قسم خاص بالاستفسارات & الطلبات

[ToMoRrOw_NeVeR_DiEs]

المشاركة الأصلية كتبت بواسطة king raul

شكرا جدا علي البحث واشكركم علي كل هذه المجهودات بجد شكلرا جدا

احنا كلنا هنا موجودين عشان نساعد بعض و لو فى اى حاجه تانيه اطلبها و انشاء الله حتلاقى حد يجبهالك

[goda2]

انا يا جماعة
فى قسم أثار مصرية قديمة
الفرقة الاولى
فى كلية اداب المنصورة

ياريت تساعدونى ازاى انظم محاضراتى
وافضل طريقة للمزاكرة ايه فى القسم ده
لان بجد حاسة انى تايهة خالص

مشمش

[مستر/ مينا ماهر]

اختي العزيزه / goda2

بالنسبه لقسم الاثار المصريه يعتبر من اجمل الاقسام الموجوده في الكليه...
و نصيحتي لكي ...احرصي علي حضور المحاضرات.....
و شراء الكتب و تدوين اهم النقاط اثناء المحاضره .....و احرصي علي المذاكره اول بأول
و لا تؤجلي .... و احرصي علي المذاكره من الكتاب و المحاضرات .....

و بالنسبه لشعورك بالقلق ....هذا شئ طبيعي جدا ....هذه حياه جديده عليكي ..
و بأذن الله سوف تتأقلمي مع هذه الحياه مع مرور الوقت ......

و ربنا يوفقك و يكرمك ................

مع ارق تحياتي /

مستر / مينا ماهر
مدرس لغه انجليزيه
و مشرف قسم كليه الآداب

[roma_2010]

يا ريت تخليكو معايا لاني حسة اني ضعت والسنة هتروح علية انا من بعد بدء الدراسة حصل عندي ظروف بابادخل المستشفي فمكنتش منتظمه في المحاضرات ومن اسبوعين بابا توفي الله يرحمه وانا نفسي احقق ليه أمنيته وأنجح واجيب تقدير ومش عارفه اعمل ايه انا يعتبر محضرتش محاضرات ولا اعرف حاجه عن المواد الي بدرسها معلش طولت عليكم بس قولت اكيد انتم مش هتسبوني وهتقولولي اعمل ايه والحق نفسي ازاي والي فاتني هعرف افهمو واذكروا ولا ايه ؟؟؟
يا ريت مش تسبوني انا اداب عين شمس قسم لغات شرقيه

[أمير الظلام]

الموت تانى
الموت ده ابن ..........
بيختار أحلى الناس دايما
أنا حاسس بيكى لانى لسه مجربه قريب وعارف اد ايه هو صعب
طول عمرى كنت بفتكر نفسى هبقى قوى فى المواقف دى لكن مع اول تجربة اتدمرت
ربنا معاكى يا اختى
وما تقلقيش لسه بدرى ممكن تعوضى اللى فاتك
بس انا للاسف مش فى أداب
أنا فى لغات وترجمة فورية انجليزى

[roma_2010]

المشاركة الأصلية كتبت بواسطة أمير الظلام

الموت تانى
الموت ده ابن ..........
بيختار أحلى الناس دايما
أنا حاسس بيكى لانى لسه مجربه قريب وعارف اد ايه هو صعب
طول عمرى كنت بفتكر نفسى هبقى قوى فى المواقف دى لكن مع اول تجربة اتدمرت
ربنا معاكى يا اختى
وما تقلقيش لسه بدرى ممكن تعوضى اللى فاتك
بس انا للاسف مش فى أداب
أنا فى لغات وترجمة فورية انجليزى

عندك حق كنت بفكر نفسي قويه بس صعب اوي لما الموت ياخد اعز اتنين عندي في الدنيا ماما وبابا بس اللهم لا اعتراض وكل الي يجيبو ربنا كويس وانا راضيه بيه وميرسي لمرورك علي الموضوع

[أمير الظلام]

المشاركة الأصلية كتبت بواسطة roma_2010

عندك حق كنت بفكر نفسي قويه بس صعب اوي لما الموت ياخد اعز اتنين عندي في الدنيا ماما وبابا بس اللهم لا اعتراض وكل الي يجيبو ربنا كويس وانا راضيه بيه وميرسي لمرورك علي الموضوع

مش شرط الاب والام انا والدى والدتى لسه عايشين
بس لما الشخص اللى أنا بتكلمه عنه مات حسيت ان الدنيا كلها ماتت يمكن عشان ضغر سنه أو يمكن عشان أنا كنت بحبه
بس المهم انى لقيته احساس صعب اوى
ربنا معاكى

[فرح &&]

السلام عليكم

النهاردة وانا في الكلية الدكتور بتاع نشاة وسائل الاعلام قالنا في احتمااال كبيير اوي ان مادة الحاسب الالي تتلغي

