ممكن حد يقولي ايه هو ادب الحوار!!...موضوع مشترك مع طفلة الامس

[طـفـلـة الامـس]

المشاركة الأصلية كتبت بواسطة بنت الإسـلام

طبعا ليا الحق اني اناقشك ياقمر

منتظراكي ياقمر
حلو كلامك جدا
والتوبيك مكمل بعضه

بس عاوزة اشوف تعليقك على كلامي

ليكى نفس تناقشينى
مش كفاية التدبيسة اللى حطتينى فيها
ماشى ماشى انا هاسامحك عشان طيبة:abdoog8:

سبحان الله
ابقي لاحظي كده لما طفل صغير يتكلم
تلاقي سبعة كبار بيسمعوه وبيقطعو في كلام بعضهم عشان يكلموه
حاجة غريبة

مش فاهمة قصدك اوى فى الجزئية دى
ياريت توضحى اكتر

ساعات مش بنلاقي غيرهم

فعلا وهى دى المشكلة
بس ليها حل
اصل ياهما هايقنعوكى يا انتى تقنعيهم
فانتى لو شايفة نفسك اد انك تاثرى عليهم بكلامك
وكلامك مقنع وبيوصل الفكرة بسرعة وباقناع تام
يبقى خلاص تحاورى براحتك
اما لو مش كده يبقى مش لازم نوجع نفسنا
نتناقش مع اللى هايفهمونا وبس
وتقريبا اغلبنا من النوع التانى ولا ايه؟؟

[طـفـلـة الامـس]

المشاركة الأصلية كتبت بواسطة mohammed.el_sadat

بجد الموضوع عباره عن تحفه

أنا ليا وجه نظر غريبه فى الموضوع ده
أول نقطه
وهى إن بعض الأشخاص بتفهم حسن الإستماع ضعف من المستمع أو إهمال للمتحدث
وبيتهيألى دى مفهومه
يعنى لما انا استنى اللى ادامى اما يخلص كلامه
وبعدين ابدا اتدخل فى الحوار بهدوء
يبقى ده ضعف؟؟!!
بالعكس ده بيظهر مدى اخلاق المتحدث فى نظرى
تانى نقطه
الموضوع اللى بيتم الحديث عليه من الممكن إن يبقى مش مهم لأحد الطرفين ولذلك مبيبقاش فيه أداب حوار يعنى مثلاً إنت بتكلمنى فى موضوع ميهمنيش وأنا مش مهتم به زى الكوره مثلاً طب ليه أصلاً أنا أسمع
احنا بنتكلم عن موضوع نقاشى يخص كل الاطراف
تالت نقطه
الراحه النفسيه بين المتحاورين ودى بتبقى غالباً النقطه السائده يعنى إنت بتكلمنى فى موضوع مهم وكل حاجه ومهم بالنسبه ليه بس أنا أصلاً بتخنق منك ومش بحب أتكلم معاك فبالتالى بيبقى فيه لبس كبير لأن فيه أشخاص
فعلا الراحة النفسية دى عامل مهم اوى واساسى تقريبا
بس مثلا لو انا عايزة اتكلم مع واحدة بتتصرف تصرف غلط وماليش اى معرفة مسبقة بيها
بيبقى هنا العامل النفسى مختفى تماما لانى ماعرفهاش وماسبقش انى اتعاملت معاها قبل كده
يبقى نعمل ايه؟؟
رابع نقطه
الإسلوب العام للمتحاورين
فيه ناس بتبقى طريقتهم فى الكلام بتبفتقد الأداب فى الحوار وهما مستريحين مع بعض كده ولما إنت تقف فى وسطهم تتخنق لكن لو بتتكلم مع شخص منهم لوحده تلاقيه حاجه تانيه

المشكله الكبيره بقه إن العادى بقى الكلام فى التفهات والحاجات اللى ملهاش أى لزمه لدرجه إنه بقى بيتم الخلط بين الجد والهزل غالباً عندنا
بيتم الخلط بين الجد والهزار
جملة مهمة اوى بجد
مابقناش نعرف نفرق بين الجد واللعب
وبنتكلم فى حاجات تافهة ونعمل عليها مشاكل وخناقات اثناء الحوار والموضوع مايبقاش مستاهل اصلا زى مابيحصل بالضبط فى المنتدى

وبجد الموضوع جميل جدااااً تسلم إيدكم

شكرا جزيلا لمرورك الطيب العطر
وجزاكم الله خيرا كثيرا

[طـفـلـة الامـس]

