|
#241
06-10-2010, 02:24 PM
|
|||
|
|||
يؤكد على اصالة هذا البلد و اصالتنا نحن المصريون اللهم احفظ مصرنا و دم عزها وردها الى دينك ردا جميلا اللهم هذه ارض الكنانة تحتاج الى عنايتك اللهم نظرة بعين رضاااااااااااااااااااااك تنجدنا بلادى يا ست البلاد ابشرى و فى الامل اتعلقى و اوعى تنسى العز وتأريخه و اياكى وولاد الافاعى و ديرى بالك على خصامك و بكره ترجعى تانى مصرنا
__________________
 |
|
#242
06-10-2010, 03:33 PM
|
|||
|
|||
|
اقتباس:
ليه كدا بس ياروووز عايزانى أعيش فى الحاضر ؟!!!! انتى مش لسه بتقولى دى أيام سوده واللى جاى أسود (جيبتيها من الكنترول ولا إيه ؟) خلاص أنا نويت اعيش فى الماضى --- أنا حر على الأقل كانت أيام كلها تفاؤل وحب للبلد رغم قلة ماباليد كانت العقول متخلفه!!!!!!!!!!!!!!!!!!!!!!!!!!!!!!!دلوقتى العقول متنوره!!!!!!!!!!!!! ولا سمعت خبر نشفان الميه من الجنوب (النيل )ولافيضانها من الشمال (البحر) يعنى اللى كان محروم من المصيف --- مايزعلشى المصيف هيجى له لحد الباب 
|
|
#243
06-10-2010, 04:18 PM
|
||||
|
||||
|
اقتباس:
بدل المصريين ساكتين على حالهم ده هتكون الايام سودة مش محتاجة تفكير هههههههه كنترول دى واضحة زى الشمس والله انا مقولتش حاجة عيش حضرتك فى ماضى حضرتك حر مصيف ده لو هيكون فى ميه هيحصل جفاف هيمنعوا عننا المية افرحوا بس الافضل ان حضرتك متعيش فى الماضى بل استفيد منه واستعد للمستقبل بعد ان راجعت الماضى واكتشفت انه ماضى ركز على الحاضر . ان ما حدث قد حدث وما فات قد فات ولن يعود مره اخرى الا اذا لم تستوعب الدرس وتستفيد منه وارجع بسرعه للحاضر وقل هذا كان ماضى وانتهى كلامى غلط 
|
|
#244
06-10-2010, 06:51 PM
|
||||
|
||||
|
أنا مصرى
أنا مصرى إبن مصرى وليا الشرف برغم المهانة برغـــــــــــــــم القرف برغم الزبالة اللى مالية الشــــــوارع برغم الفســـــــــــاد اللى بيه أعترف سمو معـــــــــــــــالى رئيس الوزارة نتيجة موظف بسيـــــــــــــط أنحرف برغم المجاعة اللى داخلين عليهــــــا وفينا اللى عـــــــايش حياته فى ترف برغم البطــــــــالة فى أوضة وصالة برغم أن أخر جنيـــــــــــــه اتصرف برغم طـــــــــــابور الصباح السخي فوكل منايا يادوب كــــــــــــــام رغيف برغم أسايـــــــــا لمنظر عشايـــــــــــا وأقول مش مهم يــــــــــا واد نام خفيف برغم إنى شايف بــــــــــلاوى وساكت وعايش مطنش كـــــــــــــــــأنى كفيف برغم وزارة رئيسهـــــــــــــــا حرامي وشـوفوا البجاحـــــــــــــة يقولوا نظيف برغم الســـــــــــلام اللى غرقت بناسها برغم العيـــــــال اللى ساكنة الرصيف برغم حكومة شعـــــــــــــارها الكلام ورغم رئيســـــــــــــــــنا عليه السلام ورغم أن كله يــــــــــــــا عالم بيغلى إلا كرامتى بترخص قــــــــــــــــوام برغــــــم إنى عايش في بلدى فريسة ووجبة شهية لبعض اللئـــــــــــــــــام برغم أن كـــــــــــــل تاريخك يا بلدى فى عهد جنابه كـــــــــــــلام فوق رخام برغم ده كله يــــــــــــا مصر بحبك افتكرو انى قولت القصيده دى على لسان احمد فؤاد مش على لسانى  وده طبعا حال مصر  |
|
#246
06-10-2010, 07:45 PM
|
|||
|
|||
