كرسى الاعتراف

[reham H]

ايه يا جماعة لا حرام عليكوا كل دى اسئلة البت بقت عصير

براحة عليها دى سمنة حتى عسل خالص

تعالى ياختى متفتكريش هسيبك فى حالك بعد الكلمتين الحامضنين دول

بصى يا سمنتى انا هسالك اسئلة سهلة خالص وموضوعية خالص خالص

علشان بس احنا معرفة من زمان

1-ايه اسوء موقف مريتى بيه فى المدرسة وخصوصا فى الكلاسة
2-ايه اسوء موقف مريتى بيه فى المنتدى
3-ايه اسوء موقف مريتى بيه فى الشارع
كفاية بقى مواقف كدة وخلينا فى الشوارع الهادية
5- لو كنتى عاوزة تختارى مكان تعيشى فيه (جوة مصر ) غير مدينتك كنتى هتختارى ايه وليه ؟
6-ايه اول حاجة هتعمليها لما ترجعى من اخر امتحان ثانوية عامة وهيكون ايه احساسك ؟
7-طيب تعملى ايه لو قالولك ان امتحانات الثانوية العامة اتلغن السنة دى وهيلغوا مكتب التنسيق
8-طيب تعملى ايه لو صحيتى يوم امتحان الفيزيا فجاءة على صوت اخوكى الصغير بيرخم وفجاءو لقيتى التليفزيون مفتوح على الاخر
9- طيب تعملى ايه لو عرفتى ان وزير التعليم اتشال ورشحونى ابقى مكانه (هظبطكوا )
10-طيب تعملى ايه لو فى عز الساقة وانتى ماشية فى امان الله فى الشارع قامت ولية مجنونة حادفة اروانة مايه متلجة عليكى ؟
11-طيب انتى شايفة ايه احسن 3 صفات فيكى وايه اسوء 3 صفات فيكى
12- وشايفة ايه احسن 3 حاجات فى الحياة وايه اسوء 3 حاجات فى الحياة غير الثانوية العامة

لا كفاية كدة بقى خلاص
شوفتى بقى فى اسهل من كدة
جاوبى يا جيرل يلا
كل سنة وانتى طيبة

[COoL HEaRT]

المشاركة الأصلية كتبت بواسطة reham h

ايه يا جماعة لا حرام عليكوا كل دى اسئلة البت بقت عصير

انا اللى جبته لنفسي


براحة عليها دى سمنة حتى عسل خالص

وكمان بتقولى اسمى الحركى

تعالى ياختى متفتكريش هسيبك فى حالك بعد الكلمتين الحامضنين دول

ياربى انتى ترجعى بعد الغيبه دى عليا

بصى يا سمنتى انا هسالك اسئلة سهلة خالص وموضوعية خالص خالص

طيب يختى اما نشوف اخرتها

علشان بس احنا معرفة من زمان

اه من 2006 عشره عمر يا اختشي والله

1-ايه اسوء موقف مريتى بيه فى المدرسة وخصوصا فى الكلاسة
المدرسه ياااه اياام المهم كنت مخنوقه وعاوزه امشي واخر حصه مكنش ورانا حاجه قلت للعيال اقفوا قدام غرفه المديره وانا هتكلم بنيابه عنهم المهم دخلت قلتلها ممكن تصريح للفصل بتاعى عشان نروح بدرى انا لقيتها برقت كده ولقيتها بتقلى ايه الجرأه دى يختى قلتلها انا مزوغتش انا جايه استأذن من حضرتك وهوب لقيتها بطلع عصايا من تحت المكتب وطلعت تجرى ورايا كان توم اند جيرى بالظبط بس اكيد انا اسرع يعنى وهى ماشاء الله شبه الكوره الشراب

