|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
01-12-2008, 03:08 AM
|
||||
|
||||
السلام عليكم ورحمة الله وبركاته إزيك يا سعيد ندخل في الموضوع -| في البداية ~
من غير ما أعيب في شوية متأسلمين ومن غير ما أعيب في مجتمع كهنوتي معظم رجال الدين يهمهم ان اللي وراهم يبقوا أشبه بالقطيع يقول شئ يقولوا أمين وفي النهايه " لا تجادل ولا تناقش يا أخ سعيد " أقدر اقولك يا أخ سعيد ان احنا عندنا هنا في أم بلاد الله المتخلفة اللي هيا مصر يعني م الاخر ... < مجتمع سياسي كهنوتي > ... يعني الفتوي أصبحت سياسية وليست دينيه بحته ( في الغالب ) الكتاب اللي أصدرته الصحفية ( باسنت رشاد ) عن الحياة الجنسية للرسول - صلي الله عليه وسلم - كان عرض آراء ولا يحمل أي وجهه نظر للكاتبه وكان تخيير للقارئ واثارة اسئلة محاولة لإناره العقل والقلب معا ولئلا يحدث طفره ويعيدوا التفكير فيما ليس لهم به علم ولا طاقه خرج كبار السلفيين بفتوي إهدار دمها قبل مناقشة الكتاب في الأزهر الشريف يابني زي اللي حصل في العصور الوسطي في اثينا ورجال الكنسية القدامي والناس دول المجتمع كله كان كدا كانوا بيعاملوا رجال الدين علي اساس انهم واخدين عقد من الإله صك إلهي ياعم ليه بقي بيعملوا كدا ؟ م الاخر الكرسي سهل اوي يتسحب من تحت أي واحد فيهم والكاميرات ممكن تنتقل عنه في حاله لو طلع كلمه من كلامه غلط او كلمه من كلامه طلعت مش متزنه بسبب عدم مناقشتنا له لاننا اعتقدناه سيدنا الخضر بنقول آمين وخلاص ولما تيجي بس تتكلم بالعقل لحظه واحدة ( زي ما انت شوفت طبعا في موضوعي )  تعالي أصحاب الأذقان ومن هم بغير مؤهلين للفتوى يطلقون عليا " أقسم الله ظهره ولعنه في الأرض والسماء وادخلك سعيرا ً وما شابه " :D فلنقيم عليه الحد ( والاتنين والتلات والأربع وكدا يعني ) :D ياخي اتصدق اني كنت مستعد ابقي كل دول في بعض والله وهبقي راضي جدا بس لو كان حد ناقشني وفي الاخر اثبت اني غلط مش من أول اثبات عقلي اديهولهم يحكموا بتكفيري  < -------------- > دي طبيعة المجتمع اللي بقينا فيه بقي الواحد فيهم يمشي مقدم رجله اليمين علي الشمال وبيعرج عشان فتوي من الشيخ كذا وواحد تاني مبيلمسش مراته عشان فتوي حديثه صدرت من شيخ كذا وواحد تاني يسب ويلعن المختلف عنه عشان فتوي للشيخ كذا وواحد تاني مبيسمعش فتاوي للمفتي كذا عشان المفتي كذا أصدر علي المفتي كذا فتوي كذا هههههههههه لك ِ الله يابلادي والله يعني والله لو فضلت اذكرلك امثله واني مش بتكلم من فراغ مش هتصدقني يعني عندك واحد هنا الكل يعرفه ومربي دقنه وبيعتكف وبيصلي واشتغالات جامده جدا وكان بيحاول يفتح موضوعات جنسية مع بنات ومحاولة اخري لخدعه بنت مراهقه وحاجة مقرفه وانت عارفني مش بحب أفضح حد ( هي مش الحكايه كدا هي حكايه اني مش عايز ردي يتحذف بس )واحد بقاءه فرض هههههههههههه ايوه اللي انتوا قولتوه في سركم ده صحيح عمل كل ده فعلا وفضيحته قريب :D < -------------- > اسألني بقي شوفت كام واحد كدا ؟ اقسملك بالله عدد كبييييييييير جدا < اينعم انا مش بقول كل أصحاب الاذقان يعني > لاء طبعا طلق اللحية علي حد علمي الضئيل فرض باختلاف الظروف اللي ناس كتير متعرفهاش ومخاضتش فيها وبتريح دماغها بس انا شوفت شخصيات كتير مثال سئ بجد للإسلام كله لما يبقي واحد بيوزع علي الفقراء في الاعياد وفي اول المدارس حاجات وكدا ويبص علي الستات اللي بيروحلهم البيوت نظرات شهوانيه ولا بيغض البصر ولا زفت يخليك تكره حياتك والله وسبق ان واحده فضحته ف الشارع عشان طلب منها طلب مش كويس < -------------- > بس سيبك انت المهم انت كويس وانا كويس والناس اللي بنحبهم كويسين ياعم ربنا