صور من خليهم في التحرير لغاية سبتمبر و إحنا نبني بلدنا‏

[حـHoSaMـسام]

هذا ما يجب فعله
لن تموت مصر وشعبها حي يرزق
يجب ان نبني ما هدم .. ولا نبالي بمن يعث بالارض فسادا
وليعلم الظالمون اي منقلب ينقلبون

[اسد السنه]

المشاركة الأصلية كتبت بواسطة عمادعرفه

كلام معتد جا
ياريت نخلص من اللى فى الميدان
برصاص اسرائيل اللى عايزينا تيجى

والله كلامك جميل جدااااااااااا
300 ماتوا ونكمل الـ 8 مليون متظاهر الباقين فى كل المحافظات هم واهاليهم
ايه يعنى ماهم ملهومش لازمه دم الانسان رخيص وخلينا نحل المشكله السكانيه دى
هم عايزين ايه؟ حريه؟ طب مااحنا عندنا حريه نشجع الاهلى ونشتم فى الزمالك
عداله اجتماعيه؟ طب مافى عداله انا ومدحت شلبى بناخد مليون جنيه فى الشهر انا 300 جنيه وهو الباقى
عيش؟ طب مايكلوا بسكوت
اعلام حر؟ طب ماهو موجود قناه المحور ومودرن سبورت ممكن تنتقد اى حد فى اتحاد كره القدم
الغاء قانون الطوارئ؟ ليه طب ما احنا اتعودنا عليه
حريه فى تكوين احزاب؟ ومالو يعنى الحزب الوطنى؟ ماهو اخر حلاوه وبندافع عنه فى المنتدى اهو وبنشتم اى قناه تقول الموجود فى الشارع عشان صوره النيل جميله جدا
والله بجد الناس بتوع المظاهرات دى مزودينها خالص

[ورك النملة]

اللي بيقول 8 مليون ده انا معرفش جابها منين
وبعدين لو حتى 10مليون يروحو فداهية عشان ال85مليون يعيشو
احنا مش هنضيع بلد عشان شوية عيال
ربنا يشيلهم كلهم ويريحنا من دي ناس
gl

[alshamedaan]

to werk elnamla with prayers to Allah to forgive us all

[فاتن فتحى]

واللة العظيم حالنا وقف رغم ان احنا بعيد عن المشاكل بحكم المكان لكن الرعب وعدم الامان اللى عشتة خلال العشرة ايام السابقة لم اعيشة فى حياتى ازاى هنشوف تغيير واصلاح بعد خراب بيوتنا ووقف حالنا وحال كل العاملين باليومية وعلى فكرة معظم شباب ميدان التحرير الباقين حتى الان من احسن جامعات مصر الامريكية والالمانية وهذا من افواههم كفاي مظاهرات لان الشئ اللى بيزيد عن حدة بينقلب ضددة

[مارسين]

الله يبارك فيك


وياريت كل الشباب يكونوا بيفكروا بهذه الطريقة

[سما100]

المشاركة الأصلية كتبت بواسطة ورك النملة

اللي بيقول 8 مليون ده انا معرفش جابها منين
وبعدين لو حتى 10مليون يروحو فداهية عشان ال85مليون يعيشو
احنا مش هنضيع بلد عشان شوية عيال
ربنا يشيلهم كلهم ويريحنا من دي ناس
gl

هو دا الاخلاص هو الحب الوطن خلاص وصلنا لمرحلة ندعى على شبابنا عشان عاوزين حرية عشان عاوزين كرامة عشان عاوزين يتجوزو عشان عاوزين مستقبل يعنى مش بس الحكومة عليهم لا اصحاب النفوذ اصحاذ الفلوس هم كمان عليهم حرام عليكم والله اللى بيحصل دا حرام مش كفاية الناس الى ماتت فى الثورة 25 لواحد فيكم اخ مات او اتصاب عمرو ما حتقول كدا اتقو الله ربنا يظهر الحق ويظهق الباطل ربنا يسامحكم

[محمد حسن ضبعون]

الأعضاء الكرام أبناء مصر الأوفياء

نناشدكم عدم تكرار نفس المشاركة بموضوعات أخرى حتى لا يفقد الموضوع مصداقيته ويمل منه القارء
فريق المنتدى يتفحص جميع المشاركات ونهيب بحضراتكم أن نرتقى بمشاركاتنا وننتقى الردود ولا داعى للتجريح والتشدد والعصبية هدفنا واحد ( مصر أولاً ) والأصلاح ثانياً حافظو على مكانة مصر وشعبها وليعلم الجميع أن كل من حولنا ينظر الى تصرفاتنا ونحن من علمهم العلم والأخلاق والكرم والجود والشجاعة والتضحية

