|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#91
24-09-2008, 08:11 PM
|
||||
|
||||
امممممممم
ارغيلكوا فى امبارح لسه دخلتلنا دوك/ فى الكيميا (هى كانت كيميا ولا فيزيا؟)  شكلها كانت كيميا  (انا لسه صاحية) المهم الدوك/ دى بجد ممتازة جدااااا بتتكلم عن المنهج الاول من زمان وبستطه وبعدين هى قالت انواع المادة 3 : صلبة. . . . سائل. . . . غاز (انا فاكرة انى خدت فى الفيزيا انهم 4) المهم الدوك/ عمالة تقول هما كده صح ولا فى حاجة ناقصة او زايدة؟ انا عمالة اقول فى نفسى ايوة فى . . .حالة البلازما  اسال ريما تقوم قايلالى انا بكره الفيزيا متجيبيليش سيرتها انا رياضة بس كل ما اقولها انا بحب حاجة الاقيها بتكرهها زى العضوية فى الكيميا بحبها ...هى بتكرهها الفيزيا بحبها ... هى بتكرهها هى بتحب الرياضة انا بولع منها المهم مش عارفة اسال الدوك. (مكسوفة) . . واللى زود كسوفى ان اللى بيكح بس المدرج كله بيلف يتفرج عليهوقعد ورانا شلة ولاد بس ايه. . عالم رزلة دول لو قعدوا ورانا تانى انا كده ضمنت انى هتطرد المحاضرة الجاية لانى مش ضامنة انى اسكت (سبحان اللى كتمنى المرة اللى فاتت) واحدة وقفت تجاوب على سؤال للدوك. هما قعدوا يتريقوا ولما هى جاوبت غلط قاموا قالوا :الاجابة خاطئة لا تحاولى مرة اخرى اترزعى (مش عليا انا لسه دورى مجاش) المهم لاقيت بقى البنات والولاد بيسالوا الدوك. ينفع يسالوها فى المحاضرة عادى ولا لأ وايه نظام الكتب وكده انا عاوزة اسال مليش دعوة (فى حكاية حالة المادة دى) المهم كل ما ارفع ايدى انزلها تان..(عملت الحركة دى 5 مرات) وريما طالعة فى دور عادل امام فى فيلم الارهاب والكباب كل شوية تقولى يا بنتى قومى وتشجعنى علشان اقوم وتتريق عليا  المهم قررت انى ارفع ايدى فا هى شاورت عليا انا شفتها وهى بتقولى اتفضلى سكت كده وكانى مسمعتش ونزلت ايدى (كانى كنت بجرب نظرية رفع القلم) بس طبعا قمت خلاص المهم قلتلها: حالات المادة ثلاثة(.. . . ..) ينفع ازود عليهم حاجة رابعة اللى هيا حالة البلازما؟؟ هى شرحتلى بقى وقالت فى الاخر تنفع تبقى حالة رابعة ومتنفعش علشان هى بتنتج فى ظروف خاصة فى وسط خاص (مع ان اصلا فى كتاب الفيزيا ثانوية عامة واتحدى فى الباب التالت ...حرارة الفصل الثامن والسادس) (والموائع ..الفصل الرابع) واراهن اى حد على مورو ان طلع كلامى غلط  المهم الدوك. اتكلمت معايا وناقشتنى وكده وانا قعدت (المدرج كله كان بيتفرج عليا وانا قايمة اصلا عاملة زى الارنب مترددة اقوم ولا مقمش)
__________________
 عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#93
24-09-2008, 08:22 PM
|
|||
|
|||
|
اقتباس:
|
|
#94
24-09-2008, 08:24 PM
|
||||
|
||||
|
كل ده ميجيش حاجة جنب اللى حصل النهاردة
يلا يا سوستى عاوزين ندخل فى الحاجات الجااااااااااااااااااااامدة مع زوزو و ريما مش هتقدر تغمض عينتينك
__________________
 ••• والعز كل العز في ايماني •••
|
|
#95
24-09-2008, 08:52 PM
|
||||
|
||||
|
(-2-)
