درس خصوصي ... للجميع ... وببلاش ... والمجموعة ( واحد فقط !!! )

[الاستاذ محمد سرور]

السلام عليكم ورحمة الله وبركاته

بعد اذنك مستر طارق

حضرتك بتتكلم عن ان الدروس الخصوصية بتهين كرامة المعلم
اثناء حوار مع الاستاذ شريف

كلامك مظبوط على نوعية معينة من المدرسين
واللى بيستخدموا ادنى الاساليب واحقرها علشان يخلى الطالب ياخد عنده درس

لكن عندى فى القاهرة وخاصة فى الثانوى الدروس بتعمل للمدرس كرامة ومكانه

حتقولى ازاى
انا اقول لحضرتك

انا طبعا رافض فكرة ان المدرس يشرح درس لطالب فى مكانين مختلفين لان هذا معناه انى فشلت فى احدهم
يعنى طالب الفصل ما يخدش درس عند مدرس الفصل بتاعه لانها شهادة من المدرس بفشله

ولكن الذى يصنع للمدرس كرامة

* عندما تجد الاهالى يتسارعون بل ويتسابقون للحجز عند المدرس من شهر 4 من السنة السابقة لكى ياخذ ابنهم عنده درس فى العام المقبل
اليس هذا مكانة وكرامة للمعلم وتقدير له

* عندما تجد مدرس المدرسة يطلب عمل الواجب ولا احد يستجيب له
ومدرس الدرس عندما يطلب حل واجب تجده موجود فى الميعاد المطلوب وفى ومنسق وبالالوان وداخل ملف خاص

* عندما يعقد مدرس المدرسة امتحان شهر ولا يحضره الا القليل لانهم ما كنوش عارفين ان فى امتحان
ولما مدرس الدرس يعمل امتحان لمدة ساعتين ب 20 جنية على اقل تقدير يتم دفعها للسنتر ويتهافت الطلاب عليه لاداء هذا الامتحان
اليس هذا رفع من كرامة هذا المعلم

اخى الكريم
عندما يتصل بى ولى امر ويسألنى هل ممكن لابنه ان يخروج معه فى مشوار لانه بذلك سيخل بالجدول بتاع المذاكرة لابنه فى مادتى ويستفسر هل ممكن ام لا ولم يفعل ذلك مع مدرس المدرسة

لو سردت لك من الامثلة لن انتهى حتى الصباح

او ليس هذا كله رفع لكرامة المعلم الذى يعطى دروس خصوصية
انا ارى ان الدروس الخصوصية رفعت من كرامة المدرس وشأنه بين طبقات المجتمع وليس اى مدرس طبعا
المدرس الذى يخاف الله فى عمله ويتقى الله فى اداء الامانة الواجبة عليه فى فصله مع طلابه



ولان ننتقل الى جانب اخر وامثله اخرى من المجتمع
1- الدكتور يعمل صباحا طبيبا فى مستشفى بتذكرة ب 2 جنية ويتقن عمله
وبعد الظهر فى مستشفى خاص

وليلا يفتح عيادة لعلاج المرضى باسعار عالية جدا ........وقد يكون نفس المريض بتاع المستشفى الحكومى هو نفسه مريض العيادة

2- المحامى يأخذ مقابل على الاستشارات القانونية حتى ولو من عميل عنده له قضية

3- المهندس بعد الانتهاء من عمله لو جاء احد واراد تصميم لعمارة ....فانه يأخذ منه مقابل هذا التصميم

4 -.............
5 -..........

اسف على الاطالة مستر طارق
ولكنى انهى كلامى ببيت الشعر

احرام على بلابله الدوح .........حلال للطير من كل جنس

ولكن نصحيتى لكل مدرس يعطى دروس خصوصية انا يراعى ظروف الاهالى المادية ولا يغالى عليهم وليبارك الله فيما رزقه من هذه الدروس ولو كان قليلا


جزيت خيرا مستر طارق على الموضوع
وارجوا ان تبحث عن مشكلة سعى الاهالى وراء اعطاء ابنائهم دروس من kg والله زى ما بقولك كدة من kg
وانا عن نفسى بتسأل عن مدرسين لل kg لو اعرف احد متميز
فى امان الله