المشاركة الأصلية كتبت بواسطة هنا الفقي

طفلة الامس وبنت الاسلام ربنا يحفظم ذخرا للاسلام

الموضوع ممتاز ومفتقدينه جدا هنا ع المنتدى
لكن عاوزة اقول انو وان كان بعض الناس بيفهموا الاستماع على انه ضعف فده جهل منهم لان في علم اسمه فن الاستماع
وفي فن الرد
فن بحيث تخلي المتحاور اللي معاك يطلع كل اللي عنده وتمسك كلامه بصبر وهجوء وبشاشة وترد عليه شوية شوية باسلوب متميز من الاقناع
يخلي ردك مهما كان قوي او قاسي كله احترام لا يخلق بينكم اي مشاكل ابدا وقد يوحد وجهات النظر المتناقضة تماما
جزيتما خيرا

جزاكى الله خيرا يا هنا
مفتقدينة افتقاد ابدى يابنتى والله
الواحد مابقاش عارف يعمل ايه؟؟
انا مش عارفة ازاى يعنى الاستماع ضعف؟؟ حقيقى نفسى افهمها
الكتاب اصلا اللى جايبة منه فكرة الموضوع اسمه فن الحوار
فانتى عندك حق فعلا
جزاكى الله خيرا على المرور والرد
نورتى الموضوع

[طـفـلـة الامـس]

للاسف فعلا احنا سواء هنا او فى حيتنا العاديه فعلا ساعات بنفتقد حسن الاستماع
بس لو هنا
للاسف احنا بنكون السبب فى ده
لاننا هنا مش بنتناقش للوصول الى الحق
لا
دا احنا بنتعارك لاثبات الراى وفرضه على الاخر
وده بيؤدى الى اللغوشه على الجميع

والله حضرتك جبت من نهاية النهاية
فعلا بنتعارك عشان كل واحد يطلع نفسه صح وبس ويظهر بمظهر لائق امام الاخرين
مش عشان اثبات حق زى ماذكرت
ودى فى حد ذاتها كارثة
جزاكم الله خيرا على الرد الطيب

[** ضي القمر **]

المشاركة الأصلية كتبت بواسطة بنت الإسـلام

السلام عليكم ورحمة الله وبركانه

(تلاتين حسنه)
وعليكم السلام ورحمة الله وبركاته

ازيكم ياجماعة
بخير الحمد لله
انتى ازيك؟؟

انا مش كنت ناوية اكتب التوبيك ده النهارده لاني داخلة ربع ساعة كده خطف

وكنت عاوزة اكتبه على رواقة بس ماستحملتش ابقى في المنتدى ومكتبهوش
قصدك مستحملتيش تكونى فى المنتدى ومترغيش

انا عاوزة اتكلم عن ادب الحوار اللي بجد مش لاقياه
تلاقيه مستخبى هنا ولا هناك دورى كويس هتلاقيه

ممكن اكون مش لاقياه لاني مكونة عنه فكرة بمفهمومي الخاص

هقولكم ازاي
قولى ياقمر

يعني انا اعرف ان ادب الحوار ده المفروض تبقى حاجة طبيعيه في الانسان
لا مش المفروض ولاحاجة
ازاى طبيعية ؟؟؟
لا احنا بنتعلمها مع مرور الوقت
البيئة اللى حواليكى هيا اللى بتعلمك

مش المفروض انه يتكلف بيها او يتصنعها او حتى يتعود عليه
لا ده بقى اللى المفروض
مهو انا لازم اتعلم
يعنى الواحد مش بيتولد ذوق كده ومؤدب
كل الحاجات الحلوة بنتعلمها
والوحشة بردو مش من بنتولد بيها
احنا بنتعلمها لو البيئة اللى حوالينا وحشة


يعني لما حد يكلمني اسمعه لحد مايخلص كلامه

وادي فرصة لغير انه يتكلم ومقاطعش حد في كلامه

حتى لو كنت انا اللي عاوزة احكي واانا اللي بتكلم استنى لما اشوف رأي اللي قدامي في كلامي ايه

هو ده اللي انا اعرفه عن ادب الحوار

انا كمان اعرف كده

وتقريبا دي بتبقي حاجة طبيعية مش محتاجة اني افتكرها وانا بتكلم مع حد

بس حاليا ادب الحوار بقى مش موجود خالص

لا هيا مسألة تعود بس
لما بتعود على حاجة بحس انها شئ طبيعى واللمفروض الكل يعمله

احب اقولكو ان انا مع اي واحده من زميلاتي بكون مستمعة وبس

وده مش باارادتي

هي مش بتديني فرصة اتكلم

مش عارفة ليه حاسة انك بتحكى عنى
انا بردوا كده بسمع بس
نفسى اعرف اتكلم اخر مابزهق بققولها اخرسى واسمعى