فدورت في النت لقيت مكتوب الكلام دا

السلام عليكم ورحمة الله وبركاتة
اولا كل بتوع اعدادى يحمدو ربنا
ان السنادى تم الغاء مادة الحاسب الالى .......
انا فعلا سمعت الحوار دة من اول السنة بس مكونتش متاكد
بس عرفت ان الموضوع اكيد ....
لان الوزير هانى هلال لغى مادة الحاسب الالى من كل الكليات
وتم وضع بدل من المادة
دورة icdl
وكدة افضل كتير جدا
لان بجد مادة الحاسب كانت من ارخم المواد فى الترم التانى فى اعدادى
وللتاكيد على المعلومات
دة الخبر منقول ...........................................
إلغاء مادة الحاسب الآلي بالجامعات العام القادم




وزير التعليم العالي







محيط : أعلن الدكتور هاني هلال وزير التعليم العالي والدولة للبحث العلمي انه سيتم الغاء مادة مدخل الحاسب الآلي باعتبارها مادة نظرية من العام القادم وتعويضها بحصول الطالب علي شهادة icdl من خلال المراكز المعتمدة في جميع الكليات بعد تخفيض رسوم امتحاناتها من 1200 جنيه إلي 120 جنيها.

ووفقا لما ورد بجريدة "الجمهورية" أشار هلال خلال المؤتمر القومي الثاني لشباب الجامعات بأبي قير ، إلى ان التعيين بالجامعات سيتم وفقا لخطة خمسية مستقبلية تضعها اقسام الكليات حسب احتياجاتها.

وأضاف الوزير أنه سيتم اعتماد الخطة من الوزارة والاعلان عنها قبل امتحانات السنوات النهائية تحقيقا لمبدأ الشفافية وتكافؤ الفرص.

حقيييقي ولا لا وهل في حد سمع حاجة عن الموضوع دا

[roma_2010]

بلييز يا جماعه اي حد لغات شرقيه يقولي ابدا اعمل ايه واذاكر ازاي انا نقلت المحاضرات ال فاتتني ومعايا الكتب بس مش عارفه ابدء ازاي والمذاكرة ازاي انا متوترة ومش مركزة بجد تعبت
وميرسي ليك يا استاذ مينا لاهتمامك بموضوعي وردك عليه
ويا ريت اشوف ردكم بسرعه لاني حسة ان الوقت بيجري

[أ.مصطفي نور]

اهلا امير الظلام ربنا يقويك علي فعل الخير
أخوك في الله
أ مصطفي م نور

[king raul]

انا طالب جامعه المنيا كليه الاداب قسم الاعلام وعايز بحث ومش لاقيه وهو عن امثله علي الاساليب الدعائيه الدوليه ويجب ان تكون دوليه وعايزه ضروري يوم الخميس ضروري ارجو الافاده وشكرا علي هذه المجهود ويلريت تساعدوني وشكرا

[stoneKane]

السلام عليكم انا طالب فى 3 ثانوى ونفسى ادخل كلية اداب وعايز اعرف مجموعها كام مع العلم انى جبت فى سنه 2( 67.8) يا ريت حد يقولى اقل مجموع اجيبه السنه دى ايه عشان ادخل الكلية دى لانى بحبها جدا ....فى انتظار الرد

[roma_2010]

ميرسي ليك استاذ مصطفي لاهتمامك والرد انا محتاجه حد يقولي اذاكر ازاي لاني متوترة ومش عارفه ابدء منين وطريقة المذاكرة تبقي ازاي ويا ريت حد لغات شرقيه يقولي هو بيذاكر ازاي

[stoneKane]

فى انتظار الرد على استفسارى

[ToMoRrOw_NeVeR_DiEs]

المشاركة الأصلية كتبت بواسطة stoneKane

السلام عليكم انا طالب فى 3 ثانوى ونفسى ادخل كلية اداب وعايز اعرف مجموعها كام مع العلم انى جبت فى سنه 2( 67.8) يا ريت حد يقولى اقل مجموع اجيبه السنه دى ايه عشان ادخل الكلية دى لانى بحبها جدا ....فى انتظار الرد

اخى الكريم / stonekane


حضرتك بتفكر بطريقه غلط جدا لان المفروض حضرتك متفكرش فى اقل مجموع تجيبه المفروض تفكر فى المجهود اللى حتعمله و على اد مجهودك و تعبك حتنول درجاتك و حقك ......و برده ردا على سؤالك التنسيق الداخلى ممكن يتغير تماما من سنه للتانيه بس يعنى حضرتك المفروض تجيب فى حدود 80 فى الميه عشان تخش كليه ......اسف لو كنت ضايقتك بكلامى



اخوك /عمرو
مشرف قسم الهواتف النقاله