اول ما الدوك. قالتلى اتفضلى وهى فضلت تشرح انا على طوول قعدت المهم لاقتها بتقولى حيث انك فتحتى الموضوع ده عرفيلى ايه هى (حالة البلازما) انا سمعت كده  قلت لفسى (هه!!) ريما سمعت كده فضلت تضحك وانا بصيت اتكسفت اوى المدرج كله قعد يضحك اصلا ولاقيته بيبصلى (يا كسوفى بقى) هى ضحكت وقالتلى خلاص يبقى هنعمل سيرش على (حالة البلازما) وكده بقى سيرشين اول ما المحاضرة خلصت سمعت الحلو كله تريقة خلصت الغلاسة بتاعة اليوم ده مش فاكرة بقى فى ايه تان حصل المهم انى وانا مروحة تهت مش فاكرة بقى فى ايه تان فى اليوم ده
__________________
عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
|
#96
24-09-2008, 11:47 PM
|
||||
|
||||
|
اقتباس:
ليه يعنى هو النهارده كان 6 اكتوبر و انا معرفش
و انا بقى هبقى اكتب ان شاء الله بس لما ابقى اعرف حد هناك يلا بقى عايزين نعرف تاريخى من ناحيه ايه و صحيح انا عايز المحاضره الى خدناها انهارده اصلى جيت متاخر و ملحقتش غير اخر ربع ساعه |
|
#97
25-09-2008, 04:16 AM
|
||||
|
||||
|
ده احنا خدنا ىشوبة تهزييء من هنا للصبح فى محاضرة التحليل الرياضي
بس العميد كتمهوملى الحمد لله انا وزينب منقلناش حاجة كنا قاعدين نسأل بس
__________________
••• والعز كل العز في ايماني •••
آخر تعديل بواسطة احمد رضا ، 26-09-2008 الساعة 08:23 PM |
|
#98
25-09-2008, 05:10 AM
|
||||
|
||||
|
بصراحة يا جماعة بجد الى حصل امبارح لازم يتحكى ويتسجل
لانه بجد كان يوم غريب فعلا ايه اللى حصل ؟ نبدأ بسمــــــــــــــــ الله نزلت من البيت 6 وربع كده تقريبا كنت لوحدى لان صاحبتى نفضت لكليتها المهم ركبت المواصلات العادية و ع 7 ونص كده كلمت زينب اشوف هى فين كنت ساعتها فى المترو وكان المترو ماشي مش واقف المهم بقولها انتى فين قالتلى الملك الصالح قلتلها ايه ده انا مار جرجس ده فرق محطة واحدة المهم واحنا بنتكلم موبايلى فصل شحن المهم قامت زينب كلمتنى وكان ساعتها المترو واقف بقولها انتى فين دلوقتى قالتلى مار جرجس قلتلها ما انا كمان طيب انزليلى المهم بعد الحوارات الطويلة دى فوجئت بانها نازلة من الباب اللى جنبي يعنى كانت معايا فى نفس العربية فى نفس المترو المهم فضلنا نتمشي شوية وركبن المترو تانى والحمد لله كنا واقفين ع الباب والمترو فتح مرة وانا مش واخدة بالى وكنت هقع بجد والسوسة زينب معرفش لقيتها فجأة فتحت فى الضحك لمدة محطتين تلاتة قدام  المهم دخلنا الجامعة واحنا ماشيين كنا عاوزين نعدى من مكان معين بس للاسف كان الرصيف عالى شوية ..(مترين مثلا ارتفاع كده )معرفش ايه خلانا نفكر ننط انا لسه ببص لتحت لقيت تشجيع رهيب من الناس اللى حوالينا  طبعا بقي مقولكوش انا النط ده عندى حاجة سهلة انا اصلا لاعبة فنون قتال سابقا  المهم قعدت ع الرصيف ده وقمت نطيت بالراحة كده ( نظام بنات بقي )معرفش زينب بقي الموقف اخدها اوى ولقيتها بتنط وهيا واقفة الحمد لله انها نزلت سليمة متكسرتش (ولسه يا سوستى )احنا نطينا من هنا والله اكبر ع التعليقات اللى سمعناها _ جامدة اوى النطة دى على فكرة _ _ _ وانا ماشية مكشرة بالعافية وبحاول ع قد ما اقدر اعمل نفسي مش سامعة لأن العيال كانوا عمالين يضحكونا ابص جنبى الاقي الهانم بتجر رجلها اساساا بالعافية من االضحك والله العظيم انا كنت ماشية ماسكة نفسي بالعافية وكل ما ابصلها خلاص بجد بحس انى ممكن اضحك ع ضحكها ده فى اى لحظة بس والله ما كان ضحكها ضحك مياعة العيال دى كانت فظيعة بجد انا مش عارفة كنت مكشرة ازاى (واقفة جنبك اهو )بس وبعد كده رحنا المدرج بتاعنا يتبع