2-ايه اسوء موقف مريتى بيه فى المنتدى
كان موقف مع الحاج اصلام خناقه يعنى وتقريبا والله اعلم شتمنى وبالتالى انا طولت لسانى اى نعم هو طويل خلقه بس مش مشكله طول اكتر والصراحه تضايقت لانى مكنتش عملت حاجه يعنى هى المنصوره من رايي انها وحشه وكويس ان واصلها ميه وكهربا ده الرد اللى كان استفزه
3-ايه اسوء موقف مريتى بيه فى الشارع
ههههههههههههه مش اسوأ كلها مواقف مضحكه
كنت مره ماشيه وبتكلم مع العيال ومتحمسه اووى وانا اصلا كلمه اصلا لازمه عندى لقيت واحد بيقولى اصلا وبنفس الصباع ومره كنت ماشيه وبكلم نفسي كنت بفكر فاتحول كلام يعنى واحد بعجله عدى جنبى وقالى لا حول ولا قوه الا بالله تقريبا فكرنى هسهس خالص

كفاية بقى مواقف كدة وخلينا فى الشوارع الهادية
5- لو كنتى عاوزة تختارى مكان تعيشى فيه (جوة مصر ) غير مدينتك كنتى هتختارى ايه وليه ؟
القاهره او الاسكندريه احلى وزحمه
6-ايه اول حاجة هتعمليها لما ترجعى من اخر امتحان ثانوية عامة وهيكون ايه احساسك ؟
الله احلى سؤال هاجى انام وامسح اى حاجه فى دماغى و احاول اكبر بئا وابطل شغل اتفال والاحساس طبعا لا يوصف انى عديت من المرحله دى
7-طيب تعملى ايه لو قالولك ان امتحانات الثانوية العامة اتلغن السنة دى وهيلغوا مكتب التنسيق
هههههههههههه الله اكبر هقوم اصلى اسجد سجدتين شكر لله وهدخل انام بردو
8-طيب تعملى ايه لو صحيتى يوم امتحان الفيزيا فجاءة على صوت اخوكى الصغير بيرخم وفجاءو لقيتى التليفزيون مفتوح على الاخر
هولع فى اخويا وفى التلفزيون وفى نفسي ده امتحان فيزيا يا امى
9- طيب تعملى ايه لو عرفتى ان وزير التعليم اتشال ورشحونى ابقى مكانه (هظبطكوا )
لو هتجيبى اسئله زى دى فى الامتحان هطلع بمظاهره من جنب درس استاذ ممدوح واشجب لا بجد انا نفسي اللى يمسك الوزاره دى حد حاسس بينا
10-طيب تعملى ايه لو فى عز الساقة وانتى ماشية فى امان الله فى الشارع قامت ولية مجنونة حادفة اروانة مايه متلجة عليكى ؟
هههههههههههههه وليه واروانه الله يفضحك هرجع البيت لانى لو طولت لسانى عليها مش هضمن اللىى هتعمله فيا دى فى مركز قوه علمونا كده فى العسكريه
11-طيب انتى شايفة ايه احسن 3 صفات فيكى وايه اسوء 3 صفات فيكى
واثقه من نفسي بضحك ع طول طول مش بشيل من حد واللى جوايا بقوله
رخمه لما بحط حد فى دماغى مش بكون لطيفه مش بعرف اقيم الناس صح لو اتعلقت بحد صعب انى اسيبه غير لما الموضع بيبقى معلم وبيأثر بس الحمد لله انا متعلقتش غير بصديقه ما وحرمت بعد كده اهتم بحد
12- وشايفة ايه احسن 3 حاجات فى الحياة وايه اسوء 3 حاجات فى الحياة غير الثانوية العامة
احسن تلت حجات الحريه وانك تحسي انك محبوبه وفى ناس خايفه عليكى والاحساس بالامان وتحقيق الحلم كلها حجات معنويه
الاسوا فى الحياه الفراق سواء بالبعد او الموت والفشل والغدر

لا كفاية كدة بقى خلاص
شوفتى بقى فى اسهل من كدة
جاوبى يا جيرل يلا
كل سنة وانتى طيبة

وانتى طيبه يا جميل الثراحه اسئله عاوزه الحر...

والله منوره بجد وحشتنى ايام بوظان زمان المنتدى ناقصكو انتى ومنار والعصابه القديمه