حاجة كمان

ابقى قاعده بكلم اخويا او اختي

ومرة واحده ارفع عيني الاقيني بكلم نفسي

والله بتحصل

وابقى بكلم اختي بردو ومندمجة ياعيني في الكلام وهي ساكته

انا طبعا مفكراها منصته الاقيها بتسألني سؤال تاني برة الموضوع خالص

يعني هي مش معايا اصلا وبتقطعني في الكلام

هههههههههههههه
بتحصل معايا بردو
اقعد اكلم فى اخويا ساعة وفى الاخر الاقيه بيقولى انتى معاكى رصيد؟؟؟
بكون عايزة اولع فيه
لا ولما اضايق يقولى طيب انتى قولتى ايه؟؟؟
اخوات اخر زمن


وصحباتي بقى مقكوش

الواحده اول ماشوفها الاقيها تشتغل رغي

احاول بس ارد كنوع من التجاوب معاها

متدنيش الفرصة اني اتكلم

طيب انا ساعات بصدع بجد
جاتلى فكرة اكتر من مرة ارميها تحت اى توك توك ماشى
بس بتصعب عليا


عارفين ياجماعه نظام اللي لما حد يجي يتكلم التاني يعلي صوته يروح الاخ اللي بيتكلم يبطل كلام

انا بيحصل معايا كده
مش انتى لوحدك والله ياإيمى
تقريبا انا زيك بالظبط

اكيد صعبت عليكم
اها
حاسة بمعاناتك

والله فاض بيا بجد

ممكن يكون موضوع مش مهم بالنسبالكم

بس لما حد يبقى مش عارف يتكلم صعبة جدا

بقف قصاد المراية واكلم نفسى
احسن ما اكبت واطق


وممكن بردو الكلام ده مش بيكون بيحصل معاكم

بس منتشر جدا في المجتمع اللي حواليا
جدا جدا جدا
نفسى كرة واحدة الاقى اللى بيسمع من غير مايقاطع
ومن غير مايسرح

اخر حاجة

سارة
اللي هي طفلة الامس

كانت ناوية تعمل توبيك زي ده

بس انا سبقتها

فهي طبعا عندها كلام كتير في الموضوع ده

هسيبكم في الرد التاني معاها

لانها اصرت انه يبقى توبيك مشترك

والسلام عليكم ورحمة الله وبركاته
(تلاتين حسنه)

وعليكم السلام ورحمة الله وبركاته

جزاكم الله خيرا على الموضوع الحلو زيكم

[JusT DreaM]

المشاركة الأصلية كتبت بواسطة MohammeD.el_SadaT

بجد الموضوع عباره عن تحفه
ربنا يكرمك يامحمد ده بس من زوقك

أنا ليا وجه نظر غريبه فى الموضوع ده
أول نقطه
وهى إن بعض الأشخاص بتفهم حسن الإستماع ضعف من المستمع أو إهمال للمتحدث
وبيتهيألى دى مفهومه
الصراحة بالنسبالي مش مفهومة
ضعف من المستمع
يعني ان هو مش قادر يتكلم
وعشان كده بيسمع بس
هو ده قصدك
؟؟
تانى نقطه
الموضوع اللى بيتم الحديث عليه من الممكن إن يبقى مش مهم لأحد الطرفين ولذلك مبيبقاش فيه أداب حوار يعنى مثلاً إنت بتكلمنى فى موضوع ميهمنيش وأنا مش مهتم به زى الكوره مثلاً طب ليه أصلاً أنا أسمع
مابردو من ادب الحوار اني مكلمش حد في موضوع هو مش مهتم بيه
وده المفروض يبقى ادب حوار من ناحيتي انا
وان هو تجاهل او غير الموضوع يبقى مش عليه غلط لاني عارفه انه مش مهتم بالموضوع ده
تالت نقطه
الراحه النفسيه بين المتحاورين ودى بتبقى غالباً النقطه السائده يعنى إنت بتكلمنى فى موضوع مهم وكل حاجه ومهم بالنسبه ليه بس أنا أصلاً بتخنق منك ومش بحب أتكلم معاك فبالتالى بيبقى فيه لبس كبير لأن فيه أشخاص
ولما بتتخنق مني بتقعد معايا ليه
اقصد ان مفيش حد اصلا بيتطلم مع حد مخنوق منه
وان حصل ده تحت ظروف معينه
يبقى بردو لازم نراعي ادب الحوار
رابع نقطه
الإسلوب العام للمتحاورين
فيه ناس بتبقى طريقتهم فى الكلام بتبفتقد الأداب فى الحوار وهما مستريحين مع بعض كده ولما إنت تقف فى وسطهم تتخنق لكن لو بتتكلم مع شخص منهم لوحده تلاقيه حاجه تانيه
اها ممكن
بس بردو غالبا حنا بنكون حاطين في اعتبارنا حاجات زي دي

