أرجو دخول جميع المشرفين

[the black rose]

المشاركة الأصلية كتبت بواسطة mohammed.el_sadat

بسم الله الرحمن الرحيم

السلام عليكم ورحمه الله وبركاته

أنا كان ممكن أنزل الموضوع ده فى الركن الخاص بالإدارين بعيد عنكم لكن الموضوع خاص بيكم إنتم لذلك أنا قررت أكتبه هنه
الموضوع وبكل بساطه حال مشرفى الأقسام
وقبل ما أبدأ كلامى ياريت محدش يفهم كلامى كالعاده خطأ لأنى أنا هدفى التنبيه ليس أكتر
تعالو ندخل فى الموضوع
الركن العام
القسم ده يا جماعه تقريباً أكبر قسم عليه ضغط فى المنتدى عليه
3 مشرفين وهما

mahmoud_taha, the black rose, mohamed nasser
لو بصينا على ال 3 مشرفين
هنلاقى إن تقريباً
mahmoud_taha
و
mohamed nasser
نسبة دخولهم أصبحت معدومه الأول بسبب الدراسه والثانى بسبب ظروف سفره يعنى كده فيه 2 مشرفين نسبه دخولهم معدومه ولو دخلو مش هيلحقو يضبطو القسم لأن القسم بينزل فيه يومياً أكتر من 30 موضوع وبترحلو للصفح الخلفيه يعنى مش هيشوفوهم أصلاً
و
المشرفه التالته
the black rose
بجد ربنا يكون فى عونها لأنها فعلاً مش هتبقى على القسم 24 ساعه وخصوصاً إنها ثانويه عامه

وطبعاً يا جماعه أنا مش معنى كلامى إنى بقول إن mahmoud_tahaو mohamed nasser مقصرين بالعكس الناس دى تعبه بجد وشالو القسم على أكتافهم لكن دولقتى فيه مشكله وعاوزين نتناقش مع بعض فيها عشان نوصل لحل
هو محمود قالى قبل ما يسافر قنا انى لو عايزة اطلب حذف اشرافه اطلب بس هو بصراحة بيدخل كل كام يوم بيشوف المخالفات يعنى برده بيساعدنى
و بالنسبة لمحمد ناصر انا شايفة انه مسك المعلومات العامة من اول ما اتنشأ
يعنى اعتقد انه يهتم الفترة دى بقسم المعلومات العامة طبعا انا مش بقلل منه ابدا
بس انا شايفة ان عادل شغله كان كويس جدا و انا اكتر واحدة حسيت بده مش عارفة بقى هيرضى يرجع ولا لاء
و لو مش موافق انا شايفة اسدات نشاطها ظاهر فى القسم حتى و هى معايا عالميل
يعنى لو مش عادل تبقى اسدات

القسم الثانى

معلومات عامة
والقسم ده عليه 2 مشرفين وهو تقريباً زى الركن العام
والمشرفين اللى عليه
هما
mohamed nasser
و
farouk
ووضع المشرف mohamed nasser شرحناه قبل كده

أما بالنسبه لفاروق ففاروق عضو قدير وقديم معانا من زمان والكل بيشهد له لكن إنقطع فتره طويله جداااً عن المنتدى ووأنا ببحث فى الأقسام لقيته بقى مشرف على قسم عدد المشاركات اللى له فيه 2 مشاركه ومفيش ولا موضوع فأنا على ما أعتقد إن المفروض إن فيه ناس أحق منه
وده مجرد رأيى
انا شايفة ان حد يبعت لفاروق و يقوله الاول ان يحاول ينظم القسم خصوصا فى غياب محمد و اعتقد اننا المفروض نقدر ظروف محمد
القسم الثالث
خبر وتعليق
وده قسم ما شاء الله عليه بينزل فيه مواضيع أخبار كتير جداااً ومعظمها بيبقى من مصادر مش موثوقه وفيه لخبطه كتير ومع ذلك مفيش عليه مشرف
فياريت بردو اللى شايف حد متميز فيه يتفضل بذكر إسمه
مش عارفة اصل معظم اللى اعرفهم واعرف شغلهم مشغولين حاليا

