بليييييييييييييييييييز

[محمد.فوكس]

يا جماعة بس أنا عشان ابقى خلصت ذمتي..
في اي سنة غير السنادي كلية العلوم كانت بتاخد من علمي علوم حوالي 94% و من رياضة حوالي90,5%.يعني خدت من علوم اعلى من رياضة بحوالي 3%.
و اعتقد لو .. و بكرر لو المجاميع رجعت زي الاول .. و الاخت اللي جايبة 80% لو جابت في تالتة 100% يبقى المجموع الكلي 90 يعني يدخل علوم/رياضة اقاليم (على اساس المجاميع العادية باستثناء 2008).
هو طبعا السنادي حصلت حاجة غريبة و الكلية خدت من علمي علوم اقل بكتير من علمي رياضة يعني في محافظات خدت من علمي علوم حاجة و سبعين في الميه .. بينما الرياضة آخرها كان حوالي 86,5%.
انا مبعرفش اتنبأ باللي هيحصل السنة الجاية.
و عايز اقول برضه ان لو حد عامل حسابه ان المجاميع هتنزل فلازم ياخد باله ان مجموعه برضه هينزل معاهم فبتبقى نسبة و تناسب .. الا بقى في بعض الحالات لما الواحد بيشد في المذاكرة عن النسة اللي فاتت.
يعني انا مثلا برغم الامتحانات بتاعت الرياضيات و الفيزياء كانت تعجيزية و غير مسبوقة بس انا مجموع كان اعلى من سنة تانية و لو حسبت مجموعي في سنة تالتة لوحدها هلاقي نفسي اعلى من اللي دخلوا هندسة و اللي كانوا جايبين في التسعينات في سنة تانية.
انا شايفك حددتي خلاص علمي علوم .و انا مقصدش ارجعلك الحيرة تاني لاني اتحطيت في الموقف ده. انا بس قولت المعلومات دي عشان حاسس انك يمكن تكوني مش عارفه الحاجات دي او مش واخده بالك منها.
و بالنسبة للاخت ترافيل .. طبعا مفيش كلام على ان الشغل و الارزاق في ايد ربنا .. بس الواحد برضه لازم يحسبها مش يدخل قسم هو بيحبه (الرياضيات مثلا_او بيئة)و هو عارف ان ملهوش شغل خالص و يقول خليها على ربنا .. و نعم بالله بس في عقل ربنا ادهولنا.
لكن لو قسم بتحبه و ممكن يكون ليه فرص عمل (فيزياء مثلا _ او علوم بحار) بس ممكن تجيلك او لا في الحالة دي ادخله لانك هتتفوق فيه .. و تسيبها بقى لربنا.
و بعدين بصراحة اوحش حاجة ان الواحد يشتغل بره تخصصه.
و عموما ربنا يهدي الاخت Dr.memo للحاجة الصح.
و يوفقنا.