المشكله الكبيره بقه إن العادى بقى الكلام فى التفهات والحاجات اللى ملهاش أى لزمه لدرجه إنه بقى بيتم الخلط بين الجد والهزل غالباً عندنا

وبجد الموضوع جميل جدااااً تسلم إيدكم

شكرا يامحمد لردك
وانا تالت واحده ارد عليك
بجد كلامك منطقي وفي نقاط مخدناش بالنا منها
بس عاوزاك توضح النقطه الاولى تاني
لاني انا وسارة مش فاهمينها

[JusT DreaM]

المشاركة الأصلية كتبت بواسطة هنا الفقي

طفلة الامس وبنت الاسلام ربنا يحفظم ذخرا للاسلام

الموضوع ممتاز ومفتقدينه جدا هنا ع المنتدى
لكن عاوزة اقول انو وان كان بعض الناس بيفهموا الاستماع على انه ضعف فده جهل منهم لان في علم اسمه فن الاستماع
وفي فن الرد
فن بحيث تخلي المتحاور اللي معاك يطلع كل اللي عنده وتمسك كلامه بصبر وهجوء وبشاشة وترد عليه شوية شوية باسلوب متميز من الاقناع
يخلي ردك مهما كان قوي او قاسي كله احترام لا يخلق بينكم اي مشاكل ابدا وقد يوحد وجهات النظر المتناقضة تماما
جزيتما خيرا

جزانا واياكي
ربنا كرمك ردك عجبني بصراحة

[اوركيديا]

بما انى فاضيه شويتين تلاته اربعه
و الموضوع عاجبنى
استحملوا بقى

المشاركة الأصلية كتبت بواسطة بنت الإسـلام

السلام عليكم ورحمة الله وبركانه
(تلاتين حسنه)

و عليكم السلام و رحمه الله و بركاته و مغفرته

ازيكم ياجماعة

الحمد لله
بمب

انا مش كنت ناوية اكتب التوبيك ده النهارده لاني داخلة ربع ساعة كده خطف

وكنت عاوزة اكتبه على رواقة بس ماستحملتش ابقى في المنتدى ومكتبهوش

انا عاوزة اتكلم عن ادب الحوار اللي بجد مش لاقياه

ممكن اكون مش لاقياه لاني مكونة عنه فكرة بمفهمومي الخاص

اها كل واحد بيكون عن الحاجات و المرادفات الاجتماعيه اللى بيمارسها فى حياته
مفهوم خاص بيه
بيحاول انه يطبقه

و من هنا ظهرت فكره علماء الاجتماع
انهم حاولوا يجمعوا احسن الافكار و الطرق اللى الناس بيستخدموها فى معاملتهم
و خلوها زى معيار للتعامل السوى بين البشر

بس طبعا الميزه فى علم الاجتماع فى الاسلام
انه بيعتمد على النصوص القرانيه
و السنه النبويه
فى انهم يجيبوا الطرق المثاليه دى

هقولكم ازاي

يعني انا اعرف ان ادب الحوار ده المفروض تبقى حاجة طبيعيه في الانسان

مش المفروض انه يتكلف بيها او يتصنعها او حتى يتعود عليه

امممممممم
بصى يا ايمى
فى حاجه بتبقى فى طبيعه الانسان
و فى حاجات بيفرضها عليه الشخص اللى بيتكلم معاه
يعنى انا لما اتكلم معاكى انتى ياللى عجناكى و خبزاكى
غير لما اتكلم مع واحده لسه يادوب بنتعرف على الاسامى
و غير برده حد اكبر منى
غير غير غير
يعنى قصدى بيتحد على حسب الشخصيه
فمش ليها حاجات بتتطبق على الكل

يعني لما حد يكلمني اسمعه لحد مايخلص كلامه

وادي فرصة لغير انه يتكلم ومقاطعش حد في كلامه

حتى لو كنت انا اللي عاوزة احكي واانا اللي بتكلم استنى لما اشوف رأي اللي قدامي في كلامي ايه