ياما يهدي كل مُضِل ويهدي كل مٌضَل يااما ياخدهم هما الإتنين عشان ميصبوش جزر الأمه الإسلاميه أكتر من كدا ربنا اللي بيحاسب يابا اقسملك بالله انا عارف ان العداله الإلهية مش هتسيب الناس اللي أضلت الشعب بكل المقاييس وخلتهم تبعا ً للمقولة " كلب ٌ ينبح وألف كلب ينبح لنباحه " < -------------- > بس علي فكرة مش معني كدا ان اي واحد بيسمع لأي حد مش هيتحاسب هوا كمان لاء مادام قدامك الطريق ابحث وشوف مفيش واحد علي وجه الأرض ينفع تاخد الدين من بوقه كدا وكتاب الله موجود وسنه الرسول موجوده اما الفتاوي فكلها يستحق اننا نفكر فيها لان المشرع الأول والبشري الخالص مات خلاص ((استفت قلبك وإن أفتاك الناس وأفتوك )) وده بناءا ً علي ان ما ارتاح له القلب راحه كامله وسلم له العقل تسليما ً كاملا ً طبعا مع إخلاص النيه للخالق عزوجل بيبقي هو ده البر والأثم عكس ذلك < -------------- > آسف ع الإطاله ياباشا ولو اتكلمت علي المووضوع ده علي فكرة مش هخلص واللي كان يقدر يفيدك كمان أكتر مني والدي لانه هو اللي نزل كتاب عن الموضوع ده من سنه تقريبا < -------------- > لو المناقشه استفزتني مع اصحاب العقوووووووووووووووووووووووول هرجع لو لقيت الكلام عك هخليهم بسلاطاتهم ببابا غنوجهم بطماطمهم واتفرج عليهم واضحك وامسك كليتي < -------------- > بالشفا ياشباب
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ !  آخر تعديل بواسطة احمد رضا ، 01-12-2008 الساعة 03:34 AM |
|
#2
01-12-2008, 10:41 PM
|
|||||||||||
|
|||||||||||
|
اقتباس:
الناس دى على فكرة يا احمد كتيرة اوى للاسف شفنا الامام مالك وهو بيقف عند كل فتوة وشفناه بردة وهو بيرد لواحد جايله من الاندلس على اقل من 30% من الفتاوى اما عصرنا الى عارف يقول والى مش عارف يخترع المهم يتكلم وهو بيعتبر نفسه بيقرأ الفاتحة السبع المثانى يا تقوله امين يا تسكت ولو مش سكت يدعى عليك اكنك أبرهة الحبشى دة حتى ابرهة الحبشى ابو طالب مادعاش عليه كدة اقتباس:
اة فاكر انا الموضوع دة كويس جدا بس انا صراحة مش عارف حاجة عن موضوع الكتاب دة فبلاش اتكلم فى حاجة انا مش عارف عنها حاجة بدل ما حد يدعى عليا اقتباس:
مش قولتلك ابرهة الحبشى ماحدش دعى عليه كدة يالا ما علينا يا ابنى هنا الناس تقولك انا الوحيد والباقى تقليد والى مش عاجبه يشد فى حاجبه يا تقول امين ياما تكون من الضالين اقتباس:
يالا هى ادنيا كدة اقتباس:
بيحصل ايوة الكلام دة اقتباس:
ناس تظهر نفسها انها رموز التدين وهى طول النهار تسمع للنميمة ومستنية من الناس تقول راى كويس فيها وهكذا ونفس الناس عاوزة تكذب الكذبة على غيرها والناس تصدقها وتعيط لكل الى يكلمها عشان غيرها يصدقها لا وكمان بتحكم على قلوب غيرها فاكرة نفسها بقى اسمها منكر او نكير مش عارف أقول ايه بالظبط الامثلة كتير كل دة لانها لغت عقلها اولا وعقل غيرها ثانيا وبقى القلوب بتتحرك وخلاص زى الجراد اقتباس:
ما شاء الله ما شاء الله أنعم وأكرم يبقى عرفنى عليه دة أكيد باربع وجوه اقتباس:
يا راجل هو لسة ها وقريب ما خلاص كله انكشف وبان اقتباس:
اقتباس:
تصدق وتامن بالله مثال كويس جدا لشخصية اعرفها اقتباس:
يالا يالا
بالشفا للجميع هى الدنيا كدة أصلا ربنا يستر ويرحمنا من هؤلاء معلشى ان كان ردى طويل شوية بس حكاية الغاء العقول واتباع الفضول موضوع طويل ومتفرع وأمثلته كتيروة اوى شكرا يا اخ احمد على الرد الطويل بارك الله فيك امسك بس الموضوع قبل ما يحذف ل اسباب ادارية والله أعلم فى امان الله آخر تعديل بواسطة dr.saeed ، 02-12-2008 الساعة 12:45 AM |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 02:22 AM.