القسم الرابع
حي على الفلاح
القسم ده عليه 2 مشرفين الاتنين ما شاء الله عليهم
وهما
شريف الخضري
و
بنوته مسلمه
لكن بنوته مسلمه شبه متقطعه يعنى يوم آه و10 لاء وده بردو بسبب دراستها
طب و شريف موجود و نسمة رجعت للمنتدى ممكن نطلب منها الاشرف
ايه رايكم؟

القسم الخامس
القرآن الكريم
والمشرفه الل عليه هيا
ayooosh

ومش لاقى ليها غير 7 موضوع فى القسم غير كده غير إن القسم تقريباً بقى شبه مهجور وأنا من وجهة نظرى ده تقصير من المشرف لأن المفروض المشرف ينزل كل ما هو جديد بإستمرار ويحاول يشجع الأعضاء يعمل مواضيع مسابقات ينشط المواضيع يتحرك فى القسم يجذب الأعضاء لكن مفيش حاجه من دى بتحصل خالص
دى نكلم ayooosh برده و نشوف هتعمل ايه؟


القسم السادس

سيدنا محمد رسول الله
وده المشرفين اللى عليه هما نفسهم المشرفين اللى على قسم حي على الفلاح يعنى نفس المشكله وبيعانى من نفس مشكله قسم القرآن الكريم

نفس الكلام اللى قولته فوق
القسم السابع
صوتيات ومرئيات
والقسم ده ما شاء الله ربنا يحفظها المشرفه السابقه فتاة الاسلام بجد ربنا يحفظها لكن هى حالياً تنحت عن الإشراف بعد ما مشيت بالقسم مشوار طويل فياريت تقترحو مشرف على القسم ده يكون بنفس الكفاءه عشان القسم ميفقدش مكانته
اعتقد ان الرهينة كانت شايفة نفسها فيه قبل ما تتعين على فلاسفة تحت التمرين
ممكن نقولها انها تسيب فلاسفة و تمسك صوتيات و مرئيات بجدية شوية
القسم الثامن
الشاب المسلم
القسم ده قسم مهم ورسالته جميله وهو عليه مشرف لسه متولى الإشراف جديد وربنا يوفقه ويقدر ينظمه
sai
ربنا يعينه
لكن بردو القسم بيعانى من نفس مشكله قسم سيدنا محمد رسول الله و القرآن الكريم بحس إنهم أقسام شبه مهجوره
ممكن نعمل فى الاقسام دى مسابقات دينية و لها جوائز
القسم التاسع
البنت المسلمة
القسم ده بجد أنا لما بدخله بحس إنه مثال جميل يجب أن يحتذى به لذلك حبيت أهنى مشرفه القسم
مروج البحر
ربنا يقدرها وتفضل على نفس المستور
امين

وهنه تتلخص مشكله الأقسام الدينيه إن معظمها شبه مهجور وعاوز نشاط أكبر من كده بكتير وأنا عن نفسى بقترح رجوع " أحمد " المجاهد فى سبيل الله " كمشرف سوبر على جميع أقسام القسم وأى مشرف عنده أى إقتراح أى شخص كفىء يتفضل يقوله
ماشى موافقة
القسم العاشر

الركن الأدبي
والقسم ده عليه المشرف
a.shawky

القسم الحادى عشر
أبداعات الأعضاء
والقسم ده عليه إتنين مشرفين
وهما
drowns in a sea grief
و
نجم المشاعر

أنا بالنسبه للقسمين دول إحتكاكى بيهم بسيط جداااااً لكن أنا شايف إن تعين بندق__2007 مشرف سوبر على القسمين هيكون أفضل
اه بندق كويس

القسم الثانى عشر
فلاسفة تحت التمرين
وده عليه إتنين مشرفين وهما
الرهينه
و
الاسطورة الحزينة
بيتهيألى إن المشرفهالرهينه مقصره جداااااااً فى حق القسم ده لكن " رامى " فبجد الاسطورة الحزينةالرجل المناسب فى المكان المناسب وهو أدرى واحد بالقسم ده لأنه مسكه قبل كده فتره طويله جداااً
خلاص انا بقول ان جهاد تمسك صوتيات و مرئيات و تسيب فلاسفة