امممممممم
بقولك يعنى
فى ناس بتحب تتكلم كله و بعد كده تسمع راى اللى قدامهم
و فى ناس تحب تحكى على هيئه اسئله من اللى قدامهم
و فى نفس الوقت
ناس تفتكر الاسئله دى تدخل فى الخصوصيات

و ناس بتحب المشاركه يعنى احب اللى يقاطعه
ناس و ناس و ناس
عادى المفروض تتعاملى مع اللى قدامك لغايه ما تعرفى هو بيحب ايه
و بيستريح لانهى طريقه من طرق المعامله
بكده حتستريحوا انتوا الاتنين
و تناموا فى العسل

هو ده اللي انا اعرفه عن ادب الحوار

وتقريبا دي بتبقي حاجة طبيعية مش محتاجة اني افتكرها وانا بتكلم مع حد

مش حعيد تانى
انتى بتكررى كلامك ليه يا بت انتى

بس حاليا ادب الحوار بقى مش موجود خالص

بنسبه
99.6 %
يس

المشاركة الأصلية كتبت بواسطة طـفـلـة الامـس

جميلة اوى المقولة التانية دى
يعنى يبقى عارف الكلام اللى بيتقال وعامل نفسه مش عارف
وده بيحصل معايا شخصيا كتير اوى
اخواتى ييجوا يحكولى فى الحاجة مليون مرة وشفتى ايه اللى حصل فى حلقة كونان والجاسوسات
اصلى بحبهم
بس ساعات بصراحة بزهق من كتر اعادة الكلام فبضطر اقولهم سمعتها مليون مرة
وبحاول يعنى اطبق الكلام ده

اها الواحد ساعات بيعملها
بس الحمد لله
اخواتى بيملوا اساسا من الكلام نفسه
يعنى انا اللى بقولهم احكوا تانى
طريقتهم فى الحكاوى بتبقى جميله

فلو اصلا الانسان مش بيعرف يحاور واسلوبه ما شاء الله فى الكلام
المفروض ان الاصغر منه يتكلم كويس؟؟
اذا كان هو يا كبير مابيعرفش يتكلم وهو مدرك وواعى لتصرفاته
فطبعا رد فعل طبيعى من الاصغر منه انه يبقى حاجة كده فريدة من نوعها فى عدم احترام الاخرين

اها حتقوليلى
بلاش بس تفكرينى باللى بقوا يعملوه فينا
و الله انا اللى ببقى مش عارفه ارد بجد
و هما كمان شويه حيفرشوا الملايه لبعض و الحمد لله

وحاجة مهمة اوى كمان
الناس اللى بقى مابتعرفش لا تستمع ولا تنصت ولا ليها فى اى حاجة
يبقى الاحسن مانتناقش معاهم فى حاجة

كله بيخبط الكلام ومفيش لامراعاة بمشاعر المتحدث اليه ولااى حاجة
ولا فيه اى التزام باداب الحوار
كل واحد عاوز يوصل فكرته وعاوزها توصل باى شكل وخلاص
ومش فارقة بقى خبط فى لزق وكله ماشى

المشكله ان كل واحد فاكر ان هو اللى صح
دى بتلخص المساله كلها

يلا فى رعايه الله
و مش حقول الموضوع عاجبنى قد ايه

[mdhawek]

لا تعليق


موضوع جميل جداااااااا

ممكن حد يقولي ايه هو ادب الحوار!!

عندى اكتر من الف صفحه من كتب و مقالات الكترونيه عن اداب الحوار و التعامل و الايجابيه و فن التواصل
بس مش هاقدر افيدك كتير

لاننا قوم نعشق الكلم بدون معنى
زى ما الحاج سعد زغلول ما قال مفيش فايده مستحيل و انا بقولك عن محاولات كثيره التغير مينفعش مع نفسك بس لازم كمان من الى انتى بتحاوريهم
غير الى احنا فيه بقينا عصبيبين اكتر ,ضغوط اجتماعيه ضغوط دراسيه غير ضغوط كتير فى المستقبل منتظرنها ,
و البقيه تأتى تباعا

[Taleba Me7tasa]