اقتباس:
__________________
|
|
#247
06-10-2010, 07:51 PM
|
|||
|
|||
|
اقتباس:
يمكن اقولك عندك حق فى ده وطالما الواحد بيكون مش متحمل المسئولية بيكون الكلام سهل لكن كل واحد مننا عنده مسئولياته ولازم يكون ادها وبعدين باذن الله لما انزل لمجال العمل وربنا يوفقنى يا رب وقتها هيكون رايى نفس الراى لانى عاهدت ربنا انى اراعى ربنا وضميرى فى عملى ومن يتق الله يجعل له مخرجا ويرزقه من حيث لا يحتسب صدقنى المشكلة كمان ان معظم الشباب بعيد اوى عن ربه بعيد اوى ومعتقداته بقت غريبة جدا وفاكر نفسه صح للاسف [/quote] الشباب بعيد عن ربنا كلام سليم , ولكن أيضاً الدول الأجنبية المتقدمة شبابها بعيد تماماً عن ربنا , ولكنهم أخذوا بالأسباب , بينما نحن لم نأخذ بالأسباب ولا حتي متمسكين بتعاليم الدين !! بصي علي كل الأجهزة اللي عندك أو عند أي انسان , فين المسلم أو المصري أو العربي فيها ؟!! الكمبيوتر والانترنت اللي احنا بنتواصل من خلاله , أين المسلم أو المصري أو العربي منه ؟؟ مستخدم فقط !!!! انتقاد مصر " اللي هي الحكومة والشعب " لا يعني كره البلد , وانما يعني كره الأوضاع السيئة الموجودة في البلد !! يا ريت الرد يكون حاجة تانية غير " كل واحد يبدأ بنفسه " لأن الكلام ده مجرد كلام لو فكرنا شوية فيه حنلاقيه غير واقعي !!! الكلام ده ينفع في الجنة والنار , فكل واحد مسئول عما يفعله أو يقوله , أما في حياة المجتمعات فإن الانسان يتعامل ويتفاعل مع المجتمع كله أو بعض منه , ولا يستطيع أن ينفصل بنفسه تماماً عن هذا المجتمع !!!!! |
|
#249
06-10-2010, 10:07 PM
|
|||
|
|||
|
بأمارة ايه ان مصر أجمل بلد في الدنيا ؟!!!
انك عايش فيها فى امن ومش خايف بتقفل باب بيتك عليك ما حدش يقدر يفتحه بدون اذنك قولي أجمل بلد من وجهة نظرك انتي . اجمل بلد هى بلدى اللى اتربيت فيها وعشت ايامى وذكرياتى كلها فيها الأمن والأمان له عدة صور وليست صورة واحدة !! لما يبقي معنديش قوتي وقوت عيالي , يبقي فين الأمان ؟!! لما يبقي خريج الجامعة مش لاقي شغل , يبقي فين الأمان؟!! لما الشاب يبقي مش قادر يتزوج , يبقي فين الأمان ؟!! لما البنت تخطت 30 و 35 سنة بدون زواج ومش قادرة تقول لأهلها جوزوني حرام عليكم , يبقي فين الأمان ؟!! لما الموظف العادي اللي دخله هو راتبه فقط , ومش قادر يلبي طلبات بيته الأساسية , يبقي فين الأمان ؟!! لما الواحد يمرض وليس معه ثمن العلاج , يبقي فين الأمان؟!! من كثرة الأراضي الزراعية بها ؟!! الاراضى ما هى كتيرة مين اللى بيبور الارض مش غباء المصريين والفلاحين اللى بقوا بيدورا على الفلوس ونسوا حق الارض والتراب عليهم اللى انت بتقول لا بيصد ولا بيرد والناس الأغبياء دول بيبوروا الأرض الزراعية ليه؟؟!! لاقيين مناطق يبنوا عليها ؟؟ عايزاهم يبنوا في الصحراء , طيب مين اللي حيزرع الأرض الزراعية ؟؟!! وازاي يروح يعيش في صحراء بدون توافر أساسيات الحياة كالكهرباء والمياه والدارس والجامعات والمستشفيات والمخابز و ....... !! ولا هو يروح يموت وأهو بالمرة يندفن هناك ؟!! وبعدين انتي أكيد درستي في الجغرافيا وعارفة ان غالبية أرض مصر هي صحراء صحراء صحراء ... مش أرض زراعية !! من النيل اللي بقي بتاع مصر لوحدها وكأن بقية دول العالم بتشرب من مياه البحار والمحيطات ؟!! النيل اللى لولاه ما كنتش عايش على ارض خصبة وبتاكل كل اللى نفسك فيه وكل البلاد كانوا زمان بيحسدونا عليه واللى بيحاربونا دلوقتى عشانه لو فى حرب قادمة هى حرب المياه ويحسدونا ليه ؟؟ مفيش نهر في العالم إلا نهر النيل ؟!! الناس هناك بتشرب ايه ؟؟؟ وليه واخدين فكرة ان النيل في مصر فقط ؟!!!! يعني السودان وأثيوبيا وغيرهم من دول حوض النيل مش في الحسبان ؟!! من نقاء المياه في مصر ؟!! ومين اللى لوثها مش احنا باستهارتنا واحنا مين ؟ مش الشعب والحكومة ؟!! وهو انا قلت ان مصر عبارة عن الشعب الألماني والحكومة الألمانية ؟!! احنا بنتباهي بالنيل واللي مياهه ملوثة بأيدينا , يبقي بنتباهي بايه ؟!! من روعة الجو ؟؟!! طبعا اجمل جو ومين ينكر امال السياح دول بيجوا يعملوا ايه السياح اللي بييجوا مصر سياح درجة ثالثة ومعظمهم جاي يتفرج علي الأثار القديمة اللي احنا لسه بنتمسح فيها !!! احنا بنروح نستفيد من علومهم المتقدمة وهما بييجوا يتمتعوا بأعمال الفراعنة , مش الشعب المصري الحالي !! ولو فى ارتفاع شوية نحمد ربنا مش احسن من والسودان وبعده ما هو برضه اهمالنا اللى عمل فينا كده اديكي قولتيها " اهمالنا " , عايزين نعترف بالاهمال ده ونشوفه علي حقيقته عشان نعرف ازاي نعالجه , أما لو لم نعترف به أو هونا من شأنه , يبقي عليه العوض !! من قلة الأراضي الصحراوية عندنا ؟!! ياه كتيرة بس محتاجنا عقل يشتغل ويستغلها صح فين المهندسين يخططوا ويتكتكوا وينظموها ويستغلوها صح الشباب بيتخرج محلتوش حاجة . يبقي ازاي أطلب منهم الاتجاه للصحراء ؟!! فين الامكانيات المتوفرة لهم ؟؟ فين التسهيلات عشان يروحوا ؟!! انما حكاية خد أرض واستصلحها , زي ما واحد يدي واحد تاني عربية وهو يجهل القيادة , أكيد النتيجة حادثة !!! من كثرة الخضرة بها ؟!!! كتير والله واحنا اللى مش شايفين فين الخضرة ؟؟ احنا بنشوف مقالب الزبالة , الشوارع القذرة , الطرق المملوءة بالحفر , العشوائيات , العمارات الفخمة , الأبراج , لكن الخضرة فين مكانها ؟!! من عدالة نظامها ؟!! نظامها ده مش بايدنا احنا اللى بعدنا عن دينا وما حكمناش بالاسلام وبتعاليم ربنا عارف ايه اللى خلى الدول دى متقدمة عننا انها بطبق تعاليم الاسلام بس ما قالتش الشهادتين بتاخذ كل حاجة حلوة عندنا واحنا مش بناخذ منها غير كل حاجة وحشة والموضة اللى بيقولوا عليها عاف هم دلوقتى محتلين عقولنا محتلنها فكرا مش ارضا طيب بما أننا تركنا تعاليم ديننا , ليه لم ناخذ بالأسباب كما أخذوا هم بها ؟!!! ولما ناخد منهم الحاجات الوحشة , يبقي العيب في مين ؟؟ أكيد فينا احنا , واحنا مين؟؟ احنا الشعب المصري !! ومين الشعب المصري؟ اللي عايش في مصر وعلي أرض مصر !! من حسن أخلاق شعبها ؟!! والله انا قلت فى جنة وفى نار فى شر وفى خير فى وحش وفى حلو وده الطبيعى فى اى بلد كلام سليم الحلو والوحش في أي بلد , بس عندنا الوحش اكتر بكتير من الحلو , والواقع بتاعنا بيدل علي ذلك , وحجم الفساد عندنا بيقول كده !! ورد في القرآن الكريم بأنها خير بقاع الأرض ؟!! ورد في حديث نبوي أنها أفضل بلد في الدنيا ؟!! عايز أعرف أحسن بلد في الدنيا بصفة عامة ليه وعلي ايه ؟!! طبعا لما ربنا امرنا بفتح مصر قال نتخذ منها جندا كثيرا فاجناد مصر خير اجناد الارض وده دليل لعظمة شعبها خير الجنود نعم , لكن لم يقل أم الدنيا !! لم يقل خير بقاع الأرض , انما قال عليه الصلاة والسلام " خير أجناد الأرض " ولا يجب علينا كمسلمين أن نتخطي هذا !! وايه نسيت الرسول لما اهل مكه عملوا فيه كل حاجة من سب واهانة وتكذيب و................ حاجات كتيرة ما يستحملهاش غير الحبيب المصطفى صلى عليه الله ايه فى مرة دعى عليهم لا والله قال على الجبل لما اهلها اخرجوه والله انك احب بقاع الارض الى قلبى ولولا ان اهلك اخرجونى منك ما خرجت لسه فى حاجة هتقولها اكتر من كده ايه احنا مين جنب رسولنا ايه شوف حصله ايه بسبب بلده واستحمل اللى ما حدش شافه وشوف بيحب بلده ازاى وبيدعلها بالهداية ولقد كان لكم فى رسول الله قدوة حسنه فيا ريت نتخذ الرسول مثل لينا فى حياتنا وبعدها هنشوف حياتنا هتتغير ازاى الرسول صلي الله عليه وسلم كان يحب مكة لوجود بيت الله الحرام فيها وهي خير بقاع الأرض , المكان اللي المولي عز وجل يضع فيه بيته الحرام يبقي هو خير مكان في الأرض كلها , مش مصر ولا غيرها !! كلام الله ينفذ بلا جدال ولا احنا مش مسلمين ؟ أو بنعرف أكتر من ربنا ؟!! والرسول صلي الله عليه وسلم لم يدعو علي أهلها ووضح سبب ذلك بقوله " لعل الله ان يخرج من أصلابهم من يؤمن به " أو كما قال . ومع حبه الشديد لمكة , ولكنه لم يقيم فيها حتي بعد الفتح , لأنه صلي الله علي وسلم عاهد الأنصار علي الاقامة معهم في يثرب , فحفظ وعده معهم ولم يقل لهم ان مكة هي خير بقاع الأرض بالرغم من فتحها واسلام اكثر أهلها !! مكة ثم المدينة ثم القدس لا فضل لبلد علي أخري بخلافهم إلا بفعل وسلوك شعب ونظام هذا البلد !! |
|
#250
06-10-2010, 11:12 PM
|
||||
|
||||
|
[size="5
لا فضل لبلد علي أخري بخلافهم إلا بفعل وسلوك شعب ونظام هذا البلد !!
ماشى بس مين اللى قال ان الرسول بيحب وطنه وبلده مكه علشان البيت الحرام بس لا طبعا وعلشان حب وطنه اللى اتربى فيها وما يقدرش ينكر خيرها عليه اما بالنسبة لكلامك طيب ما انت قلت بنفسك تعليم واتعلمت الحمد لله فين مش فى مصر برضه جامعة ودخلتها وانت دلوقتى مش شغال الحمد لله ايه مش انت برضه فى مصر دلوقتى بتقول رايك بحرية ايه انت برضه مش فى مصر عارف انا كنت ليه دايما بحب اعبر فى كلامى بقصائد للشعراء لان مش مجرد هتافات دول ناس شافت الغربة ومعناها وعرفت ازاى تحن لبلدها ناس حست كل كلمة فى الشعر اللى بتقوله علشان كده كنت بقوله لانهم بيعبروا عن الشئ اللى احنا مش حسينه احنا بنتأمر على بلدنا وبنطلع عيوبها لاننا ما شفناش بلد غيرها لكن لو شفنا وجربنا اللى بيحصل فى البلاد التانية مش هنقول كده مصر فيها عيوب كتيييييييييييييييير اوى وانا معاك مش هنكر بس طبعا قصدى على الشعب نفسه ويمكن مش الشعب لانه غلبان والله وطيب وربنا بيسترها معاه لكن مش معنى ان فيها عيوب اننا نهاجمها ونحاربها ونسوء صورة بلدنا انت عن نفسك متمتع بخيرها لكن بتتكلم على الناس اللى مش عايشه الناس دى بتشوفها فين فى التليفزيزن ولا فى الواقع بعدين انا هقولك على نموذج وانت تحكم يعنى اخى مرة كلمنى على واحد يعرفه سواق تكتك دلوقتى وعارف كان معاه كلية عاليه جدا فاخى قاله طيب ليه ما شتغلتش بالمؤهل