يمنع منعاً باتاً التوجه بالسب أو القذف أو التجريح لأى شخصية أو حزب أو جماعة
سواء الرئيس أو غير الرئيس
يمنع السب والشتم نهائياً
قل أنه على خطأ أو على صواب
وافق على مبدأ حزب ما
وانتقد الآخر لكن دون تجاوز
وعلى الأخوة المشرفين والمراقبين القيام بحذف أى مشاركة تحمل سباً أو قذفاً أو إساءة
يد بيد وعقولنا معا وقلوبنا متوحدة على التغير للأحسن والأفضل
لا للأكاذيب والفبركة بعد اليوم
شعارنا
الصدق والشفافية
الأعتراف بالسلبيات ومعالجتها
تعزيز الصحيح واثابته
وتصحيح الخطأ ورفضه

[لافانيا]

بارك الله فيك

[محمد عرفة أبوجبل]

هذا الكلام غير دقيق لأن من يحب مصر يشارك فى ثورة الشباب التى ستحقق آمال المصريين فى غداً أفضل و هذا ما يقوم به التليفزيون المصري بحملة جديد ضد ثورة الشباب المخلصين بعنوان
((الكذب حصري على التليفزيون المصري)) ينشر فيها التليفزيون المصري الكثير من مواهبين الكذبين فى محاولة بائسةلأجهاض ثورة الشباب يا شباب اللي عايز بجد يعرف الحقيقة ينزل ميدان التحرير بنفسه و هو يحكم أنا نزلت بقول ميدان التحرير فيه صورة مصر الجميلة

[زهراء دريم]

سوف انشر الرسالة

[اسد السنه]

المشاركة الأصلية كتبت بواسطة ورك النملة

اللي بيقول 8 مليون ده انا معرفش جابها منين
وبعدين لو حتى 10مليون يروحو فداهية عشان ال85مليون يعيشو
احنا مش هنضيع بلد عشان شوية عيال
ربنا يشيلهم كلهم ويريحنا من دي ناس
gl

بص ياورك النمله وده اسم حلو أوى ينم عن .....
غير الريموت من قنوات الكذب الحصرى فى التلفزيون المصرى وشوف القنوات العالميه كلها هتشوف الملايين فى ميدان التحرير واسكندريه والمتظاهرين فى كل انحاء مصر وكل واحد من المتظاهرين بيمثل عائلته يعنى اضرب الرقم ده فى 8
لكن يبدو انك فى الخدمه دلوقتى مش عارف تتحرك ومفروض عليك تشوف قنواتك
هو دى عقليتكم الشعب كله فى نظركم حشرات انتوا اللى موتوا الناس فى ميدان التحرير ومستعدين تموتوا كل الناس عشان تعيشوا هتقولوا لربنا ايه؟ محدش هينفعكم فى الاخره صدقنى

[spidermane23]

المشاركة الأصلية كتبت بواسطة sief39

الأستاذ الفاضل :
كلامك يفتقر لكثير من التقدير الذي يجب علي كل مصري أن يقدمه لهولاء الشباب فمنهم من قدم روحه و دمه ثمنا لما سوف تجنيه مصر بإذن الله فهم لم يريدوا تخريبا و لا تدميرا و لا فسادا و كلنا نعلم ذلك و لولا ما فعلوه ما كان منا أحد يستطيع مجرد النطق برأيه و إن كنت لا تصدق أو أنك عايش مثل كبار شخصيات الحزب الوطني في وادي و الشعب في وادي فهنيئا لك و لكن ما فعله الشباب هو حلم كل المصريين الشرفاء الذين لم يستفيدوا من الفساد في الماضي أنا لم أكن معهم و لكن لي شرف المشاركة و أكن لهم كل الاحترام و التقدير و لا أعرف منهم أحد معرفة عن قرب أو بعد تقريبا لا أعرف عنهم أكثر مما تعرف و أعاني أكثر منك بسبب ما حدث فروحي و حياتي و كل أملي في الحياة لم أستطع التواصل معها بسبب الأحداث و كل الأعضاء في هذا المنتدي تقريبا يعرف ذلك و اختلطت دموعي ما بين حزني علي وطني و بعد و فراق الروح و القلب و العقل و لكن أذكرك بأن مطالبهم هي أحلام لنا و لأولادنا وفقهم الله لتحقيقها
و بالنسبة لتوقف الحياة كما يزعم البعض سوف أطرح عليك سؤالا أو أكثر :
هل منعك منهم أحد أن تأكل أو تشرب ؟
هل منعك منهم أحد أن تنام ؟
هل منعك منهم أحد أن تؤدي صلاتك ؟
عزيزي أدعوا لهم فنحن شعب أصيل لا ينكر الفضل و ينسبه لأصحابه
فلهم منى علي الأقل كل تقدير و إحترام و كذلك من كل مصري حتى و إن لم يعي ذلك الآن فسيأتي يوم كلنا نشكر فيه شباب 25 يناير
رسالة من رجل مصري قدم لبلده العرق و الدماء و الجهد و العلم و لم يحصل منها حتى الآن علي ما يستحقه مثل كثير من المصريين
و مع ذلك فمصر العشيقة الأولى و الأخيرة