__________________
••• والعز كل العز في ايماني •••
|
|
#99
25-09-2008, 05:24 AM
|
||||
|
||||
|
باقي اليوم
.......... الدكتور دخل وفضل يرغى يرغى وجه ع حلول المسائل الحمد لله الحمد لله انا وزينب قمنا معاه باحلى واجب اجمل حاجة فى الموضوع انه كان مش فاهم احنا بنسأل فى ايه بس والله العظيم وبحلف العيال اللى مكانتش بتسأل دى كان نصها قاعد مش فاهم حاجة المهم كل ما نسأل سؤال نسمع تعليقات البنات السخيفة جدا _ ايه ده هما بيسئلوا ليه ما الشرح واضح ؟ _هما ليه عاملين مشكلة من لا مشكلة؟ ولما المحاضرة خلصت بنات كتير جم قالولنا يخربيت الغباء اللى كنتوا فيه طبعا انا اتضايقت جدا و محدش من المتخلفين دول فهم اصلا انا كنت بسأل ف ايه انا دماغى راحت بعيد جدااااا جدااااااااااااا عن التفكير المحدود اللى ف امثلة الدكتور وطبعا كالعادة النظرات الجميلة جدا من بنات دفعتنا والبصات اللى من فوق لتحت عينى عينك حاجة بجد تفرق المهم انا لما لقيت الموضوع قلب بانه كله عمال يقولنا يا اغبيا اخدت زينب وقلتلها عاوزة اسأل الدكتور فى حاجة رحتله وقلتله ممكن اسأل حضرتك سؤال قاللى اتفضلى قلتله هو احنا اغبيا ؟ قالى لالالالالالالالالالالالالالا ليه كده قلتلوا كله عمال يقول علي اسالتنا غبية الدكتور نفى التهمة عننا الحمد لله الحمد لله وخرجت الى حد ما راضية عننا مع انى كنت فعلا زعلانة من البنات بيعملوه معانا مع اننا مش بنضايق اى حد يتبع
__________________
••• والعز كل العز في ايماني •••
|
|
#100
25-09-2008, 05:48 AM
|
||||
|
||||
|
انا وزينب طلعنا بره المدرج
ومعرفش بجد ايه التوهان اللى كنا فيه ده فضلنا نتمشي كتير جدا وتقريبا كنا نسينا احنا جايين الكلية ليه .. شوية بسالها فين بتوع علوم قالتلى العميد عاملهم محاضرة قلتلها واحنا واقفين هنا ليه بقي المهم اتصلت بصحابنا الندلين قالولنا ان العميد موجود وانه هيبدأ وكده المهم 10 دقايق وكنا هناك دخلنا لقينا مكان فاضي بس على البنشات الى ع الجنب الاجتماع ده كان مسلى لدرجة انى حطيت راسي ع البنش صحيت بعدها بربع ساعة كده الغريب انى صحيت لقيت زينب عمالة تتكلم معرفش كانت بتكلم مين ولما قلتلها . انتى بتقولى ايه ونووية ايه قالتلى ده الدكتور اللى قال قلتلها ع فكرة انا كنت نايمة لقيتها سكتت شوية وقالتلى .. بجد المهم قعدت تحكيلى عن اللى اتقال وكده وشوية بعد العميد ما خلص رغي هو ورؤساء الاقسام فتح باب الاسئلة اللى كانوا موجودين طلاب علوم حلوان كلها بال3 شعب بتوعها الاسئلة الحلوة من الطلاب الحلوين اخذت تتوالى وانا رفعت ايدى معرفش ايه الجرأة دى ده احنا كنا معديين ال 500 واحد ودى ناس كبيرة مبتهزرش اول ما العميد قالى اتفضلى حسيت ان نفسي