السؤال الطبيعى قال له ان اشتغل فعلا بس لقى ان مرتب الحكومة ااقل بكتير يعنى التكتك ممكن على اقله يطلع ب20 جنيه فى اليوم ده بالميت وطبعا هيكون افضل لو انت بتحلل الموقف دلوقتى هتقولى عنده حق ما المعيشه غاليه لكن انا هقولك حتى لو غاليه بس انت اللى ضيعت تعب سنين ببساطة علشان الفلوس طب ما انت من الاول ما تتعلمش وتوفر المصاريف بقى لو بتفكر فى الفلوس لو كان الشاب ده عنده طموح وعايز يغير بجد ليه ما كانش يبدا بالبسيط وبعقله وشغله يوصل لاعلى واعلى ايه ما شفتش استيفن كوفى وهو بيتكلم عن رحلة كفاحه كانت ازاى اللى بيتمسك بمبادئه وعلمه ويشتغل بيه ويعرف قيمته ربنا بيوفقه وبيساعده مش يقولى المعيشة صعبة طيب ما كل حاجة فى الدنيا صعبة وبعدين يعنى هما بره بيتعلموا بالساهل ابقى قارن بين العامل وخبرته بره والعامل هنا بعدين الفرق بينا وبينهم انهم بيعرفوا قيمة العمل والعقاب عندهم الاجازة تخيل لكن احنا بنموت فى الاجازات يا فرحة ما بعدها فرحة شعب اساسا كسول "] ما تنساش ان الشعب اللى مش عجبك برضه ده الشعب اللى ضحى بروحه علشان تراب بلده علشانك وعلشانى وعلشان الكل يعيش براحته وان لو لاهم ما كنتش دلوقتى حضرتك قاعد تقول رايك وتسئ لبلده لو قاموا دلوقتى يشوفوا شباب دلوقتى بجد هيحزنوا كتير اوى على دمهم اللى راح علشان شباب مستهتر ومش متحمل مسئولية وبعدين قبل ما تسال ليه مفيش شغل شوف مين اللى يشتغل شكل الشباب الان ما عدش الواحد يحب يبصله من الاهمال والاستهتار والله الواحد بيشوف اولاد ما عدش فى فرق بينهم وبين البنات خلاص خسارة يا شباب مصر يلى المفروض تكونوا قوتها وروحها وحماسها راح فين كل ده انت من الاخر بدل ما تلوم البلد وشعبها لوم اللى حاكمنها بس اكيد هيجى يوم ويروحوا واحنا جيلنا اللى هيحكم لما نشوف حكمه هيكون ازاى والشباب اللى عمال يعانى من الظلم يا ترى لما يكون فى موضع مسئول هيكون عادل وانا اتحداك لو انت كنت عادل مع نفسك بس او حتى مع اسرتك وعملك وانا اقصد العدل 100% مش يعنى وانا اول واحدة بقول انا مش عادلة [/size]
__________________
لكى تتعرف عن صيدلة تابع معنا قبل ما تدخل صيدلة عدى علينا هنا http://www.thanwya.com/vb/showthread.php?t=350140 ملتقى دفعه المنصورة لصيدلة http://www.thanwya.com/vb/showthread.php?t=349360 ما هى مهنة الصيدلة ؟؟ http://www.thanwya.com/vb/showthread.php?t=361384 |
|
#251
06-10-2010, 11:13 PM
|
||||
|
||||
|
بلدنا امانه فى ايدينا احنا اللى نحافظ عليها وبايدنا نعمرها ونصلحها ولو فى فساد احنا اللى هنصلحه بس علشان بنحبها
وده واجبنا نحوها وكويس ان لسه فى شباب عايز يصلح بس يا ريت من غير ما يسئ لها يصلح بلده ويقول رايه لانها بلده وبيحبها صدقونى لو جربتم تبعدوا عنها مش هتلاقوا ارض تجمعكم او احن عليها منكم جرب لما تتعب مرة او يحصل موقف فى اى مكان مين اللى هيقف جنبك اهل بلدك واصحابك لكن لو بره بلدك ميت جزمة هدوس عليك وانا مش بتكلم عنك انا بتكلم عن حال شباب سافروا بره وده حالهم فعلا ويا سلام لما مدير مدرسة هنا يسيب وظيفته ويروح يشتغل بره عامل نظافة ليه بس كل ده علشان الفلوس بلاش تقولى مدير مدرسة مش بيأخذ فلوس انا اكتر واحدة عندى دراية بالموضوع ده