القسم الثالث عشر
الركن الطبي
وده عليه الدكتور دكتور تامر المصرى والدكتور دكتور تامر المصرى طلب رفع إشرافه من فتره طويله جداااً ومع ذلك لسه مشرف على القسم يعنى حالياً المشرف من غير قسم ياريت إقتراح أحد الأعضاء ويفضل إنه يكون فى كليه طب
مبدخلهوش و معرفش حاجة عن الناس اللى فى طب
القسم الرابع عشر
التنمية البشرية
القسم ده بجد أنا حاسس إن فى مقدمه الأقسام المهجوره فى المنتدى والقسم ده عليه المشرفه
الرهينه
وبجد أنا حاسس إن كلمه مقصره شويه على القسم ده المفروض يكون فيه شغل أكبر من كده شويتين يا جهاد
معرفش مبدخلوش غير نادرا
القسم الخامس عشر
اهداءات ومناسبات وتعارف
والقسم ده عليه المشرفه
ayooosh
وهو تقريباً قسم معدوم المخالفات
هو اهدائات اصلا مش عايز مجهود
القسم السادس عشر
ملفات مصرية
والقسم ده مفيش عليه مشرفين فياريت اللى شايف فى حد إنه يستحقه يتفضل يذكر إسمه

القسم السابع عشر
القضية العربية
وده عليه المشرفه أرق ملاك وهى على فكره طلبت رفع إشرافها من فتره طويله جداااً ومع ذلك لسه مشرفه على القسم

يعنى مشكله القسمين
ملفات مصرية و القضية العربية هى إنهم أقسام بدون مشرفين فاللى شايف حد جدير بيهم يتفضل بذكر إسمه

القسم الثامن عشر
اجتماعيات طالب
وده عليه الأستاذه القديره نداء الجنة وبجد هى أهل بالقسم ده ربنا يعنها عليه
اكيد طبعا
القسم التاسع عشر
مكتبة البرامج
وطبعاً القسم ده عليه مشرف قدير جداااً وبجد نشاطه واضح جدااااً
وهو

general

القسم العشرين
موقع اعجبني
وده قسم بجد أنا كنت فى الأول مش مؤيده لأنى مكنتش عارف الغرض منه لكن بعد ما عرفت الغرض الأساسى منه فبجد أنا بأيده جدااااً

لكن المشرف اللى عليه

farouk
أنا بجد مش شايف له أى شغل فى القسم نهائى بالعكس اللى قائم بالشغل كله فى القسم ده المشرف السوبر
ell0rd

القسم الحادى والعشرين
الهواتف النقالة
فهو عليه المشرف السوبر ell0rd والقسم ده محتاج كمان مشرف عليه بعد تولى محمد إشراف سوبر على أقسام امجموعه بحالها

القسم الثانى والعشرون
icdl
القسم ده بجد بيأدى دور مهم جدااااً وله فائده عظيمه لكن للأسف على ما أعتقد مفيش عليه مشرف لأن ell0rd كان فى الأساس مشرف شروحات الحاسب يعنى القسم يعتبر حالياً مفيش عليه مشرف مختص فياريت اللى شايف عضو مناسب للقسم يتفضل يقول إسمه

القسم الثالث والعشرون
شروحات الحاسب
وده عليه مشرف
وهو
محمود حسن عبدالعال
والأستاذ محمود لسه جديد على القسم وربنا يوفقه إن شاء الله


القسم الرابع والعشرون
الصور
وده بجد المشرفه " timon&bomba " تستحق كل تقدير على مجهود اللى بذته فيه
اعتقد ان حنان هتسيب الاشراف ياريت نشوف ردها
و
ربنا يوفق المشرف
ahmed salah
ويقدر يكمل معاها المسيره

وحالياً تتلخص مشاكل القسم ده فى التالى
icdl و الهواتف النقالة و موقع اعجبني

محتاجين مشرفين وبما إن " ell0rd " هو المشرف السوبر للأقسام السابقه فالبتالى هو أدرى واحد فينا بما يتسحق الإشراف على تلك الأقسام ومنتظرين ترشيحاته
لأنه محمد " ell0rd " بجد بيتعب جداااً بسبب نقس المشرفين على الأقسام اللى معاه