يااااااه ادب الحوار دة اللي جايبني ورا
خصوصا من ساعة ما دخلت الكلية دي

لاني طبيعي اتعرفت فيها على ناس كتير جديدة

لكن مع صحابي القدام طبعا بارتاح

مش بنشتم بعض ولا حاجة
بس متعودين على بعض يعني

مثلا مثلا
اطلب من واحدة تشرحلي حاجة محضرتهاش
هي طبعا بتاخدها الشهامة (كتر خيرها يعني) وتجيبلي الموضوع من الاول للاخر

وتكلمنى على حاجات على اني اول مرة اعرفها
بس باكون عارفاها اصلا لكن باسمعلها عادي عشان ماقطعهاش
وهكذا دواليك

وبيحصل حاجة من 2

يا اما بتفتكرني سوسة وباستهبل
وعايشة ف دور اللي مش فاهمة حاجة ف اي حاجة
واني فاهمة ومدكنة
ودة طبعا بيبان بعد الامتحانات او لو حصل وحد فهم منى حاجة

يا اما بعد كدة بتستقلني وتفتكرني جاية الكلية دي غلط
لانها طبعا اما استفاضت ف حاجات عبيطة جاريتها عشان بس ماقطعهاش ف كلامها

اوضح مثال على دة

ف امتحان جبت درجة مش اوي وعادي لاني مكنتش مذاكرة
هانهب يعني

ف الامتحان اللي وراه نقصت نص
ومكنتش مذاكرة اوي برضه
بس حليت حاجات بمعلومات سابقة والدنيا ماشية زي الفل

باسال واحدة اعرفها عملتى ايه
(هي اصلا شاطرة ما شاء الله)

قالتلي بلهجة ممزوجة بالقرف "زيك .. 9.5 "

كان هاين عليا ساعتها اقولها يا سلااااام
خصوصا اني بقالي مدة مسالمة ومتخانقتش
بس مكنتش فاضية ساعتها الحقيقة

تيجي تشوفني ايام ثانوي
لو كنت جبت الدرجة دي ف امتحان درس كنت باقوم الدنيا ومش باقعدها
ايام ما كنت بذاكر بضمير

يلا انا لتيت كتير بس عشان مبقووووووووقة
مفيش حاجة تانية اعملها
لاني ماتعودتش على غير كدة

ميرسي يا ايمي ويا سارة على الموضوع العسل دة

[JusT DreaM]

المشاركة الأصلية كتبت بواسطة last fantasy

أنا بردوا عندي شوية ملحوظات كده يعني أنا مثلا طول منا بكلم حد مش عايز مثلا أطول في الكلام معاه ويجي علي معلومة عايز يعرفها باجي مقصر وقولو معرفش وحاجات زي كده ومبحبش أطول في الكلام مع والدي لعدة أسباب بس خارجة عن إرادتي وطول مبكلم أصدقائي عادي يعني إتهيالي عادي جدا مفيش إختلاف وكل واحد ليه أسلوب يعني

شكرا للردك واسفة اني اتأخرت في الرد

[JusT DreaM]

المشاركة الأصلية كتبت بواسطة بنوته اهلاويه

وعليكم السلام ورحمه الله وبركاته


الحمد لله

وانا لقيته موضوع كويس قلت ارد عبال مالبتاع ده ينزل

لا هو موجود يا ايمى بس زى اى حاجه كويسه بتكون نادره





تؤ طبيعيه ازاى بصى الشخصيات بتختلف عن بعضها والمبادىء والقيم ليها مفهوم مختلف عند كل شخص
معظمنا شايف ان اللى بيعمله هو الصح وعشان كده بيعمله
وكل واحد شايف ادب الحوار بوجهه نظر مختلفه
ده ان كان في حد شايفه من الاصل ياحبي
انا اصلا المصطلح ده مادخلش حياتي غير من قريب
لما لاحظت قلة زوق متناهية من البشر دي
قبل كده مفكرتش في حاجة اسمها ادب الحوار



بردو كل حاجه فى حياتنا بنتعلمها
احنا بنتولد ملناش فى حاجه
المجتمع والناس والاهل والجامع وكل الحجات دى بتفرض عليكى اشياء بتتعلميها
يعنى بفرض انك اتولدتى فى اسره
علاقتاها مع بعض مش كويسه بعد الشر طبعا
الاب ش بيسمع الام
او بيتريق ع كلامها او او
هل هتطلعى انسانه سويه
هل هتقدرى تسمعى اى حد او تتقبلى كلام اى حد
ساعتها ادب الحوار عندك بيبقى حاجه صعبه
لانك متعلمتهوش من باباكى ومامتك
عثل ياخواتي
عندك خق بجد ياسو