__________________
لكى تتعرف عن صيدلة تابع معنا قبل ما تدخل صيدلة عدى علينا هنا http://www.thanwya.com/vb/showthread.php?t=350140 ملتقى دفعه المنصورة لصيدلة http://www.thanwya.com/vb/showthread.php?t=349360 ما هى مهنة الصيدلة ؟؟ http://www.thanwya.com/vb/showthread.php?t=361384 |
|
#252
06-10-2010, 11:28 PM
|
|||
|
|||
|
اقتباس:
شكرا على المحاضرة ياروووووز واطمنى انتم مش غلط احنا اللى غلط!!!!!!!!!!!!!!!!! بس عايز أسأل سؤال تعرفى إيه عن أحمد فؤاد غير اسمه ياريت تخلينا هنا مع الناس اللى بيشتكوا من غلاء الطماطم وابعدينا عن الناس اللى بيطلبوا الاكل بالطيارة من مطاعم باغيس |
|
#253
06-10-2010, 11:31 PM
|
|||
|
|||
|
لو قمت بالتعليق علي كلامك سأكرر نفس
الردود السابقة لأن نفس الكلام بيقال فأكيد نفس الرد حيكون مني . ومش عارف لماذا لا يكون التعليق علي ما ذكرته من سلبيات موجودة في بلدنا , وإذا كنت متجني ام لا !!! ومش معني اني شغال والحمد لله مستورة معايا , أعمل بمقولة وانا مالي ... ماليش دعوة ..... طالما بعيد عني يبقي خلاص !!! أعتقد ده منطق ومبدأ خطأ !! وعايزين الناس تحس بالغير ازاي لما كل واحد يقول يلا نفسي ؟!! أما حكاية العدل بنسبة 100% فمفيش أي مخلوق يتمتع بهذه النسبة !! |
|
#254
06-10-2010, 11:42 PM
|
||||
|
||||
|
اقتباس:
على اساس ان المصريين مش متهانين فى بلدهم هما بيتعذبوا فى البلد زى برة مفيش اختلاف ده حتى الحكومة بتهتم بالسياح اكتر مننا ده لو حصل مثلا حادثة لمصرى بعد فوات الاوان بتوصل سيارة الاسعاف ولو واحد اجنبى الدنيا بتتقلب واحنا لو فى بلدهم وحصلنا حاجة ولا اى حاجة تحصل طب ليه كده ليه احنا مستوانا وصل لدرجة دى بين الدول لكن لو بره بلدك ميت جزمة هدوس عليك طب ليه بيحصل معانا كده برة البلد ليه بيتعملوا معانا كده مش احنا ام الدنيا احفاد الفراعنة احنا كذا وكذا بالله عليكم شوفوا حال صر ومتفضلوش تقول احنا كذا وكذا لانه واضح من معاملة الدول لينا حتى العرب ات*** المصريين هناك ولا حياة لمن تنادى واضح ان كرامة المصرى محفوظة |
|
#255
06-10-2010, 11:45 PM
|
|||
|
|||
|
ويروح يشتغل بره عامل نظافة ليه بس كل ده علشان الفلوس
هي الفلوس لم يعد لها أهمية ؟ لولا الفلوس ما استطعتي أن يشتري لك والدك جهاز الكمبيوتر !! لولا الفلوس ما استطعتي أن تشتركي في النت !! لولا الفلوس لما تعلمتي في المدراس والجامعات !! لولا الفلوس ما استطعتي أن تأكلي الطيب من الطعام !! لولا الفلوس لما استطاع والدك علاجك في حالات المرض !! لولا الفلوس ما ارتديتي جديد الثياب !! لولا الفلوس ما كان يوجد عندنا في مصر هذا القدر المخيف ممن يعيشون تحت خط الفقر وعلي خط الفقر !! زميل أخوكي لقي نفسه مش عارف يعيش بمرتب الحكومة ومش حيعرف يتزوج !!! عايزاه يشغل مخه ازاي ؟؟ يرتشي ؟؟؟!! يتاجر في الممنوعات ؟!! ينافق في شغله عشان يترقي وياخد علاوات ؟!! الفلوس ليست كل شيء ... نعم , ولكنها مهمة مهمة مهة وبكرة الأيام تثبت لك ولغيرك ذلك , وساعتها حتقعدي تضحكي علي أفكارك ومعتقداتك القديمة !! |
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 02:36 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
