ملتقى طلاب صيدلة الاسكندرية

[Dr.taz l0gic]

المشاركة الأصلية كتبت بواسطة طـفـلـة الامـس

ايه الفضايح دى

حرام عليكى ياجولى
ده انا كنت بحبك
ما انتم لو سمعتم الحكاية هاصعب عليكم اكتر منها

انا اشتريت اتنين والراجل قالى احطهم فى كيس واحد قلتله ماشى
المهم روحت البيت وعشان اطلع واحدة من الكيس كنت هاموت
اتصلت ببابا قلتله جاى امتة فقالى كمان ساعة الا ربع كده
والكلام ده كان بعد المغرب يعنى موقفالى حالى
المهم قبل مابابا ييجى بكام دقيقة استجرات وطلعت واحدة منهم فى كيس تانى وربطها وحطيت عالتانية السبرتو
وفضلت اكتر من ساعتين مش راضية تتخدر وانا احط تانى ومفيش فايدة
فلما بابا جه راح بص عليها قالى خلاص هى مش بتتحرك
وعشان اطمن اكتر حطها فى برطمان وحط عليها سبرتو وقفله
ولما خلاص بقى
اخدتها ودبستها وفتحتها وقطعتها وانا شغالة لقيت اللى بيرفص عايز يفك الدبابيس
انا كنت هاموت لما شفت المنظر ده
المهم فكتها بسرعة ورمتها

التانية بقى كانت لا حراك سبتها لتانى يوم وهى مش بتتحرك ففكرتها ماتت
روحت لقيتها فاتحة عينها وبتتنفس بس كانت منهكة وتعبانة جدا
قلت اعمل فيها معروف روحت جبتلها كيك وقعدت افرفتهولها فى الكيس
واختى جابتلها ماية وحطت سكر فيها
المهم ايه هى حست بحركة انتهزت الفرصة وكنت فاتحة فتحة عشان تتنفس منها بس وسعت معايا وانا بفتحها
فالمهم لقيت دى بتطلع راسها قلت مش هاتعرف تعدى وانا واقفة بعيد عنها بتفرج وبقفزة واحدة كانت على مكتبى لانى كنت حطة الكيس على المكتب
انا شفت المنظر ده
كان فى جوانتى وقماشة كده جنبى فقمت حطاهم عليها وانا واقفة بعيد وعمالة اصوت واعيط
وجسمى ده بيرتعش رعشة وقلبى كان هايقف من قوة النبض
كنت مرعوبة واخواتى كلهم طلعوا يجروا وانا اقولهم الحقونى والضفدعة عمالة ترفص تحت ايدى عايزة تجرى وانا خايفة اضغط عليها
فقمت جايبة كتب الفيزياء والحاجات اللى على المكتب حطيتهم عليها
وفى الاخر جارتنا هى اللى جت شالتها وقلتلها دى ماتستناش عندى ثانية واحدة
اتصرفوا فيها
قامت رمتها من البلكونة وبمجرد مانزلت العربية عدت فوقها

بس عارفين اتعلمت من الضفدعة دى موقف كويس
هى استغلت المعاملة الكويسة غلط
وهى اللى جابته لنفسها
انا حطيت لها اكل وكنت هاحطلها عصير بعد ماتخلص
قامت عملت كده
ربنا يسامحها بقى

هى دى كل الحكاية

طيب كويس إنك مدخلتيش طب