انا زهقت...و اكيد انتو كمان

[طـفـلـة الامـس]

المشاركة الأصلية كتبت بواسطة precious

مين مسمعش اغنية تامر عاشور الجديدة...تسلم

بجد زهقت م الاغنية دى...لو مش سمعتها من عربية يبأى فى محل يبأى فى المحاضرة او النادى..او رينج تون او كول تون...لحد ما قررت اعرف السر الرهيب ورا الاغنية دى...و جبت كلماتها
صراحة عمرى ماسمعتها ولا عايزة اسمعها
او ممكن اكون سمعتها بس ماعرفش ايه اللى شغال ده وده شىء مؤكد
لانى اصلا بحتقر اى شخص بيشغل الحاجات التافهة دى

اللى شدنى فى كلماتها حتة صغيرة
=>>كلمنجى اوى و بتحب تبان...واحد غلبان...و انا باجى عليك
كلمنجى و عمال على بطال...اللى بيتقال...بتغير فيه<<=

طيب هل دا اصلا واحد يستحق ان حد يكتب فيه اغنية...او يغنيله...او حتى يعبره؟؟؟؟؟؟

مين فينا مزهقش من الناس اللئيمة اللى شغلهم كله من تحت لتحت...و يبانو ادامك و ادام الناس الملاك البرىء...
لدرجة انهم يصعبو عليك...
و يخلوك تحس انك وحش اوى...
و دا كله جزء من خطتهم...
لحد ما يبانو...
صدقونى فعلا لازم فى الاخر بيبانو
بس شور مش مرة واحدة
تدريجيا
ده بيحصل كتير فى اى وقت واى مكان

للاسف بيكون فات وقت على ما الناس كلها تعرف حقيقتهم
بس المصيبة
ان على ما الناس يكونو عرفوا حقيقتهم
هم نفسهم بيكونوا نسيوها
يعنى بيصدقو نفسهم
انهم فعلا مظلومين
و يعيشوا نفسهم فى افلام
و انهم ضحية و الناس دايما فاهماهم غلط و ان قصدهم خير و دا ذنبى و مش عارف ايه
ساعتها بيكون فعلا فقد نفسه
و لازم اللى يعرفه يخليه يعيد حساباته
(drama is a disease...get well soon)
مش حكاية بيصدقوا نفسهم
حكاية انهم من كثرة تمثيل الدور ده خلاص اتعودوا عليه فبقى شىء طبيعى ان كل تعاملاتهم مع الناس تبقى بنفس الاسلوب
وفعلا بيخلى الاخرين يفقدوا ثقتهم فيه وكفاية نظرة الاحتقار اللى بينالوها
بجد زهقت
زهقت م الناس اللى ظاهرها طيب و باطنها حاجة تانية
وانا كمان بصراحة
و للاسف
ناس كتير
(الحمد لله مش انا)
طب كويس والله
بيتخدعو من الفئة دى
بس على ما يعرفوا الحقيقة
بيكون الاوان فات
بس الوجه المشرق
ان الحقيقة بتبان بتبان
اكيد،الحقيقة لازم تبان فى اى يوم سواء طالت الايام او قصرت ولكن مصير الشخص انه بيبان وبيظهر على حقيقته
بس زى ما قلت
بيكونو صدقوا نفسهم
يعنى ممكن حد من اللى كدا
يكون بيقرأ موضوعى ناو
و يقول "يااا هو فيه حد كدا..ايه الناس دى"
عارفين لو كل واحد خلاه فى نفسه
و بطل يتدخل فى اللى لا يعنيه
حاجات كتير هتقل
كما قال صلى الله عليه وسلم : "من حسن اسلام المرء تركه ما لايعنيه"
يعنى حتى من الاداب والاخلاق اللى حثنا عليه هو الامر ده
بس فى حاجات لازم نتدخل فيها اذا كانت بغرض الاصلاح او ماشابه
يا ريت يبطلو الشغل دا...
يا ريت يبطلو يستخبوا ورا كلام محفوظ
يا ريت يبطلو ينصحوا غيرهم باللى مش فيهم
و يا ريت ابطل اشوف مواضيع عن الثقة
لان الثقة دى حاجة اختفت من زمان
مهما حاولنا نقنع نفسنا باننا بنثق
هنلاقى تصرفاتنا بتدل على عكس كدا
و اكيد الناس اللى زى دى هى السبب
اخيرا...
سورى الموضوع مش مترتب
بس بجد زهقت

و اكيد انتو كمان

انا الحمد لله صراحة ماقابلتش ناس كده ولا هاقابل باذن الله
اقولك حاجة موضوعك جميل ورائع ومفيد بس كان هايبقى احلى واجمل بكتيير لو ماكانش مقصود بيه هدف تانى
غير النصيحة
اتمنى ان هدفك من كتابة الموضوع يكون لغرض كويس
والله اعلم بذلك منى ومنك
فى رعاية الله