مبارك سحب حوش المدرسة منك مستر عادل مجاهد

[عادل مجاهدمصطفى]

المشاركة الأصلية كتبت بواسطة الاستاذ محمد سرور

بسم الله الرحمن الرحيم

بداية العنوان غريب واحد بيبارك لواحد
علشان سحبوا منه حوش المدرسة

طبعا كلنا نعرف الاستاذ عادل مجاهد

مشرف قسم الرياضيات
وفارس الرياضيات على الغرف الصوتية

المهم مستر عادل دخل امتحان الكادر وظهرت النتيجة

ونجح بفضل الله .....بس مش اى نجاح

نجح تحت مسمى مدرس العاب
للصم والبكم
مع انه مدرس رياضيات

وطبعا كان الطبيعى انه يسيب الفصول ويمسك حوش المدرسة بما انه نجح كمدرس العاب

وبعد فترة من التظلمات
ولأن الله لا يضيع اجر من احسن عملا

فقد ظهرت النتيجة الصحيحة لمستر عادل
بانه ناجح كمدرس رياضيات

الحمد لله ومبارك عليك النجاح مستر عادل

بس يا ترى مرتبك ح يزيد كام

هههههههههههههههه
والله مستر محمد انت رجل محترم جدا
بعد ما كنت نسيت الضحك
ربنا يجازيك خير
الحمد لله على كل حال
والحمد لله إن الحق رجع لأصحابه
وربنا يعمل ما فيه الخير
أما بالنسبه للمرتب فضل وعدل
أنا أصلا مش عارف انا بقبض كام من أول ما تعينت من
المهم رفع الظلم وليس المرتب