ملتقى طلاب صيدلة الاسكندرية

[طـفـلـة الامـس]

استنوا بقى عشان انا هاحكيلكم اليوم النهاردة

اولا نمت الساعة 2 بالليل وطبعا قمت الصبح بالعافية
اولها كان عندى سكشن حيوان ودخلت عالضفدعة وفتحت بطنها وكانت حاجة لا توصف
خلصت السكشن وكان عندى بعدها كيمياء روحت بقى وفضلت واقفة اكتر من ساعتين ونص لما رجلى كانت خلاص
المهم جوا السكشن وانا بعمل تجربة Conc H2so4 طلع دخان غريب وريحة كنت هاموت منها اصلا
فضلت اكح ونجوت باعجوبة
بعدها فى اخر السكشن بنت عملت حاجة فريحة النشادر ملت المعمل واخترفت الجيوب الانفية واللحمية وكل اجزاء الانف وتعرضت للموت للمرة الثانية
اااااااااه
المهم خلصت بعد طول انتظار وعذاب
طلعت عشان اركب وقفت تلت ساعة عبال ماركبت وساعة وربع بقى فى الطريق
تقريبا عربيات اسكندرية كلها كانت ماشية فى شارع ابو قير
اتمنيت ساعتها لو كنت ساكنة فى العجمى جنب خالتو عشان كنت هاوصل اسرع بجد
وصلت حى المنتزة بعد ماروحى طلعت واول ماوصلت البيت ويدوب بقفل الباب سمعت خناقة فروحت عشان ابص طبعا
خناقة مافيش احلى منها
فضلت تلت ساعة واكتر شغالة
يللا كفاية كده احسن تعبت ولسة مانمتش

فاصل ونعود