هى فوضى ولاثورة يامن تتشدقون بحب مصر !!!!!

[بوب2050]

المشاركة الأصلية كتبت بواسطة مستر/ عصام الجاويش

يكفينا حريه التعبير عن الرأى بلا خوف
نحن كنا نشعر اننا مسجونين بجد لاننا كنا نخاف من ان نتكلم بصراحه وبدون مجامله خشيه ان نؤذى اما الان فنحن والله العظيم فى نعمه كبيره لايقدرها الا كبار السن امثالى ياجماعه الحريه دى اغلى شيئ فى الوجود

للاسف يا مستر دى حرية غير مسئولة الحرية تنتهى عند حقوق الاخرين وناس كتير من حقها تعيش فى استقرار
وبعدين حرية ايه دى
اللى تخلى البلطجية يفرضوا اتاوة على سائقى الميكوباص فى
اللى تخلى حرامية يسرقوا بهائم واحد فلاح وكمان يقتلوه
اللى تخلى شوية ناس يتخانقو يطلع واحد منهم يقول مافيش حكومة انا الحكومة ويدبح واحد امام كل الناس والكل خايف
اللى تخلى بلطجية يوقفوا اتوبيس مدرسة ويطلبوا من السواق فلوس
اللى تخلى طلبة اعدادى بنات يعملوا مظاهرة فى المدرسة الغاء الكتاب المدرسى تخفيف المناهج كمان مدرسة الثانوى بنين بجوارهم يساندوهم فيرحوا مدرسة البنات يسكروا باب المدرسة ويطلعوا على الادارة يكسروا ويخربوا فيها
الكلام ده حصل فى احدى قري مصر فما بالك بالمدن واعشوائيات
اذا كانت هى دى الحرية فنعم ومرحبا بالديكتاتورية

[ا/توفيق عزت]

[msh835]

المشاركة الأصلية كتبت بواسطة haderya

السلام عليكم ورحمة الله وبركاته
لمصلحة من إخفاء الحقيقة ؟
لمصلحة من أن يقال لنا كلما أوضحنا صورة وحقيقة ما نراه .. أن هذه هي الثورة المضادة
أقسم بالله أن الفوضى زادت زادت لدينا في الزقازيق
أقثسم بالله لم أعد أأمن على نفسي في الطرقات
حتى الطلبة بالمدارس
قسم يقول أنا مع مبارك بتهريج
ثم نجد من يقول أنه مع الثورة قد قام معهم بالواجب
بلطجة × بلطجة
وكل حجتنا أنهم من أمن الدولة وهم من يسلطونهم

يا من يحب مصر
ليست حرية الرأي لك هي الهدف الأسمى
ربما أنت تحسن استغلال الحرية وغيرك لا

البارحة ... ميكروباص وقف عرض الطريق وعطل حركة السير ونزل صاحبه يتعارك مع آخر

والله الذي لا إله إلا هو
من يومين الطبة يتقاذون الزبادي في الشارع ونالني من ذلك نصيب وغيري أيضاَ
ولا نقول إلا حسبنا الله ونعم الوكيل في كل من يشجع على الفوضى تحت شعار الحرية

اتقوا الله ..

أنا معك فى كل ما تقوله ياسيدى ولكن !
اليس كل ما قلته كان يقع فى عصر النظام السابق وأكثر فلدينا فلى الاسكندرية بجوار مسكنى وبجوار مديرية الأمن مباشرة كان يتم خطف شنط السيدات 4 أو 5 مرات يوميا ولا أحد يفعل شيئا فلابد أولا من القضاء على النظام السابق تماما لأنه لن يستسلم بسهولة فلابد أن تبقى الثورة يقظة وبلاش ياجماعة ننظر تحت أقدامنا ( مثل الناس حالها واقف . يعنى الناس كان حالها حلو قوى فى النظام السابق ؟) عيبنا إحنا كمصريين بننسى بسرعة

[سميرة محمد]

