ايه الدنيا دى؟؟؟!!!

[wafa2y]

أنا وعدت إن ليا رد تاني
بسم الله الرحمن الرحيم
إيه الدنيا دي؟
الدنيا دار إبتلاء:
يعني إيه يعني دي مرحلة للأخرة ربنا بيبتلينا فيها
لأن زي ما الجنة درجات و مقامات يجب أن يكون من يدخلها كل علي حسب صلته مع الله
و همته العالية لنيل رضا الله
و من ثم نيل السلعة الغالية
ألا هي الحنة
في مقابل إيه؟؟؟؟؟
في مقابل نفسك؟؟؟
إزاي
يعني نفسك الأمارة بالسوء هي اللي تقدر من خلالها تعيش في دنيتك
للسبب اللي ربنا خلقنا عشانه
"وما خلقت الجن و الإنس إلا ليعبدون"
يعني الدنيا دي أول مرحلة
إنت براحتك عايز تروح للمرحلة التانية( القبر) و معاك (رصيد)
ولا خائب اليدين
هي دي الدنيا اللي بيختبرنا بيها ربنا
لو قدرت تتغلب علي شهواتك
لو قدرت تحافظ علي عباداتك
لو قدرت تبعد عن منهياتك
تبقي إنت كده فريت بدينك.... فريت بنفسك.... و تغلبت عليها
لو مقدرتش علي نفسك
يبقي هضيعك
و ضيعلك دنيتك
لو مقدرتش علي شهواتك
يبقي إنت بتحط نفسك في جو و دنيا اللي محمد بيقولك عليها

حاسس ان الحياه ممله جدا ومخنوق على طول

إحنا مستغربين من إيه
سبحان ربي
إحنا مش عارفين قول الله تعلي
"و من يعرض عن ءايتي فإن له معيشتا ضنكا و نحشره يوم القيامة أعمي "
هيقول لما ربي حشرتني أعمي
شوف السبب
السبب إن هو كان بيسمع اللي بيقولوا كده صح و كده و كده يابني حرام
واللي بيقولوا ده مش عايز منه حاجة مش هياخد من وراه حاجة
و هو يسمع من هنا و يخرج من هنا
و يألس عليه
و يقولوا ياعم فكها إنت مضيقها كده ليه
عارف ليه عشان لما تضيقها دلوقتي
مضيقش عليك في المرحلة التانية
لما تضيقها دلوقتي تلاقي اللي معاك في المرحلة التانية
لما تضايقها دلوقتي تلاقي الإجابة في المرحلة التانية
بوص ياأحمد أنا مبقولش حكايتي كتير
بس أنا حاسس إن ده ممكن يكون أخر رد ليا في المنتدي
إنت عارف أنا إيه سب إلتزامي

نفس الموقف اللي حصل معاك
واحد جارنا كان بيحبني و في يوم قالوا ده مات
طب
مااااااااااات!!!!
ده كان لسه بيكلمني إمبارح
ده كان لسه قايلي إمبارح انا بحبك يا محمود
يعني إيه؟؟؟
مش هشوفوا تاني؟؟؟؟
روحنا نصلي الجنازة
كانت أول صلاة جنازة أصليها في حياتي
و روحنا المقابر
روحنا هناك و أنا مش قادر مش مصدق
وشيلته علي أيدي!!!!!!!!!!!!
ده كان بيكامني إمبارح
و دلوقتي هو مش مبيتكلمش
حاسس بكل حاجة و مش قادر يتكلم
و دخلته القبر بأيدي
و قعدت أعيط و انا خايف
رجعت البيت و قعدت مع صاحبي اللي كان ده جده
قلتله إحنا هنفضل كده لغاية إمتي
إحنا مش هنفوق ولا إيه
و الحمد إبتديت أصلي في المسجد و بعدت عن أصحاب السوء أول بأول
و ربنا وفقني
بالله عليكم إدعولي ربنا يثبتني.
الشاهد إنك كده كده رايح المرحلة التانية
عارف هي إيه المرحلة التانية
القبر
إيه ده يا محمود إيه اللي جاب الدنيا للقبر
ما هي دي المرحلة التانية اللي لازم تنجح فيها عشان تعدي للمرحلة التالتة
المرحلة التانية اللي هتبقي فيها لوحدك
في كفن ملهوش جيوب في كفن ملهوش غير الدود
في قبر لوحدك مفيش حد حتي يونسك أو يسليك
عشان تروح للمرحلة الأخيرة
مرحلة يوم القيامة
اللي هتشوف الناس خارجه من قبورها و بترجع تاني زي ما كانت
و الصحف بتترمي
و إنت واقف ياتري هاخد كتابي باليمين و لا بالشمال
و أصعب موقف
لما تتعرض علي ربنا مفيش بينك و بينه حجاب
و يسألك و يقولك
أنا بعتلك عبدي فلان اليوم الفلاني و قالك يأحمد
كذا حرام متعملوش
ليه عملته!!!
هتقوله إيه؟
شوف دلوقتي و جهز الجواب
و مش عايز أطول عليك
و الله عندي كلام كتييير جدا عايز أقوله بس مش شهينفع دلوقتي
أنا خلاص أخر يوم ليا في المنتدي إنهاردة إن شاء الله
و نتفابل إن شاء الله في الأجازة
أشوف وشكم بخير
و متنسونيش
أخوكم الصغير:
محمود