|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
|
|
#1
20-10-2008, 08:20 PM
|
||||
|
||||
بما ان حضرتك بقيت مستعد للمناقشة بقى
فانا معترضه بقى على ان العقلاء هما التعبانين فى الدنيا زى ماحضرتك وصفتهم كده لان العقل بيريح صاحبه والدنيا مش كده زى ماحضرتك ذكرتها انا مش لاقية تعريف صريح للدنيا بس معترضه على ده لانه مش بيوصفها صح ولينا عودة تانى انشاء الله 
|
|
#2
21-10-2008, 05:56 PM
|
||||
|
||||
|
اقتباس:
 بالنسبه للتعبانين في الدنيا فخليني اجبهالك من الناحيه التانيه انتي شايفه ان المجانين تعبانين في الحياة ؟ الجاهل تعبان في حياته ؟ لا طبعا ده كانوا حتي بيقولوا المجانين في نعيم وكانوا بيقولوا بردو كلما زادت معرفتك زاد بؤسك حتي تلاقي معظم العلماء أكتر ناس عانوا في حياتهم هاتيلي انتي بقي دليل ان العاقل مرتاح ؟  --- بالنسبه للدنيا فده تشبيه احتفظ بيه لنفسي لانها حاجة برسونالتي بس تقدري تقوليلي تشبيهك ايه ؟ غير تشبيه " دار ببابين " ---
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ ! 
|
|
#3
21-10-2008, 06:10 PM
|
||||
|
||||
|
اقتباس:
بس اصل دى اكتر مقوله نرفزتنى لان العاقل بجد هو الوحيد اللى هيبقى مرتاح فى الدنيا المجنون اصلا عايش كانه ميت ومش يعتبر انسان اصلا لانه محروم من نعمة العقل اما الجاهل فده اللى بجد بقى تعبان مش معنى الجاهل انه مش عارف ايه اللى بيحصل حواليه وحتى لو كان مش عارف اللى بيحصل حواليه برضه هيبقى تعبان لانه مش عارف اما العاقل بقى فده الوحيد اللى مش هيهمه اللى بيحصل فى الدنيا مش هيهمه اللى فى ايد غيره فهيرتاح مش هيهمه غيره بيعمل ايه فهيرتاح وهيبقى عارف ان كل شئ بيحصل فى الدنيا حواليه بيحصل لحكمه معينه ربنا ارادها ان مره قريت لمصطفى محمود كتاب كان بيقول فيه ان كل نقطة دم تراق على اى حته فى الارض انما لحكمة لا يعلمها الا الله وربنا اتاح لنا فرصة التفكير بالعقل اللى ادهولنا وربنا قال وتفكروا يا اولوا الالباب مش معنى كده بقى ان التفكير متعب وهيجيب لنا المرض ووجع الدماغ ربنا ادانا العقل عشان نفكر بيه اللى هيفكر صح هيريح نفسه واللى هيفكر غلط هو اللى هيتعب اما بقى بالنسبة لمفهوم الدنيا فليه حضرتك توقعت انى هقول انها دار ببابين ؟ اشمعنى يعنى؟ ع العموم انا مش لاقيلها تعريف شامل ليها انما التعريف اللى حضرتك ذكرته ده بيتهيالى انه قاصر على وجه معين من وجوه الحياه الكتير وانا نفسى بجد الاقى تعريف يوصف الدنيا صح واسفه جدااااااااا على التطويل واسفه لو كان اسلوبى فى الكلام بايخ معلش بجد انا بتكلم كده دايما فمش عارفه اغير
|
|
#4
21-10-2008, 06:22 PM
|
||||
|
||||
|
اقتباس:
-- كلام جميل وصح من جانبه .. لكن بالنسبه للمفكر في مجتمع المُفكرين ده الشئ اللي يريح لكن العاقل في مجتمع المجانين ده اكتر واحد بيعاني لانه هيضر عشان يجاريهم يبقي مجنون كان فيه رواية قريتها زمان ان كان فيه نهر اسمه نهر الجنون كل الشعب شرب منه وحرس الملك شربوا منه فالملك هو كمان راح يشرب منه عشان يعرف يتعامل معاهم اهو احنا عندنا العاقل كدا بتلاقيه عاقل 20 سنه من عمره وباقي حياته بتلاقي معظم أفكاره ومبادئه اتغيرت وعايز أقولك حاجة كمان انا بتكلم عن العاقل المثقف واعرفي ان الثقافه العاليه مش بالساهل ليها تمن غالي اوي وهو انك تشكي في حياتك كلها وتبدأي تفقدي الثقه في نفسك يعني العاقل فعلا بيتعب من وجهه نظري اقتباس:
تعمدى اني اذكرها بالمنظر ده لان المشهد جي من اسمها " دنيا " مذكر أدني يعني شئ حقير وملهوش قيمه وعلي فكرة اللي بيبدأ يُدرك حقيقة الدنيا بشكل كامل وازاي يتعامل معاها بيقابل مشاكل كتير جدا ده من رأيي وكلامك صح ممكن يكون قاصر وجه او عدة وجوه لاني شخص واحد ولا يهمك استخدمي الاسلوب اللي يريحك
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ !
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 08:30 PM.