اها فى ناس كتير بتكون كده وفى ناس هوائيه
يعنى اول ميلاقيكى بتحكى فى موقف مثلا ع طول تلاقيهم دخلوا فى الكلام
وهاتك يارغى
ولا كانك كنتى بتتكلمى


وتقريبا ده اللى نعرفه


ده لما تتعودى عليها الاول بتكون شيء طبيعى
زى القراءه فى الاول هتلاقيكى بتهتهى ولا بتعرفى تنطقى
مره فى مره هتتعلمى تقري صح
زى مبتتعلمى ادب الحوار من صغرك سواء من اهلك او او وبتطبقيه بشكل لا ارادى فى حياتك


معلش استحملى وحاولى لو انتى فعلا محتاجه تتكلمى معاها
نبيهيها قوليها بهزار يا بت اسكتى شويه ادينى فرصه انطق او حسب الاسلوب اللى بتتعاملى مع الناس بيه



انا عاوزة اعرفك حاجة
الناس اللي زي دي
مش هي اللي احتاج اتكلم معاها
لان حد مش بيحترم كلامي
وعاوز يتكلم هو
هتكلم معاه ليه
انا بقول تجاوب معاها مش اكتر

ايه االاحراج ده انا تقريبا اللى بعمل الموقف ده
يعنى ماام تكون بتكلمنى وانا قاعده ع الكمبيوتر
وانا فى وادى وهى فى وادى
تيجى تقولى ايه رايك
اقولها كويس والله وانا مش عارفه الحوار كان ع ايه
وبعدها بنص ساعه تقلى انتى لسه ملبستيش
اتارى كانت بتقلى نخرج نجيب حجات للبيت
وانا وافقت وانا مش واخده بالى
يلا مش مشكله
بس هى فعلا حركه تضايق
نو كومنت

المفروض يعنى ان الواحد يسمع للى قدامه
بس فى كام مشكله
اول حاجه احيانا فى ناس بتيجى تتكلم فى اوقات مش مناسبه
ولو انتى قلتلهم معلش مش قادره اتكلم دلوقتى
بيكون النتيجه زعل
فبتضطرى تجاريهم
او
تسمعى وتطنشي
احيانا المشكله بتكون من صاحب الكلام
زي ماقولت للسادات
اللي بيتكلم في وقت مش مناسب او عارف ان اللي بيتكلم معاه مش بيحب الكلام ده
يبقى هو اللي عاوز يتعلم ايه هو ادب الحوار!!
لما يكون الموضوع ملوش لازمه
زى مثلا
المغنيه فولانه اطلقت والممثله علنه اتجوزت طليقها
وعملوا الفرح مش عارفه فين فراحت الاولانيه مسلطه شويه بلطجيه وكاسرين الفرح
متسألونيش اتكسر ازاى
بس اهو حوار تافه ممكن نسمعه
واكيد بتكون نهايته انى اسأل سؤال فى حته تانيه
عشان نخرج من دائره الشك دى





هههههههه
خدوهم بالصوت
عادى يعنى يا ايمى
اتعلمى من اختك
هبقى اقلك ع وصفه سحريه تتخلصى بيها من الوش ده
انا بجيب بسكوت اكله وانا معاهم عشان ميكلمونيش
اتعلمتها قريب

لا مين اللى كدب وقالك كده

صريحة صريحة

زى مقلت موضوع كويس وبيتكرر كتير
ثانكس ياقمر


يلا ده احسن حاجه بدل مترجع تعمل موضوع تانى ويتشال فى التوبيكس المكرره



وعليكى السلام ورحمه الله وبركاته


بغض النظر عن الموضوع وعبال مالبتاع اللى لسه مخلصش تحميل ينزل

الموضوع ده احنا اخدناه بشكل عام

ممكن نخصصه هنا فى المنتدى

ادب الحوار

اعتقد ان فى كتير مفتقده

انا مثلا بخرج احيانا عن حدود اللياقه بس مش بالشكل الكبير ده من وجه نظرى

احيانا فى ناس مينفعش انك ترد عليهم غير باسلوب معين
الاسلوب اللى بيجمع بين كميتين كبار من الرخامه والبرود
ياما مش هتعرف تتكلم
ساعات الذوق بيستفز
وده اللي بفضله
ومن الحجات المبهجه هنا فى هذا المكان
ان فى بعض المشرفين
بيعدلوا فى ردود
وبيحذفوا فى ردود
اعتقد ان فى بعض الانتقادات اللى بتوجه ليهم
مفروض كمشرف مؤهل يتقبلها
سابو ايه للعيال الصغيره
لو الكلام عادى طب متسيبوه ايه اللى يضايق فى ان حد يقول المشرف ده مش يستحق مثلا
هل هى هتغير منه حاجه بالعكس ممكن يستفيد من النقد ده بكلمه ولا كلمتين
وممكن ميستفدش عادى حسب عقليته وحسب الكلام اللى بيتقال

