مدرس في حوار مفتوح الجزء 3

[الرهينه]

المشاركة الأصلية كتبت بواسطة الاستاذ محمد سرور

شوفى يا ستى انا كنت عايز اسحب ورق اسكانر وارفعه على النت وفضلت الف عندى فى المنطقة لحد ما لاقيت سيبر فيه سكانر
دخلت جواه لاقيت ناس عماله تدور على اى معلومات عن الكادر بتاع المدرسين

طبعا عملت فيها شهم وبدل ما ادخل اسحب الورق اسكانر وامشى فضلت اشرح ليهم ازاى يحملوا موضوعات الكادر من على النت وايه المهم يحملوه .............طبعا فضلت على الحال دة 4 ساعات تقريبا

المهم بعد ساعتين تلاتة كدا من دخولى السايبر لاقيت واحد دخل وفتح موقع البوابة بتاعنا ومسك واحد وفضل يشرح له حاجات على الموقع
انا قلت عادى هو لما يفتح الموقع ويتفرج عليه .........( الموقع ح يخلص)

شوية ونبرة صوته بدأت توضح وطبعا سيندريلا كانت بدأت فى الحوار بتاعنا بالاسئلة قبلها ...نفضت لسيندريلا وسيبتها تتكلم مع نفسها شوية

عجبتنى اوى دى .. انا بهدى النفوس

المهم ركزت فى الصوت لاقيته صوت بدوى الدجوى
قلت جايز ممكن يكون هو ........بس شكله على الموقع مش شبه فى الحقيقة

لانه فى الحقيقة شكله اجنبى شوية زى بيكهام لاعب الكورة الانجليزى


بس اكيد مستر بدوى احلى .. اللهم لا حسد

المهم قلت اصطاده واغلس عليه واشتغله شوية وصوت الحق كان معايا على النت وشجعنى على كدة بس انا قلت بلاش لا يطلع مش هو والناس تتلم علينا

اخذت الواد اللى شغال على السايبروسألته هو دة بدوى الدجوى ...........قال لى اه

قلت بس دى فرصتى
ورحت لفيت من وراه ووقفت وحطيت ايدى على كتفه وسألته....انت بتعمل ايه هنا
وربنا ما يوريكى كف ايدى وانا حطه عليه

الجميل فى الامر ان كان فى واحد مع مستر بدوى قاعد معاه ووجهه لى وشايفنى
لما لاقنى حطيت ايدى على بدوى اتخض وما نطقش بكلمة ........
تقريبا كان فاكرنى بوليس ولا حاجة مع انى ملتحى

بوليس؟ هههههههههه

وبدوى كل دة وظهره لى ومفيش اى رد فعل ولم يلتفت ليرى من الذى وضع تلك اليد على كتفه بهذا الاسلوب

وفجأة التفت مع كلمة واحدة .........عمى محمد سرور
طبعا هو ما قلش عمى ولا حاجة بس انا كاتبها لزوم الاحترام يعنى

كفاية اسم حضرتك لوحده والله يا مستر بيحمل كل معانى الاحترام

والتفت ليحقق اكبر امنيه فى حياته ... التفت ليرى نور الشمس الذى كان فى حاجة الى ان يراه .
التفت ليرى ضى القمر الذى يسهر العاشقين لرؤيته ... التفت ليرى ........ ايه الكلام اللى انا بقوله دة هو الواحد سرح ولا ايه

هو لف علشان يشوفنى وخلاص بعد فترات طويلة من محاولات لتحديد موعد لكى نلتقى وكان اخر المواعيد كلام على الموبايل

ههههههههههههههه المفروض النظره دى تتكتب ف التاريخ

الطريف فى الموضوع .....فاكرين الراجل اللى كان قاعد معاه وافتكرنى بوليس
كان ساكت علشان كان بيفتكر هو شافنى فين قبل كدة ....وطبعا افتكرنى لانه كان قابلنى من كام سنة..وموضوع البوليس طلع فيشنك

خساره انا قولت بقى عندنا ظابط ف المنتدى

وصوت الحق الاستاذ عصام كان بيحرضنى على بدوى وقال انا لو كنت مكانك كنت اشتغلته للصبح قبل ما اعرفه على .....استاذ عصام كان فى الجزئية دى عايز يخرج من جو الطيبة ويجرب مرة يبقى شرير

ادفع كل اللى معايا واشوف مرة الاستاذ عصام وهو شرير.......نفسى اشوف شكله حيبقى عامل ازاى

حضرتك قولت ف الاجابات ان مافيش حاجة اسمها مستحيل اهو ان استاذ عصام يبقى شرير ده اثبات ان المستحيل موجود وبالبرهان

ومازالت المشكلة قائمة فى تحديد موعد لمقابلة مستر بدوى مرة اخرى

ان شاء الله تتقابلوا قريب تانى وتحكولنا برده على اليوم

ربنا يخليكوا لبعض يا مستر

صحيح يا مستر عملت الورق ف الاخر ولا ايه ؟؟