منصب الوكيل الثقافى فى الازهر

[ممدوح سليمان]

فعلا كلها محصلة بعضها بلاش نتناقش في حاجات زي دي بالحساسية دي كلها خلينا نركز في حقوقنا ومستوانا الاجتماعي وان نرفع من قدر بعضنا

[مستر / طاهر أبو خزيم]

ردا على الأستاذ اللى بيقول ا ن الوكيل الثقافى بيقعد لشرب الشاى وجدولة حصص8 انا مش معاك ليس كل وكيل ثقافى ولا كل مدرس ثقافى بياخد اقل الحصص وبيقعد لشرب الشاى انت مخطىء فى قولك هل ذهبت الى جميع المعاهد الأزهرية وشاهدت بأم عينك ام على ماذا بنيت رأيك هذا رأيك انت احتفظ به لنفسك ثم ان المعلم الثقافى خاصة معلم اللغة الأنجليزية والرياضيات والوكيل الثقافى للأنصاف هم اللى شايلين المعهد فالمعلم الثقافى جدوله مكدس ويعمل طوال اليوم الدراسى على خلاف الآخرين فانا ارى لابد من عودة منصب الوكيل الثقافى

[mikebill]

المشاركة الأصلية كتبت بواسطة مصراوى أصيل

إيه المشكلة لما يتلغى،الوكيل الثقافى ليس له أى عمل فى المعهد سوى الجلوس وشرب الشاى واللى شايل الشغل فى أى معهد هم وكلاء ومدرسين اللغة العربية والشرعية،كمان مدرس الثقافىفى أى مادة لا يتعدى نصابه8 حصص إسبوعيا فما بالك بالوكيل

يظهر ان الاستاذ بيتكلم على مكان تانى غير الازهر المكان دا موجود فى خياله بس فلن اقول ماذا يفعل المدرسون الثقافيين بالازهر فالكل يعرف ويشعر بذلك من قيام المدرس الثقافى بكل شى يحتاج الى تفكير وابتكار تجد المدرس الثقافى وللامانه معه قله من المدرسين العربى او الشرعى ولكن ماذا نقول يظهر ان الى بيشتغل فى الازهر ذى الى مابيشتغلش واخيرا اريد الن اتاكد من الخبر هل وصل منشور يفيد الغاء الوكيل الثقافى فى المعاهد

[ebrahim shalby]

الأزهر أصبح له طعم ومذاق بوجود الثقافيين مع الشرعيين والعربى فهم العامل الفعال فى المعاهد وعلى عاتقهم تقع مسؤلية الجداول والكنترول وخلاف ذلك . ( وكيل ثقافى + وكيل شرعى وعربى = 1) فكلتا أبناء الأزهر وفى خدمة الأزهر . فلا نجعل الخلاف يدب بيننا . ويعيش الأزهر منارة العلم والعلماء

[Observer]

فعلاً الكل واحد والهموم مشتركة
فلا ندع التعصب ينال منا
ومفيش حد احسن من حد خاااااااالص
وهذه نقطة مهمة جداً
ولو فى مشكلة معينة ممكن تتحل بالهدوء
زى مشكلة الموضوع ده اللى بصراحة مفيهاش عدل او مساواة
والفرصة متاحة فى هذه الفترة فى رفع اى مقترحات او شكاوى
الى فضيلة شيخ الأزهر فهو على ما يبدو انسان متفهم
وانا سمعت ان له اخ مدرس بالأزهر فى محافظة الأقصر
لذلك نجده متعاوناً ومنصفاً الى حد كبير

طرق الأبواب هو وسيلتنا
والله الموفق

[طارق الشعواطى]

موضوع شائق فعلا

[الاستاذة منال]

يا جماعه المفروض شيخ المعهد يكون بالكفاءة سواء كان ثقافى او شرعى

طيب والله فى شيوخ معاهد لا يصلوحو انهم يكونو مشايخ اخدوها كده بالدور


نفسى فى شيخ معهد يكون شخصيه مثقفه عالم وفاهم دينيا واداريا وخصوصا اداريا

[محمودقنديل]

