|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
22-12-2008, 12:05 AM
|
||||
|
||||
كن "عبيطا" ترى الوجود جميلا .....!!
بسم الله الرحمن الرحيم
------------- بص يا سيدي , انت عاوز تبقى مبسوط لا لأ ؟  -- طبعا أيوة ,بس ازاي , مش شايف الدنيا اللي حواليك  ؟ و لا انت عايش في كوكب تاني ؟  على مهلك يا عمي  , أنا معاك حتى مش اسمه كوكب الأرض بالأمارة ؟  طب سمعت المقولة اللي بتقول "كلما زادت ثقافة -أو علم- المرء زاد بؤسه" ؟؟ أو سمعت المتنبي و هو بيقول : ذو العقل يشقلا في النعيم بعقله **** و أخو الجهالة في الشقاوة ينعم !!! -- أيوة ما أنا قصدي كده , ما احنا لو كنا أغبية  أو ما بنحسش كان زماننا عايشين مبسوطين  , إنما المشكلة اننا بنحس و بنتأثر  و بنعرف كل المصايب و المآسي اللي بتحصل حوالينا , ده احنا لو ما اتأثرناش ما يبقاش عندنا دم , و لا نكون بشر من أصله  , طب ما نفسكش تكون زي "و أخو الجهالة في الشقاوة ينعم" اللي المتنبي بيقول عليه ده ؟؟؟ -- مممم  , بصراحة ساعات باتمنى اني كنت ما بحسش أو جاهل مالوش في الطور و لا الطحين  , أي نعم هكون جاهل , بس كنت هبقى مبسوط و مش حاسس اني جاهل أصلا !!بس ما ينفعش أكون جاهل خلاص , احنا في الواقع , و أنا مش جاهل , يعني ما ينفعش أبقى سعيد و أنا شايف و حاسس كل اللي بيحصل حواليا .طيب اللي يخليهالك "و أخو المفهومية في الشقاوة ينعم" ؟يعني تيجي نخليك تحس باللي بيحصل حواليك و تعرفه كله , لكن ما تتأثرش بيه و لا يجيلك إحباط و قرف و زهق ..... إلخ  , بل على العكس , هيخليك أحسن و يدفعك للأمام ؟؟ -- مممم , طب قول مع اني شاكك في كلامك , بس نسمع , مش هنخسر حاجة  , اطربنا يا سيدي و "المية تغرق القرطاس" ...أقول لك يا سيدي , طالما احنا بادئينها شعر من الأول , يبقى نبدأها شعر هنا , سمعت عن بيت الشعر اللي بيقول  :ليس الغبي بسيدٍ في قومهِ *** لكن سيد قومه يتغابى !!! بصراحة البيت ده عجبني جدا , فعلا , مش من الذكاء انك تبقى "حِمَقِي"  و كل حاجة تعلق عليها و تدخلها جوه "نافوخك" , فيه حاجات سيبها تعدي "بمزاجك" لأنه ما فيش فايده من انك تعلق عليها أو تلتفت ليها أصلا , هتنرفزك و تعصبك و خلاص :abdoog8:, و انت راجل "صاحب مرض" و الانفعال مش كويس علشانك على فكرة أنا كنت قرأت قبل كده مقال عن الstresses و كان بيقول فيه ان حوالي 50% من مشاكلنا و انفعالاتنا و التعصب اللي بيجيلنا كل يوم ,ممكن نتجنبة بـ "التجاهل" just let things go يعني مثلا انت ماشي و حسيت ان الراجل ده بيتكلم عليك أو جارتكم دي بتبصلك بصه مش تمام , أو حتى واحد بيرمي بالكلام عليك , ساعتها انت أكيد هتتصرف بأحد الاحتمالين , اما انك تشبك في خناقه زي الأهبل , و هيقول لك ايه الراجل العبيط ده  , حد عملك حاجة و لا حد وجه لك كلام ؟؟أو انك "تكز" على سنانك طول ما انت ماشي و تقعد تشتم فيهم و تلعن الجيرة "السو" اللي في شارعكم دي :abdoog8:, أو الناس و لاد الـ*** -الرقابة بقى - اللي ماسكين الرايح و الجاي "لبانة" في بقهم , أو حتى ممكن مواقف زي الزحمة في المواصلات أو رخامة سواقين الميكروباص أو أي حاجة "عابرة" من اللي بتحصل كتير لينا كل يوم , كل الحاجات دي بتنرفزك و "بتعككنن" عليك يومك , صح ؟بص يا عمي , لو حرقة دمك دي هتخليهم يسكتوا أو هتخفف عنك الزحمة أو القرف اللي حواليك , أنا معاك يا سيدي ... ولع في دمك و في نفسك كمان ,إنما المشكلة انها ما بتحلش أو بتفيد أي حاجة , بالعكس , هي يتزيد قرفك و زهقك كمان و كمان , يبقى انت تخلي ناس زي دول أو مواقف زي دي يعملوا فيك كده ليييييييييييه ؟ رد عليا .. انطق يا جبان -- ممممم , يعني أسكت لهم ؟ يعني ؟ . ما هو انت لو ما سكتش هتبقى زي الاهبل اللي بيخانق دبان وشه و مش هتخلص من المواقف اللي زي دي لأن " انت أكيد في مصر" , يبقى هتسكت , و ما تحرقش دمك , بل بالعكس , تذكر قول الشاعر :اصبر على كيد الحسود فإن كيدك قاتله فالنار تأكل نفسها إن لم تجد ما تأكله يبقى انت ما تحرقش دمك , و حاول تستمتع بعظمة تحكمك في نفسك و تغلبك على الضغوط و عدم اكتراثك بيها , -- ممم , طيب دي علشان أنا ما ليش يد فيها و مش هاستفيد حاجة من النرفزة , طيب فيه حاجات تانية زي المسلمين اللي بيذبحوا في جميع أنحاء العالم  , و الشتيمة اللي في حق الاسلام و الرسوم المسيئة للرسول -صلى الله عليه و سلم- , ده غير الفساد المحلي و الواسطة و المحسوبية و القرف اللي انت أكيد عارفه !!!بص يا معلم , سأرد عليك زي الأول ان نرفزتك و غضبك مش هيفيدوك بحاجة , بل بالعكس , هيضروك إنما حاجات زي دي , ما ينفعش تتجاهلها زي اللي قبلها , يبقى تعمل ايه ؟ ستيفن كوفي في كتابه الرائع "العادات السبع للأشخاص الأكثر فاعليه" رسم لسيادتك دايرة كبيييييرة و سوده , و رسم في وسطها دايره صغنونه بيضه , سعادتك بقى الدايرة السودة دي هي المشكلات و الواقع و القرف اللي احنا بنشوفه كل يوم أما البيضه بقى , فتبقى انت , قصدي قدراتك و الحاجات اللي انت تقدر تعملها , و طبعا لأن قدراتك بالنسبة للواقع الأسود صغيرة جدا زي الدايرة البيضه دي , عمو ستيفن قال لك لو قعدت تبص على الدايرة السوده هتكبر أكتر و أكتر  لأن الحاجات الوحشة بتكبر مع الزمن ... هتقعد سيادتك تتكلم عليها و هي عمالة تكبر و انت ما بتعملش حاجة علشان تحلها .. أو إنك حتى تكبر الخير الصغير الموجود بنفس النسبة اللي الشر بيزيد بيها .. يبقى تعمل إيه ؟ تحاول تبص على البيضه -الدائرة يعني - و تتجاهل السودة لأنك ما تقدرش تعمل فيها حاجة , خليك مع البيضه و حاول تكبرها أكتر و أكتر لحد ما تقضي الى السودة -في المشمش طبعا , انت بس هتكبرها , إنما الشر و الفساد لازم يبقوا موجودين , احنا مش في الجنة يا زعيم- -- كلام نظري برضه , يعني ايه سوده أكنسلها و بيضه أوسعاها و الكلام البايظ ده ؟؟ بسيطة يا سيدي , بدل ما هتسأل نفسل "ليه"  هتسأل نفسك "ازاي"  ؟؟يعني ..... بدل ما تقول هم الناس وحشين ليه و الاسلام ضعيف ليه , و كل الناس علينا ليه , و الفساد ماله جامد قوي ليه ؟؟ هتسأل بـ"إزاي" .... هتقول , إزاي أغير الناس الوحشين , إزاي أتجنب الناس "الرخمه" , إزاي أخلي الاسلام قوي ؟ إزاي أحاول أحارب الفساد أو أو حتى أتجنبه ؟ شوف , في الحالتين المشاكل موجودة , بس الحالة الأولى انت سألت نفسك و كلمتها بطريقة سلبية محبطه , أما الحالة التانية فانت سألت نفسك بطريقة مشجعة تدفعك للعمل , يعني بدل ما تقعد "تبكي على الاطلال " جنب التلفزيون و انت بتسمع الأخبار , هتسأل نفسك , أنا لوحدي كده أقدر أعمل ايه ؟ أنا ممكن أتفوق , ممكن أتبرع بفلوس , ممكن أوعّي الناس , ممكن أخاطب "الآخر" و أشرح له الحقيقة , ممكن أعمل حاجات كتيرة هي بسيطة آي نعم , لكني عملت و ما قعدتش و حطيت ايدي على خدي و خلاص  , زي كل مرة , مع اني ما كنتش ناوي أطول , بس طولت برضه , حاجة أخيرة عاوز أقولها كنت قرأت كتاب عن مهارات التعامل مع الضغوط بيوصف عده طرق لتعامل الناس مع الضغوط و ردود أفعالهم , منها : - التصدي للمشكلة. - طلب الإسناد الاجتماعي. - طلب الإسناد الانفعالي. - ضبط النفس. - الخيال والتمني. - التجنب والهروب. - العدوان. - الإبدال. أما آليات الدفاع أو (الحيل) أو ميكانيزمات الدفاع فهي: - الكبت. - التعويض. - التبرير. - التحويل. - التكوين العكسي. - النكوص. - التوحد (التقمص). - ""التسامي. "" - الخيال. - الإسقاط. اللي يهمنا فيهم هو "التسامي" : "إن هذه الآلية الدفاعية تخفف من شدة الصراعات والتوتر الداخلي لدى الإنسان من خلال تحويل تلك الأفكار والصراعات إلى مجالات مفيدة وسليمة ومقبولة اجتماعياً، كما أنها تمكن الفرد من الإبقاء على هذه الصراعات مكبوتة وبعيدة عن الوعي ." يعني تخلي الظروف اللي حواليك دافع ليك للنجاح و التفوق  , سواء في المذاكرة -علشان أنفع بلدي- أو الابتكار  -علشان يبقى عندنا منتجات و صناعات و ما نحتاجش لحد- , أو أدبيا -أكتب شعر أعبر فيه عن ما في نفسي, أو أي مقالات- , أو اجتماعيا -تتكلم مع الناس اللي تعرفهم و تحاول تطورهم و تنفع مجتمعك علشان تزيل الانهزامية اللي في النفوس دي - , و في مجالات كتيرة , انت و حسب شغلك و تفكيرك ممكن تلاقي أكتر من طريق و وسيلة لتحويل الضغوط و المشاكل اللي حواليك لأفعال مفيدة لك و "لأسرتك " و للمجتمع كله  ...خلالالالالالاص بقى أنا تعبت  , بس كده يا ريت يا جماعه تدعوا لكاتب الموضوع الاصلى و عايزه اشوف رايكوا فى الكلام ده فى رعايه الله
__________________
 In God's care HaPpiLy eVeR aFtEr |
|
#3
22-12-2008, 12:29 AM
|
||||
|
||||
|
بصراحه
*انا اعرف حاجه من الذكاء ادعاء الغباء ليس الغبي بسيدٍ في قومهِ *** لكن سيد قومه يتغابى بس بيتهيالى ده ترفّع عن الاغبياء لانهم مش يستحقوا الكلام اساسا زى..............................الخناقات اللى بنشوفها كل يوم وتنتهى بقتيل وجريح ومصاب و.....كتير اعمل اللى يعجبك بس يكون صح مادمنا بنتكلم بس وعرفناهم نقطه ضعفنا * دفاعنا عن الاسلام بطريقه غلط* بيزيدوا الهجوم علشان يستفزّونا كمان وكمان ويعرفوا اخرنا فين *اعرف حاجه كمان انى لازم ادافع عن الاسلام بفعلى مش بكلامى ومقاطعتى لاى حاجه منهم ممكن تكون احسن من مظاهرة من الاخوان ومش ليها نهايه أسفه على الاطاله تقبل مرورى
__________________
الحمد لله على نعمة الاسلام وكفى بها نعمة *سلاااااااااااااااااام يا ااكتر منتدى فرحت وزعلت اتبسطت وتعبت فيه .... اكتر منتدى قعدت فيه كل ده وسيبته بعد كل ده* من فات قديمه تاه وانا من القديم اللى مش بقي ليه مكان هنا *استودعكم الله الذى لا تضيع ودائعه* Cl0sD 4 EvEr
|
|
#4
22-12-2008, 02:27 PM
|
||||
|
||||
|
ما كان من لبداية باختصار تقولي علشان حياتك تمشي تجاهل وخلصت بدل دا كلو ما علينا المهم أنا الحمد لله ماشي كده علطول ومستريح أوي بس ساعات حاجت بتلبس في نفوخي مبعرفش أعديها بس يللا الحمد لله إني ماشي كده
__________________
 |
|
#6
22-12-2008, 07:57 PM
|
|||
|
|||
|
لولو حبيبتى
كل دة موضوع دة يتقرا فى ست سنين على العموم لما اكمل قراءة هابقى اقولك رايى ثانكس على التوبيك يا قمر
__________________
 وَغدَتْ نَفْسِي كَورْدةٌ ذَابِلة؛ لا غُصْنَ يَحمِيْها وَلا أوْرَاق حَانِيَة! نَادَيْتُها: أنْ مُدّي يَديْك فِي المِياه الدافِئَة، وَاسْتنِيرِي بِضِيَاء أنْوَارِ السّمَاءِ العَالِيَة. وَلتَشْمَخِي فَالعِزّة لِلإسْلامِ بَاقِية!