الارض تنشق وتبلعنى اخدت نفس وسالنى عن اسمى قلتله رحمة قالى اسمك جميل وكده قلتله انا كنت عاوزة اسأل سؤالين قاللى اتفضلى قلتله السؤال الول عاوزة حضرتك تجاوبنى بس ب( آه) او (لأ) قالى فيها احراج ولا ايه قلتله لا لا لا عادى المهم كل ما اسأل السؤال يقوللى على صووووتك لحد ما قالى انزليلى هنا احسن معرفش ايه خلانى اتشجع اوى والبنات اللى جنبي قامت بقي ونزلتله لقيته بيديلى الميكروفون وبيقولى بعد ما نزلتى ده كله يا ريت تاخدى الميكروفون بالمرة انا اتخضيت طبعا ورجعت لورا ( ميكروفون ايه يا عم بلاها اسئلتى انا غلطانة )قام قاللى خلاص اتكلمى قمت قلتله _ بما ان حضرتك وكل الاساتذه اللى قاعدين دول كنتوا متفوقين .. هل يا ترى كنتوا بتسألوا الدكاترة بتوعكوا وناس تتريق عليكوا وتقول ايه الاغبية دول العميد قاللى ااااااااه قمت جريت ع البنش بتاعى بسرعة بسرعة وقام العميد قالهم زميلتكم سألت سؤال مهم جدا وقالى تحبي اقوله لزمايلك قلتله ايون ايون قام بقي كبس العيال العبيطة كلها اللى معانا فى الشعبة اللى اتريقوا علينا فى المحاضرة الصبح وقالهم .. زميلتكم بتسأل كذا كذا وقام قالى انتى مش غبية ابدا ومفيش سؤال اسمه سؤال غبي واصحابك اللى اتريقوا دول هما اللى اغبيه لأنهم مش فاهمين سؤالك اصلا ووووووووووووووووووو كنت هاين عليا اطلع للعيال لسانى بس قلت احتفظ بالبقية الباقية من عقلى بس اول ما خلص فضلت ادعى ميفتكرش انى كنت عاوزة اسأل سؤال تانى وزينب رفعت ايديها والحمد لله العميد قومها وبعد كده قالها استنى رحمة كان عندها سؤال تانى انا بلمت ووقفت وقلتلهانا عاوزه اعمل حاجة بالكلية بتاعتى وكده وعاوزة احقق انجاز و و و و من الاخر عاوزة اخد نوبل يا ترى اقدر اعمل ده امتىقالى من النهارده قلتله وانا مستعدة بس وفضل يقوللى انضمى لاسرة العلوم واجتهدى و و و و وقالى كلمة جامدة جدا قالى وهبقي اسأل عليكى وهتابعك هييييييييييييييه عميد الكلية سخصيا عرفنى المهم بعد كده زينب قامت وسألته عن اذا ما كانت عاوزة تبقي معيده تجيب امتياز فى الاربع سنين وكده فضل يرغى كتير وقالها لا وبتاع ومعرفش ايه وفى نص الكلام قالها كذا كذا زى رحمة مش فاكرة الجملة بس فاكرة انه ضرب بيا مثال زوزو قعدت واول ما خلص الاجتماع ده واحنا ماشيين بنات تقولنا ايه الجرأه دى وبتاع وبنات تانى بيستلمونا من تحت لفوق و بقرف بس كده وروحنا انا تعبت زينب ابقي كملى
__________________
••• والعز كل العز في ايماني •••
|
|
#101
25-09-2008, 02:22 PM
|
||||
|
||||
|
طب مهو الموضوع زي الفل اهوه
جايلي شكاوى ليه بس هو انا بس ظبطت شوية حاجات مكانش ليها لزمه بس شكل اليوميات مشوقه انا بقترح ان السناريست إسلام يقوم بإعداد وتنقيح الحلقات وتنزل ف مسلسل تلفزيوني يالا عالبركة والقسم ده فعلا عايز مشرف معرفش عينوه ولا لاء عالعموم هبقي ارجع اقرأ يومياتك يارحمه بما انك في المجموعه وانتي ياترافيل تفرقه مجموعيه بقي
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ !  |
|
#102
25-09-2008, 02:27 PM
|
||||
|
||||
|
اقتباس:
عموما يا احمد يمكن لما تقرا اليوميات تغير رايك ولا حاجة ما هى المشكلة انى مش عارفة مشكلته فين هو جالك شكاوى من حد غير ولا ايه وبعدين اسلام ممكن يساهم فى الموضوع ده بالاغلاق او الحذف غير كده معتقدش
__________________
••• والعز كل العز في ايماني •••
|
|
#105
25-09-2008, 03:13 PM
|
||||
|
||||
|
انا حاسس انى بقرا مغامرات علاء الدين
بس نصيحة منى يا رحمة سيبك من كلام الناس والعيال اللى بيتريقوا عليكى فى المحاضرة دول واللى عايزة تعمليه اعمليه طالما الحاجة دى مش حرام ولا عيب المهم طبعاا انهاردة الخميس وهو عندى اجازة الاسبوع ده بس علشان اول الدراسة بقى والكلام ده من بعد العيد مفيش اجازة تانى فانا بقى هحكى مغامراتى امبارح رغم انى مش فاكرها اوى ( زهيمر ) صحيت امبارح الساعة 6.15 ونزلت على 7 بس المرة خدت طريق المواصلات التانى فلقيت نفسى وصلت على 7.20 معرفش ازاى تقريبا كنت راكب صاروخ المهم كان علينا محاضرة فيزيا والراجل عمل خير وماجاش وكان بعديها علينا محاضرة جيولوجيا طبيعية وتاريخية فى قاعة 103 ربنا رزقنى كده بواد من اسوان جاى عندنا عين شمس مش عارف اى حاجة فى اى حاجة ساب الناس كلها وجاى يتصاحب عليا انا وعمال يسألنى على المحاضرات والاماكن وقالى تعالى معايا ندور على قاعة 103 هو معتمد على انى عارف بقى كل حتة فى الكلية المهم توهته فى الكلية وطلعته ونزلته 50 مرة ومش لاقيين القاعة الواد ندم انه جه عين شمس عندنا فى الاخر خالص لاقينا قاعة 103 و لقينا الناس كلها بتدور على القاعة دى بس انا طبعاا اول من استدليت القاعة دى و لقيناها قافلهحضرنا بقى مع قسم الجيولوجيا وخلاص والواد الاسوانى جه حضر معانا بس كان اتعقد خلاص وعمال يكلم فى نفسه فين وفين دخلنا دكتور الجيولوجيا الطبيعية الراجل والله كان ابن حلال وعمال يقولنا انتوا احسن كلية فى مصر والكلام التعبان ده وبعد كده دخلتلنا دكتورة الجيولوجيا التاريخية وكان بقالها نص ساعة عايزة تشغل البروجكتور مش عارفة وفى الاخر واد معانا قام شغلهولها بخطوة واحدة بس كان شكلها وحش اوى المهم بقى بدأت فى الشرح اسرع مخلوق بيتكلم على وجه الارض خلصت الفصل الاول فى ربع ساعة المهم محدش فهم ولا كلمة ومحدش لحق يسجل حاجة واللى كان بيسالها مش بترد عليه وقالت لينا مفيش كتب واللى عايز يذاكر يصور مذكراتى ومشيت ومحدش فهم اى حاجة فى اى حاجة المهم الواد الاسوانى كان اتعقد من الدنيا كلها وروح من الجامعة وبعد كده كان علينا محاضرة حاسب الى تثقيفى والدكتور كالعادة ماجاش ف روحنا واحنا مروحين كنت انا وصحابى اربعة وملقيناش الميكروباص وشكله كده مش هيقف قدام الجامعة تانى على حظنا المرة دى بقى ما اخدناش تاكسى لان لو كل يوم خدنا تاكسى بيتنا هيتخرب فمشينا بقى من قدام الجامعة لحد كوبرى القبة وبعد كده كل واحد شاف طريقة اللى طلع على عمارات السعودية واللى طلع على الحلمية واللى طلع على المطرية ( اللى هو انا ) وبعد كده من المطرية خدت ميكروباص تانى لحد البيت وبس آخر تعديل بواسطة ahmed2845 ، 25-09-2008 الساعة 03:15 PM |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:53 PM.