أولا شكرا لردك ايها الاستاذ المحترم
بس احب اوضح او ارد علي شوية نقاط من كلامك
اولا انا لم انكر دور هؤلاء الشباب و لكني اري ان الرسالة وصلت بما فيه الكفاية وتم تحقيق الكثير و ليس من المعقول ان نطلب كل شيء و نريد تحقيق كل المطالب في وقت واحد
ثانيا ليس شباب التحرير وحده هو الذي قام بمظاهرات والا فانك تكون قد تجاهلت كل من شارك في المظاهرات من جميع المحافظات فاغلبية مصر من شباب و كبار قاموا بتلك المظاهرات
لكن الكثير منهم رأي ان دوره قد تم
ثالثا رد علي اسئلتك

هل منعك منهم أحد أن تأكل أو تشرب ؟
كيف تأكل و تشرب و انت في حالة عدم استقرار
كيف تأكل وتشرب و انت شايف بلدك بتخرب يوم عن يوم و العدو الخارجي يريد التدخل في شئونا

هل منعك منهم أحد أن تنام ؟
طبعا منعت من النوم
ازاي انام و انا مش حاسس بالامان
ازاي انام و انا حساس بان في اي وقت ممكن يقتحمني اي مجرم
ازاي انام واسيب اهل بيتي و منطقتي حاسين بالخوف و الرعب
و ده بسبب عدم الاستقرار الموجود
هل منعك منهم أحد أن تؤدي صلاتك ؟
يمكن ديه الحاجة الوحيدة اللي مفيش انسان في الكون يقدر يمنعني عنها مهما كانت الظروف و الاحوال
فبعتبر ان ده مش سؤال

و أحب اني اسألك شوية اسئلة و اتمني ردك عليها

هل تري ان اعتصامهم حتي الان سيأتي بفائدة لصالح بلدنا ؟

هل تري رفضهم التام للاستجابة للحوار و المناقشة شيء جيد ؟

هل تري رفضهم لسماع رأي اي شخص حتي من الحكماء و رجال الدين و التعنت و التصميم علي رأيهم شيء سليم ؟

هل تري انه من الاولي بدل من اعتصامهم ان يقوموا جميعهم يد واحدة لاسترجاع مصر للافضل ؟

هل تري انه كان من الافضل عمل جمعة الاصلاح بدل من جمعة الرحيل ؟

هل تري ان رحيل الرئيس في ذلك الوقت سيحل شيء ؟

هل تري انه كان يجب بعد تحقيق اغلبية المطالب كان يجب فك الاعتصام رفقة بأغلبية الشعب الغلبان اللي حاله واقف و شغله معطل؟


في النهاية احب اكدلك ان جميعنا يحترم كل من قام بذلك التغيير
اللي هيغير مستقلبنا انشاء الله
و لكن يجب بعد تحقيق كل الانجازات التي تمت ان نجعل النظام الجديد يعمل و يرينا ما عنده و ان كل شخص فينا يقوم بالاصلاح
و اهم شيئ ان يعمل كل انسان بذمة وضمير من اجل هذا الوطن

[Dr. Hoda Ahmed]

جزاكم الله خيرا
وتم النشر

[نجلاء مشرى]

ولتكن منكم أمةوسط