القسم الخامس والعشرون
جرس الفسحة
والقسم ده طبعاً مغلف وأنا أتمنى إننا ناخد هنه فى الموضوع ده بالأغلبيه قرار حاسم من حذف القسم أو إبقاؤه

وأنا أحب هنه إن أقول رأيى
وهو حذف جميع مواضيع القسم مع ترك المواضيع المفيده وهيتم ذلك عن طريق ال 3 مشرفين الموجودين على السقم
وهما
الرهينه
و
sweety girl
و
the black rose
انا قولت كدة بعد اغلاقه و فعلا بدأت بس محمود قالى استنى عشان استاذ اشرف قال انه هيحذفه خالص
و يعمل قسم تانى فيه طابع اسلامى
فياريت اعرف هيتعمل قسم بديل ولا نشتغل فى الجرس

القسم السادس والعشرون
ركن الأذكياء iq
وده عليه المشرفه
bossy cat
لكن فيه نقطه مأخوذه عليها رغم إنها متواجده بإستمرار وهى إنها مبتحذف كثر من المواضيع المخالفه زى النكت وما إلى ذلك
انا كنت كلمتها فى الموضوع ده عالميل

القسم السابع والعشرون
الرياضة للجميع
والقسم ده عليه المشرف
aco.khaled
وأنا من وجهة نظرى إن مشرف واحد على قسم زى ده مينفعش القسم ده محتاج على الأقل 2 مشرفين يكون واحد أهلاوى والتانى زملكاوى بما إن الشعب المصرى متقسم قسمين أهلى وزمالك عشان نتفادى الخلافات
مبدخلوش
القسم الثامن والعشرون
المطبخ
والمشرفه اللى عليه
هى
sweety girl
والقسم ده من وجهة نظرى مفيش فيه مخالفات
اه اعتقد ايمى كويسة
ده كان بالنسبه للأقسام والمشرفين اللى عليها بصفه عامه ودى أو نقطه فى الموضوع


أما بالنسبه للنقطه الثانيه

فأنا مش عارف إنتو واخدين بالكم منها ولا لاء عمتاً أنا هلفت نظركم ليها وهى
دى إسمها حجره الناظر
خاصه بالمشرفين يعنى لما موضوع بينطرح فيها مطلوب آراء أقل حاجه 70% من مشرفى الأقسام لكن اللى أنا شايفه إن النشاط بيقتصر على 3 ولا 4 مشرفين اللى بيشاركو وفى النهايه تقولو دكتاتوريه طب هو إنتو فين أصلاً ياريت كل مشرف ياخد باله من الجزئيه دى
اعتقد انى برد
النقطه الثالثه
وهى خاصه بالأقسام الخاصه بالكليات أنا شايف إن معظم الأقسام المشرفين اللى عليها بيتعبو جدااااً لأن الأقسام دى بيحصل فيها نوع من التسيب أكتر من باقى الأقسام لأن دول طلاب جامعه ومتعودين على الإختلاص يعنى تبادل رقم الموبيل عادى الإيميل أوك فبتحصل بعض التجاوزات قوانين المنتدى هنه بترفضها ولما يكون شخص واحد هو المسؤل عن قسم من دول فده فيه ظلم ليه لأنه بكده هيتعب ومش هيقدر يلبى كل الطلبات ولا ياخد باله من جميع المخالفات
لذلك أرجو تعين على الأقل 2 مشرف على كل قسم فيها بالإضافه للمشرف السوبر الموجود حالياً لكى يكون مسؤل عنهم وبكده هيستريحو وهنمضمن إن الأقسام دى ميحصلش فيها تجاوزات

و
فى النهايه
ياريت الكل يعرف إنى دى وجهة نظر شخص واحد وهو أنا يعنى وجهة نظرى إحتمال تصح فى بعض الأقسام لكن ممكن تخيب فى بعض الأقسام لذلك أرجو من الجميع إبداء رأيهم وبكل صراحه ووضوح لكى نتمكن من تصحيح الأوضاع بالكامل

شكرا لطرحك للموضوع يا محمد
ياريت فعلا المشاكل دى تتحل