فزى من اداب الحوار ان الواحد فى العالم الحقيقى ان يسمع التانيين
فى عالم الديجتال ده مفروض نسمع بردو الكلام ومنغيروش

دول اتعمو حاجة جديده
يعدلو الرد ويحطو مكانه نقط ثم يحذفوه عشان المشرفين التانين مش يشفوه!!
وعجبي!!

منورة ياسو

[JusT DreaM]

المشاركة الأصلية كتبت بواسطة القائد السفاح أبو العباس الاسود

السلام عليكم و رحمة الله و بركاته ,,,,,,

جزاكما الله كل الخير يا أختأاه " بنت الاسلام و طفلة الامس "

بصراحة موضوع رائـــــــــع جداا و ما هو أاجمــــــــل هو الاقناع به

و لكن لنقف امام نقطتين مهمتين " سبل العمل به " من جهة كيفية برمجة المخ على ذلك "

و اللى فى الصف الثالث الثانوي معه " كتاب ادب الحوار فى الاسلام "

و جــــــــــــــــزاكما الله خـــــــــــــــــيرا

جزاك الله خيرا
يارب تكون استفدت

[JusT DreaM]

المشاركة الأصلية كتبت بواسطة طـفـلـة الامـس

ليكى نفس تناقشينى

مش كفاية التدبيسة اللى حطتينى فيها
ماشى ماشى انا هاسامحك عشان طيبة:abdoog8:

لا ياحببتي انا مش حبيت احرمك من الكلام اللي كنتي عاوزة تقوليه في التوبيك ده
::

مش فاهمة قصدك اوى فى الجزئية دى
ياريت توضحى اكتر
اننا عالم تافهه ياحبي

فعلا وهى دى المشكلة
بس ليها حل
اصل ياهما هايقنعوكى يا انتى تقنعيهم
فانتى لو شايفة نفسك اد انك تاثرى عليهم بكلامك
وكلامك مقنع وبيوصل الفكرة بسرعة وباقناع تام
يبقى خلاص تحاورى براحتك
اما لو مش كده يبقى مش لازم نوجع نفسنا
نتناقش مع اللى هايفهمونا وبس

وتقريبا اغلبنا من النوع التانى ولا ايه؟؟

الحل التاني احسن
وعاوزة اتكلم في الجزئييه دي
بس اكيد مش دلوقتي
مانتي كتبتي كلمتينك وسبتيني انا محتاسة هنا

[JusT DreaM]

بخير الحمد لله
انتى ازيك؟؟

كويسة الحمد لله

قصدك مستحملتيش تكونى فى المنتدى ومترغيش

مانتي فاهماني اهو
وخصوصا ان الميل كان صحرا بعيد عنك

ازاى طبيعية ؟؟؟
لا احنا بنتعلمها مع مرور الوقت
البيئة اللى حواليكى هيا اللى بتعلمك

مكرر

مش عارفة ليه حاسة انك بتحكى عنى
انا بردوا كده بسمع بس
نفسى اعرف اتكلم اخر مابزهق بققولها اخرسى واسمعى

هههههههههههه
انا ببقى نفسي اعملها الايموشن ده
بس بخاف

هههههههههههههه
بتحصل معايا بردو
اقعد اكلم فى اخويا ساعة وفى الاخر الاقيه بيقولى انتى معاكى رصيد؟؟؟
بكون عايزة اولع فيه
لا ولما اضايق يقولى طيب انتى قولتى ايه؟؟؟
اخوات اخر زمن

وعجبي
ههههههههههههههه
كويس ان في حد في الدنيا بيحصل معاه زيي
واحيانا بيكون نفس السؤال

طيب انا ساعات بصدع بجد
جاتلى فكرة اكتر من مرة ارميها تحت اى توك توك ماشى
بس بتصعب عليا

لا انا لما بلاقي توك توك
بحسه حاجة صغيرة على كمية الصداع دي
دول عاووزين مقطورة
ههههههههههههههه

اها
حاسة بمعاناتك

بس بجد مبسوطة ان في واحده عندها نفس المعاناه
اكتر رد ريحني نفسيا
منورة ياسكرة