زيارة للاستاذ عصام

[Travel]

المشاركة الأصلية كتبت بواسطة _GUIDE_

بسم الله الرحمن الرحيم



اولا حمد الله على سلامتى
يا خسارة ربنا ما تقبلش منى
انا كنت امبارح فى زيارة للاستاذ عصام علشان اعيد عليه
اول امبارح
طبعا رحت لقيت عندهم حالة طوارى مش علشان انا رايح لا سمح الله
لا بس كان فيه عندهم فرح
قالى فرصة بئا تقعد وتشوف الافراح عندنا عمله ازاى
اتغدينا الحمد لله وبعد كده قاعدت انا و الاستاذ عصام نتكلم فى احوال المنتدى
قولتوا ايه
قالى تعاله نبص على شوية حاجات فى المنتدى
قولتله شكرا مش عايز انا جاى افك عن نفسى بعيد عن المنتدى شوية
الاستاذ عصام قالى تلعب دومنو
قولتله وماله
قعدنا لعبنا عشرتين دومنو
وفى الاخر الاستاذ عصام شال العشرتين وانا اللى كسبت
وعمال يقولى هحط شريط فى المنتدى لو خسرت وهو فى الاخر اللى اتغلب
مش عارف بئا حظ مبتدئين ولا انا اللى طلعت حريف
تلاقيك كنت بتشيل دومينوا تحت الترابيزة
ما علينا بعد كده قونا نروح الفرح بس قبلها بشوية
عدينا على الاستاذ محمود طه القالع
انا عارف الاستاذ محمود وانا زرته قبل كده فى البيت
برضه كلمنا كان على المنتدى واحوال القسم التعليمى
والمجموعات والمجلة الالكترونية
والاستاذ محمود نبهنا لحاجات كتير مكناش وخدين بالنا منها
الوقت اخدنا والفرح اشتغل وطبعا بما ان الاستاذ عصام
يعتبر كبير العائلة وفى مقام ابو العروسة
استلموه هناك علشان اتاخر
قعدت انا شوية وكان الوقت اتاخر والاستاذ عصام
قالى هتبات معايا النهارده
شوية والاستاذ عصام بيبص عليه لقانى كمشان فى بعضى وسقعان
لان الجو كان ثلج يومها
هو يحلف وانا احلف هو يحلف وانا احلف وفى الاخر كلامه
هو اللى مشى ولبست العباية
عباية
وماشاء الله كنت غرقان فيها مش قادر اساسا اشيلها
مش هقول حاجة
بعد كده الفرح خلص وروحنا هو تقريبا مكنش يفصل عن الفرح
وبيت الاستاذ عصام غير شارع واحد
رحت قعدت فى الشقة على الكومبيوتر شوية
وبعدين الاستاذ عصام جه اتعشينا وقاعدنه نتكلم برضه عن المنتدى
ودور كل واحد فينا
لغاية ما الوقت اخدنا قولتله خلاص انا عايز انام ومش قادر
لقيته بيقولى يالا وانا كمان
قالى اصحيك الساعة 6 الصبح
قولتله لا سبنى اقوم برحتى
تقريبا هو لو سابك تقوم براحتك يبقى سادس يوم العيد
لقيته واقفلى الساعة 10 الصبح يالا قوم
انتا لسه نايم
اقوله طيب سبنى شوية عايز انام
يقولى قوم نفطر قولتله مش بفطر هو يزعق رحت حاطط
راسى تحت المخدة وسبته يتكلم
فين وفين على بال ما فقدت الامل انى اكمل نوم رحت قايم
فطرت بالعافية
مش عارف الراجل ده كل حاجة وخدها معايا بالاكراه
ما علينا
فى النهاية طبعا سلمت عليه وركبت العربية بعد ما وصلنى
للموقف ورجعت البيت
وكملت نوم برحتى
بس بجد كان يوم جميل قضيته هناك ضيع ملل العيد كله

يا بختك والله

المشاركة الأصلية كتبت بواسطة _GUIDE_

ينهار ابيض حقد ويبختك
مفيش حد قال حمدالله على سلامتك خالص
عمتا اللى يسلمنى

امرى لله
حمدلله على سلامتك
بس انا مينفعش
مستر/عصام قالى اتوصى
وكمان تخليص حق

المشاركة الأصلية كتبت بواسطة _GUIDE_

لا وعلى ابنه ابدع فى الفرح
مش هقول هو عمل ايه
كفاية رقصت المجانين كنت هقع من الضحك

المشاركة الأصلية كتبت بواسطة _GUIDE_

كله قوم ورقصت نيرون كوم تانى
منه لله على كنت هقع من الضحك عليه وهو ماسك الحلة

حلة ورقصة نيرون
ما تحكيلنا حصل ايه فى الفرح بالصور