|
|
#7
22-12-2008, 08:26 PM
|
|||
|
|||
|
طبعا لازم تشكرنا صاحب الموضوع
جميل جداا جداا بس ملخصه في كلمتيين نفض تعيش
__________________
.المرأه إن اخلصت لها الدهر كله ورأت منك يوما سيئا :كأنك لم تخلص لها قط. |
|
#8
22-12-2008, 09:39 PM
|
||||
|
||||
|
تقريباً والله اعلم انا استنبط من الموضوع دا .. انك عايزة تقولي حاجة واحده اختصارا لكل دا
وهوا مبدأ العصر الحالي .. نفض تعيش !! انتي تعرفي اساسا ان انا بمشي على المبدأ دا من غير اي حاجة .. لإن فعلا عندك حق انا هاستفيد ايه اما احرق دمي على ناس ماتستاهلش اني احرق دمي عليهم اذا كان هما اساسا بيعملوا مواقف متدنية معايا تخليني اتحرق دمي .. وهما ذات نفسهم بيعملوا المواقف دي عشان يتفرجوا على حرقة دمي اللي انا فيها يبقي انا بقي ليه اسيبلوهم الفرصة ؟؟؟؟؟!! لأ انا اقفل الطريق عليهم واعيش في دور الراجل البارد المأنتخ اللي ولا هامة اي حاجة في اي حاجة وموقف في التاني في التالت يعرفوا اني مابتفرقش معايا حاجة .. ويفكهم من اللي هما بيعملوه |
|
#9
23-12-2008, 09:53 AM
|
||||
|
||||
|
اقتباس:
اها اتكلم عن الموضوع ده و قال ان الحاجات دى مش لازم الواحد يعديها
بس بدل ما يكلم نفسه بطريقه فيها احباط يحول الاحباط ده لقدره على العمل عشان يعمل حاجه شكرا على مرورك يا ساسو فى رعايه الله
__________________
In God's care HaPpiLy eVeR aFtEr |
|
#10
23-12-2008, 09:55 AM
|
||||
|
||||
|
اقتباس:
كده حلو
بس مش فى كل حاجه فى حاجات مش تنفع تطبق عليها مبدا تنش تعش تنتعش ده شكرا على مرورك ايها الفانتازى الاخير فى رعايه الله
__________________
In God's care HaPpiLy eVeR aFtEr |
|
#11
23-12-2008, 09:58 AM
|
||||
|
||||
|
اقتباس:
عجبتكوا انتوا حته تنش تعش دى
بس بنقول تانى مش فى كل حاجه شكرا على مرورك فى رعايه الله
__________________
In God's care HaPpiLy eVeR aFtEr |
|
#13
23-12-2008, 05:30 PM
|
||||
|
||||
|
ههههههههه
هقولك ايه بس اصحاب العقول فى نعيم
__________________
 ......استودعكم الله الذى لاتضيع ودائعه.... ....closed 4 ever
|
|
#14
26-12-2008, 01:15 AM
|
||||
|
||||
|
اقتباس:
اها كلام جميل
كلام معقول بس ارجع تانى و اقول ان ده مش فى كل حاجه ينفع بس مع المواقف الحياتيه بتاعت الانسان اللى بيعشها شكرا على مرورك فى رعايه الله
__________________
In God's care HaPpiLy eVeR aFtEr |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:07 AM.
