ذكرياتك مع المنتدى

[شموخ مسلمة]

جميل اوى الموضوع يا مروة
بصى يا ستى انا عرفت المنتدى طبعا من الثانوية و اللى بتعمله فينا بقىقعدت ادور ع مواقع تعليمية و لاقيته و سجلت فيه
و بعدين لاقيت مواضيع جميلة و مناقشات و كده
بقيت برد و عجبنى اوى روح الاخوة اللى كنت بحسها هنا

و حسيت ان المنتدى ده بيتى التانى و ان كل اللى فيه اخواتى
كنت حابة ده اوى اوى
كنت بتكلم عن الاعضاء هنا فى البيت عندى كانهم ناس اعرفهم فى الحقيقة لدرجة ان ماما و اختى تعبو من المنتدى و بقو يزعلو منى اوقات لما ادخله كتير

المهم بقى
كنت لما ببقى متضايقة بسرعة اكتب فى اجتماعيات ع اللى مضايقنى و كنت اشوف رايهم و كان ده بياكدلى اننا اخوات
و كنت بستغرب اوى من اى حد بيقول ان المنتدى وحش او الناس هنا مش كلهم ع طبيعتهم او انهم عايزين يسيبو المنتدى
بس صراحة و بدون زعل
انا المنتدى ده علمنى اللى عمرى مااتعلمته فى حياتى
و اتجرحت فيه جراح عمرى مااتجرحتها فى حياتى
بصى انا مش هقدر اقولك ان ذكرياتى هنا فى المنتدى كلها حلوة او كلها وحشة
بس صراحة انا بتمنى اسيب المنتدى فى اى وقت و بتمنى بجد انى اقدر ع ده و بدعى ربنا انى انسى ناس كتير اوى من اللى عرفتهم هنا
مش عارفة هيا كانت غلطتى من الاول و لا غلطة مين
بس كل اللى عرفته ان مش الناس كلها هنا ع طبيعتها
و مش كله برده لما يقول احنا اخوات بيبقى كده
و اللى بجد اتصدمت اوى لما عرفته
ان الكل بيتكلم عن كله كلام مش حصل
معلش يابنتى صدعتك
بس موضوعك ده جالى فى وقت مايعلم بيه الا ربنا

بس بجد موضوعك جميل و احتمال يبقى ليا رد تانى احسن من ده باذن الله