده علي فمه بيقولهم إسكتوا ما تشتمونيش و أنا رديت عليكم بلعبي و مع أن أبو تريكه طلع علي قناة الأهلي و إعتذر هما لسه زعلانين ( أنا مش باتكلم عن الكل أنا علي اللي لسه زعلانين بس )
طيب المفروض أنه كان يعمل إيه ؟ يتشتم و يسكت ؟ و هو ما ردش الشتيمه زي البعض دا بس بيقولهم إسكتوا
لو أنت بدل أبوتريكه و إتشتمت هاتعمل إيه ؟

و بعدين في عضو قال أن ابوتريكة ده لاعب مش محترم من اساسة
أنت المفروض لما تحكم علي شخص تشوف مميزاته و عيوبه
عيوبه لغاية دلوقتي اللي عمله في ماتش الزمالك
مميزاته أخلاقه العاليه ( تخيل لما واحد يشتمك بحد من أهلك هايكون رد فعلك إيه و قارنه برد فعل أبو تريكه )
و تضامنه مع القضايا العربيه ( إلا رسول الله - تعاطفا ً مع غزه )
ده غير أنه لعيب مهاري

هل لو كان غلط غلطه واحده تمحيله كل المميزات دي ( ده لو كان غلط و أنا بصراحه لو شفت واحد إتشتم بالأب أو الأم و قال للي شتمه إسكت أقل حاجه أقولها عنه أنه ما عندوش دم )

بس بعد إذنك ليه اللي بيجي علي الزمالك مش بيكسب
أنت حسستني أن اللي يجي علي الزمالك كأنه جه علي ولايه مثلا