السلام عليكم و رحمة الله
ازيكم يا جماعة اخباركم ايه؟
يارب يكون الجميع بخير
و الناس اللى فى الجامعة يكونو تمام
و اللى بيمتحنو ميد تيرم تكون النتيجة تمام
و الناس اللى بتشتغل يارب تاخدو حوافز
و طبعا الناس اللى فى ثانوية
يارب يارب تحققو احلامكم و ربنا يعينكم يارب ....شدو حيلكم
متهيالى كده مش نسيت حد
وانتى تقدرى تنسى حد
ده انا اموتك
ادخل فى الموضوع بقى
يللا بينا
الموضوع كله يتلخص فى سؤال
ليه بنتعمد نجرح بعض؟
نفسى اعرف والله
اجابة نفس السؤال
بس الاول قبل ماادخل فى الموضوع
عايزين بس نتفق ع حاجة
اى حاجة عن الحب ممكن تيجى فى الموضوع انا بتكلم عن الحب عامة حب اقارب و اخوات و اصحاب كده يعنى الحب اللى مش يغضب ربنا 
ماشى
هافضل امشى وراكى لحد امتة مش عارفة
ارجع بقى تانى للسؤال
ليه بنتعمد نجرح بعض
خدتى بالك
حطى تحت نتعمد مليون خط مش واحد بس
ليه يا جماعة لما يكون حد بنحبه بيحبنا و حصل موقف حتى لو موقف جامد
ليه مش بنسامح
فيه ناس طبيعتها كده بس المفروض يدربوا نفسهم على عكس كده
طيب مش قادر تسامح
ليه بتتعمد تجرحه
يعنى اوقات بنجرح غيرنا بدون قصد
وده بيكون غير مقصود
فمش هو ده موضوعنا
بس ليه نتعمد و نفكر ازاى نجرح غيرنا
خاصة لو غيرنا ده حد بنحبه
مش بنحط نفسنا مكان غيرنا و ع طول و بسرعة غيرنا غلطان و احنا اللى دايما صح و احنا اللى دايما مش بنغلط و نظلم غيرنا و مش كده و بس
لا كمان
اه دى الحاجة اللى تعبانى اوى
ليه بنتفنن ونتعمد ونحيك القصص والكلام اللى يضايق غيرنا
بنتفنن فى الوسائل اللى تجرحه
و لا كانه انسان
ايووووووووووة
ولا كانه انسان
ده الحيوانات بتتعامل برافة عن كده
بنحس بيها لما بتتعب
وغير كده كتييييير
عمرنا ما بنعمل تبادل ادوار
نفسى مرة تحصل
طيب ايه رايكم تيجو كده نتخيل الموقفين
حد بنحبه و عارفين انه بيحبنا
عمل موقف معانا بس موقف جامد شوية لا شويتين تلاتة
و مش قادرين نسامح
اول موقف
اننا هتتعمد نجرحه كرد فعل لجرحه لينا او انه زعلنا
اوكى
جرحناه
طبعا هيرد علينابجرح
او هيبقى احسن مننا و مش يرد الجرح ده
بس طبعا مادام احنا اصلا بنتعمد نجرحه فهنجرح تانى و تالت و لحد مانتعب بقى
و فى الاخر يحصل حاجة من 3 حاجات
لاما نكتشف ان الانسان اللى احنا عمالين نجرحه ده هو اكتر انسان حبنا و كان باقى علينا
لاما فى يوم هتكتشف ان الدنيا احقر من انك تعيشها عشان تجرح غيرك و تدمره و تعيش حياتك كلها فى مؤامرات كانك فى حرب
لاما هتكتشف ان الانسان ده مش يستاهل و لا ثانية تضيع من عمرك
و فى ال3 احوال
مافيش حد هيندم الا انت
بالضبط
الانسان هو اكتر واحد متضرر فى الاول والاخر
لانه بيخلى اللى حواليه يكرهوه من جراء ارتكابه نفس التصرفات مع غيره
الموقف التانى بقى
اه هو جرحنا و كل حاجة
و احنا مش قادرين نسامح ع الاقل فى الفترة دى
بس هننسحب من حياة الشخص ده
ع الاقل لحد لما نهدى
او اننا نواجهه
و هتكون نتيجة المواجهة اما انك تنسحب من حياته عشان مش تجرحه
اما انك تسامحه لانك مازلت بتحبه و هو كمان
وده المطلوب من الجميع
يارب نفهم بقى مرة واحدة فى حياتنا
احسن حاجة فى الموقف التانى انك هتكون عايش مرتاااااااااااح
مافيش بقى التفكير بتاع هدمره و والله لاجرحه
و لو مش اتجرح بطريقة فى 176474826748طريقة
حاجة بقى عايزة اقولها للناس اللى بتحب تجرح غيرها
و الله العظيم الدنيا مش مستاهلة ابدااااااااااااااا انك تعمل كده
و لا انت هتتحمل حسرة انك تيجى فى اخر عمرك و تكتشف ان حياتك كلها ضاعت فى لا شئ و لا هدف
و بعدين ده حد كنت بتحبه فى يوم من الايام ليه تحول الحب ده لكره
انسحب من حياته
و خليه هو كمان ينسحب من حياتك
مش لازم تكملو
مادام لاقيتو الحب بيختفى
حاولو تحتفظو بالباقى منه
و بلاش تجرح حد
لانك مش هتستحمل حد يجرحك
و كما تدين تدان
لازم اللى بيتصرف التصرفات دى يعرف مصيره هايكون ايه
وزى ماقلت كفاية اوى ان الناس هاتكرهه فى حياته من كرههم ليه
دى فعلا تكفيه
و برده جملة للناس بقى اللى بتتجرح
"ابتسم فلا احد يستحق دموعك و من يستحقها فلن يجعلك تبكى"
بجد لو حد حبك او عارف انك بتحبه و مقدر ده منك
و الله ماهيجرحك
ولو حصل بدون قصد
مش هيستحمل جرحه ليك
و هيخفف الجرح ده بكل طاقته
ماتبكيش ع اللى بايعك و لا اللى مش يستاهلك
بس فى نفس الوقت اوعى تظلم حد
و اعرف ان اللى يتعامل معاك و يفهمك غلط
اما انه عايز يفهمك غلط و اما انه مش قادر يفهمك
فما تتعبش نفسك كتير
ما فيش انسان الكل هيرضى عنه
و لا فى انسان هيكسب حب الكل
فعلا والله
عندك حق كتير اوى لما اقعد مع نفسى وخاصة الفترة الاخيرة من بداية الدراسة بعد كام موقف كده
ان كل ده مش مستاهل محدش يستاهل انى ازعل منه او عليه الا لما يكون فعلا يستحق المكانة المميزة فى قلبى
وهما الحمد لله الناس اللى كده انا عرفت اميزهم كويس
معلش الموضوع طويل و يمكن فيه شوية تشتيت
بس انا كنت عايزة اعمل الموضوع ده من فترة
و يارب ياثر فى حد
28-11-2008, 08:05 PM
العرض الشجري
