|
||||||
| استراحـة المنتـدى منتدى يختص بتبادل الترحيب والتهنئة والتعزية بين الأعضاء |
|
|
أدوات الموضوع | انواع عرض الموضوع |
|
#11
19-10-2008, 10:11 PM
|
||||
|
||||
امبارح
بليل بعد ما رجعت من بره بابا بيقولى جدتك تعبانة .. بيقولوا انها عاوزاكى قلتله خير؟ قالى الله اعلم .. ده اللى وصلى سبحان الله كنت رايحالها يوم الجمعة بس اتدلعت ومرحتش بعد مكالمة امبارح وكلام بابا قلت لازم اروحلها النهارده الصبح خرجت معرفش كان فى حاجة جوايا بتقولى روحى شوفيها فوتى عليها قبل ما تروحى الجامعة بس كنت خارجة متاخر قلت خلاص هفوت عليها بعد الكلية وابات عندها كمان وانا جوه المترو كانت الساعة 9 وشوية معرفش ليه بدأت ابكى ومش قادرة ابطل وحاولت ملفتش النظر ليا لكن مكنتش قادة امسك نفسي فعلا معرفش كنت بعيط ليه معرفش وصلت الجامعة معرفش بجد ليه كنت تايهة اوى ومن جوايا منفضة لكل حاجة ومش ف دماغى تانى حاضرة خلصت ولقت رسالة **البقاء لله جدتك توفاه الله** والله كنت رايحالها وكنت عمالة افكر ازاى ادخل السرور بس ربنا مأرادش انى اشوفها للمرة الاخيرة قبل وفاتها اتصلت بماما لقيتها كانت صامدة لما سمعت صوت بكائي بكت انا كنت ساكتة مش قادرة اتكلم - جدتك هتنزل القبر بعددقايق ادعيلها بالثبات عند السؤال والله العظيم والله العظيم كنت رايحة اشوفها ووالله انا بحبها جدا ودلوقتى بس عرفت انا ازاى كنت مقصرة معاها اوى وانا بجد اول مرة احس ان فعلا قلبي كان قاسي لانى مشفتهاش من العيد وهى طلبتنى وانا اتاخرت عنها العزا اول ما رحت ما قدرتش اسلم ع جدى لانى لو واجهته هبكى وخفت ليتأثر بده مسكت اعصابي وانا معدية من قدامه بس دقايق ورجعتله تانى بست ايده وبمجرد ما اخدته ف حضنى بكى وانا قسما بالله ما كنت قادرة اسيبه لدرجة انهم فضلوا يشدونى منه كانوا عاوزينى ابعد عنه باى طريقة بجد انا انسانة وحشة اوى كانت بتحبنى اوى وانا كن غبية وقصرت معاها اوى مش عارفة بجد ليه انا كده ومش عارفة ازاى انا جايلى قلب ادخل واكلمكوا بس يمكن علان بجد تعبانة ومحدش عندى فى لبيت قلبه اتحرك ولا كان فى حاجة حصلت بجد انا مكنتش بحس بقيمة المواضيع اللى زى دى بس فعلاانا اقل حاجة اقدر اعملها ادعى لها ودعاءكوا ليها والله اجمل هدية منكم شكرا يا زينب وشكرا ليكوا كلكوا واحد واحد ويا رب انا اخر كلام سمعته على لسان جدتى كان يا رب اللهم انى اشتقت للقاءك فاللهم اجعل قبرها روضا من رياض الجنة اللهم اغفرلها وارحمها واعف عنها وتجاوز عن سيئاتها واللهم اجرنى فى مصيبتى واخلفنى خيرا منها
__________________
 ••• والعز كل العز في ايماني •••
|
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 12:50 PM.