من يريد ان يعرف الحقيقه يسال مسئول الجدول وانا مسئول الجدول في معهدنا بصراحه معظم التخصصات في معهدنا تعاني من الفراغ فالمدرس الشرعي نصابه 8 حصص والانجليزي لا يزيد عن 12 حصه والدراسات بلاش اقول اصل حاجه تكسف 4 حصص لكن مدرس العربي ربنا يكون في عونه 18 حصه اكمل الفلسفه ثلاث مدرسات كل مدرسه حصه والرياضه 15 حصه ام بالنسبه للوكيل الثقافي فهو شعله نشاط في المعهد كنترول واشراف علي المدرسين والحضور والانصراف ام الوكيل الشرعي بصراحه لا يشرب الشاي لانه بيمشي بعد خمسه دقائق لانه ملوش شغل في المعهد ام بالنسبه لمنصب شيخ المعهد ياريت يكون من الثقافي فقط وبلاش الشرعي والعربي لان هذا سبب تاخر الازهر لان الفرق واضح بين عقليه الثقافي وعقليه الشرعي وهذا معروف لنا كلنا

[محمد ابو اسلام]

ليس تقليلا من شأن الزميل سواء شرعى أو عربى لكن اذا بحثت فى أى معهد مين اللى شايله تلقاه الثقافى سواء وكيل أو مدرس ثقافى و فعلاكثير من المشايخ لا يستحقون هذا اللقب فيجب على الازهر ألا يفرق فى الاعمال القيادية بين واحد و التانى و الاكانت عنصرية

[طاهر محمود]

المشاركة الأصلية كتبت بواسطة أ/ هاني خلف

مين المدرس اللي نصابه 8 حصص يا أستاذ؟ أنت تبع معهد المريخ النموذجي ولا إيه؟ أنا مدرس إنجليزي وكنت شايل 29 حصه ولما حبوا يريحوني إدوني 25 حصه في الإسبوع فقط منهم 9 حصص انتداب في معهد ابتدائي في الأرياف مواصلاته (تييييييييت) فبلاش العصبية للعربي والشرعي والحوارات دي. كلها محصلة بعضها.

سلام وهدوء ياجماعه المشكله مش بين شرعى وعربى وثقافى لانهم زملاء وفريق عمل واحد والمشكله مش مين شايل نصابه من الحصص ومين مش شايل نصابه دى بتختلف من معهد لمعهد اخر .... لاكن كلنا زملاء واحنا كثقافيين كنا ننتظر دورنا فى الترقيه حتى نستريح من العمل فى الفصول ونتعلم الشؤن الاداريه ... وبالنسبه لالاح اللى بيسأل عن منشور الغاء الوكيل الثقافى ده موجود من بدايه العام وبيقول ان المعهد اللى فصوله ماتكتملش 20 فصل يلغى الوكيل الثقافى ومعهدنا فى الباجور منوفيه تم الغاء الوكيل الثقافى منه بعد ان امضى فى الوكاله لمدة سنتيين وحسبنا الله ونعم الوكيل.... وشكرا لجميع من ساهمو برأييهم واتمنى المزيد من عرض كل مايتعلق بالموضووع

[مسيو اسامة حشمت]

المشاركة الأصلية كتبت بواسطة عوض_على

يجب أن ننادى بأن يكون
شيخ المعهد من المدرسين الثقافيين
لأنهم يعملون فى الأزهر مثل مدرسى العلوم الشرعية والعربية

فلماذا لا يكون المدرس الثقافى شيخا للمعهد ؟
أليس له الحق فى الترقية مثل زملائه من مدرسى العلوم الشرعية والعربية
فلماذا يقتصر منصب شيخ المعهد عليهم هم فقط
ولماذا نحرم الثقافيين من هذا المنصب؟!

انا معك زميلى العزيز واحب ان اضيف ان هناك وكلاء ثقافيون يحلون مشاكل لا يستطيع حلها شيوخ معاهد من التخصصات الشرعية والعربية

[العنانى سات]

إيه المشكلة لما يتلغى،الوكيل الشرعى والعربى زى الوكيل الثقافى

[teacher120]

بس لازم نغير المسمى ويبقى عميد المعهد مش شيخ المعهد

[teacher120]

المفروض الى يمسك شيخ معهد يكون حافظ القران الكريم حفظا كاملا ويكون مثقف دينيا لانه يمثل الازهر والمفروض عنصر الكفاءه مش بالدور والاقدميه

[بارعة]

ليس المهم من شيخ المعهد ثقافي أو شرعي المهم أن يكون جدير بهذا العمل ثم هناك نقطة هامة هل يسطتيع أي معهد العمل بدون أحدهما يا أخوتي العمل ثم العمل في أي مكان