استفدت اية من فترة المراهقة

[dedy_dody]

انا شوفت كتير فى فتره المراهقة انا الدنيا خبطت فيا ولطشت معايا اوى بعدت عن اهلى وكل الناس اللى كنت بحبهم ورحت مكان معشتش فيه غير فتره طفولتى وده لانى مجبرة انى اكمل دراستى ومينفعش اكملها فى السعودية طبع انتوا فاهمين النظام يعنى بمعنى اصح دوقت مرار الفراق واهات والام الوحدة ده غير انى اتعرضت للظلم واتغدر بيا كتير من ناس وثقت فيهم واقرب ناس المفروض كانت تحتوينى خاصة فى غياب ماما عنى هما اللى كانت القسوة جايةمنهم ده غير انى اتعرضت لاصعب موقف فى حياتى فقدت اقرب صديقة لقلبى اللى كاانت تعتبر توأمى وفقدتها قدام عنيا الله يرحمها خرجت من الموقف ده بحالة نفسية قعدت معايا كتير اوى ومكنتش قادرة اتغلب عليها وكان عندى حالة ياس لا حدود لها بقيت خايفة انام وخايفة اسافر واسيب ماما احسن مشوفهاش تانى بس الحمد لله عديت المرحلة دى بالصبر وبدعوات مامتى وبوقوف كل الناس اللى بحبهم جنبى اتعلمت ان الحياه تجارب ولازم نستغل كل تجربة ونتعلم منها مش لازم التجربة تكون انت اللى عشتها لا ممكن تكون سمعتها او حد قريب منك اتعرضلها ودى حاجة فادتنى جدا فى حياتى انا حاسة انى بقيت اكبر من سنى اتعلمت حاجات كتير اوى وعشت حاجات اكتر قابلت ناس وحبيت ناس وفارقت ناس ومع كل ده انا لسه قوية وعندى امل والحمد لله سعيدة اوى وحاسة برضا تام عن كل حاجة شوفتها فى حياتى ياريت كلنا محدش يسيب الكأبه تغلبه ولا اليأس يسيطر عليه مادام احنا عايشين يبقى لازم يبقى عندنا امل نستغل اى فرصه فرح مهما كانت صغيره نفرح احنا فيها اوى وهنلاقيها كبيرة اوى بالنسبة لنا ياريت منضيعش لحظة فى عمرنا فى ندم على حاجة عدت او حاجة عملناها ياريت كل واحد بيحب حد دلوقتى حالا يقوم يقوله انه بيحبه ويقرب منه اوى ويفضل جنبه ده اللى انا اتعلمته بلاش نضيع انهرده يمكن ميجيش بكره عيش انهرده كأنه اخر يوم فى حياتك واما يجى بكره احمد ربنا انه جه وانت كويس وعيشه برضه كأنه اخر يوم وهكذا وتمنياتى للكل بالتوفيق

[حسام الشرقاوى]

المشاركة الأصلية كتبت بواسطة dedy_dody

انا شوفت كتير فى فتره المراهقة انا الدنيا خبطت فيا ولطشت معايا اوى بعدت عن اهلى وكل الناس اللى كنت بحبهم ورحت مكان معشتش فيه غير فتره طفولتى وده لانى مجبرة انى اكمل دراستى ومينفعش اكملها فى السعودية طبع انتوا فاهمين النظام يعنى بمعنى اصح دوقت مرار الفراق واهات والام الوحدة ده غير انى اتعرضت للظلم واتغدر بيا كتير من ناس وثقت فيهم واقرب ناس المفروض كانت تحتوينى خاصة فى غياب ماما عنى هما اللى كانت القسوة جايةمنهم ده غير انى اتعرضت لاصعب موقف فى حياتى فقدت اقرب صديقة لقلبى اللى كاانت تعتبر توأمى وفقدتها قدام عنيا الله يرحمها خرجت من الموقف ده بحالة نفسية قعدت معايا كتير اوى ومكنتش قادرة اتغلب عليها وكان عندى حالة ياس لا حدود لها بقيت خايفة انام وخايفة اسافر واسيب ماما احسن مشوفهاش تانى بس الحمد لله عديت المرحلة دى بالصبر وبدعوات مامتى وبوقوف كل الناس اللى بحبهم جنبى اتعلمت ان الحياه تجارب ولازم نستغل كل تجربة ونتعلم منها مش لازم التجربة تكون انت اللى عشتها لا ممكن تكون سمعتها او حد قريب منك اتعرضلها ودى حاجة فادتنى جدا فى حياتى انا حاسة انى بقيت اكبر من سنى اتعلمت حاجات كتير اوى وعشت حاجات اكتر قابلت ناس وحبيت ناس وفارقت ناس ومع كل ده انا لسه قوية وعندى امل والحمد لله سعيدة اوى وحاسة برضا تام عن كل حاجة شوفتها فى حياتى ياريت كلنا محدش يسيب الكأبه تغلبه ولا اليأس يسيطر عليه مادام احنا عايشين يبقى لازم يبقى عندنا امل نستغل اى فرصه فرح مهما كانت صغيره نفرح احنا فيها اوى وهنلاقيها كبيرة اوى بالنسبة لنا ياريت منضيعش لحظة فى عمرنا فى ندم على حاجة عدت او حاجة عملناها ياريت كل واحد بيحب حد دلوقتى حالا يقوم يقوله انه بيحبه ويقرب منه اوى ويفضل جنبه ده اللى انا اتعلمته بلاش نضيع انهرده يمكن ميجيش بكره عيش انهرده كأنه اخر يوم فى حياتك واما يجى بكره احمد ربنا انه جه وانت كويس وعيشه برضه كأنه اخر يوم وهكذا وتمنياتى للكل بالتوفيق

دى حاجات من اللى اتعلمتها بردة

لازم اتعلم من تجاربى

ولو وقعت اقوم تانى احسن من الاول