الحمد لله انا ممكن اكون صح فى ناس شيفة الى انا شيفاه
الثورة يا اساتذتى الى انا شيفاهاهى ثوره على كل ما يمكن ان يلتف حولة المصريين يعنى مفيش وزارة هتعجب او هاتستمر وبالتالى مفيش رئيس يجمع علية الناس اللهم الا من سوف يزينة لنا رجال الاعلام والمزيع فلان الفولانى الى يفتكر امجادة وازاى كان متضهد اكيد فى النظام السابق طبعاً
انا كنت عيشة فى ظل من اسميتموه بالنظام السابق انعم بالحرية والامان ما شفتش الى بتقولوا عليه اللهم الا مغالاة الاعلام ضد المدرس وبالتالى ردة فعل الوزارة علينا من تشدد (طبعا انا مدرسة ) لترضى جمهور اولياء الامور ومناصرى الحرية وحقوق الانسان واتكوينا من الاعلام كتير بس مش زى دلوقتى شوية تنادوا بالافراج عن المعتقلين وطبعا اى حد هيقول لية مسجون او معتقل لازم فى الوقت الحالى يبقى بطل لازم يخرج
الى بيقول ويمجد فى الثورة ظلمتونا معاكوا كفاية بقى رئيس يمشى على اربع اشهر
ووزارة تمشى بعد ما تغيرت كذا مرة بحجة ان الى اختارها الرئيس السابق والشرطة عمالين نهمشها ونكرة الناس فيها كمان ونرجع نقول دا النظام السابق، والجيش هيلاحق على اية ولا اية وحدودنا ازاى نحميها فكروا كفاية بقى انا الى بقول لجماعة كفاية ومن معها كفاية عاجبكوا حال البلد بدعوى الاصلاح انا عرفة طبعا انى فى ناس نيتها كويسة لكن لازم نحط احتمال لناس غير كدة بيخدموا افكار تانية بزعم انهم معاكوا على فكرة انا مواطنة مصرية متوسطة الحال ليس لى اى انتماءات حزبية لدى ابناء اتمنى ان يحييوا فى امان واستقرار على الاقل زى ماعشت انا وما تقلوليش انها فترة انتقالية وها تعدى عشان مش باين ده خالص فكروا للاسف فى الاسوء

[haderya]

المشاركة الأصلية كتبت بواسطة msh835

أنا معك فى كل ما تقوله ياسيدى ولكن !
اليس كل ما قلته كان يقع فى عصر النظام السابق وأكثر فلدينا فلى الاسكندرية بجوار مسكنى وبجوار مديرية الأمن مباشرة كان يتم خطف شنط السيدات 4 أو 5 مرات يوميا ولا أحد يفعل شيئا فلابد أولا من القضاء على النظام السابق تماما لأنه لن يستسلم بسهولة فلابد أن تبقى الثورة يقظة وبلاش ياجماعة ننظر تحت أقدامنا ( مثل الناس حالها واقف . يعنى الناس كان حالها حلو قوى فى النظام السابق ؟) عيبنا إحنا كمصريين بننسى بسرعة

بالنسبة لمدينتي
لا ... لم يكن يحدث ذلك
عيب المصري إنه بينسى .. ربما
ربما أنك نسيت قول رسول الله صلى الله عليه وسلم : (من أصبح منكم آمناً في سربه ، معافى في جسده ، عنده قوت يومه ، فكأنما حيزت له الدنيا بأسرها )

أخي الكريم
النظام السابق لن ينتهي تماماً ... أتعرف لماذا ؟
لأنه بداخلك وبداخل الكثيرين ... مديري المديريات هم من بقايا النظام السابق ... ومعظم الإداريين هناك أيضاً من النظام السابق
مديري الإدارات من بقايا النظام السابق .. وكذلك العاملين بالإدارات

حتى كثيرون من أصحاب العقود والذين تم تبيتهم ... حصلوا على العقود لأنهم يتبعون النظام السابق

النظام السابق لن ينتهي ... فهل ننتظر أن تعود الحياة الطبيعية بعد انتهاء النظام السابق

وعجبت من قولك أن

( مثل الناس حالها واقف . يعنى الناس كان حالها حلو قوى فى النظام السابق ؟)

للأسف .. حال الناس يعود للوراء وليس واقفاً

عموماً ... وفق الله بلدي لما فيه الخير
ورد كيد الكائدين في نحره وأعاذنا الله من شر الفتن ومن كل من أراد لها سوءاً

[امنيه المصرى]

اللهم انصرنا على من عادانا
وخلصنا من الذين يريدون افشال ثورتنا المباركه بثورتهم المضاده التى تحاول تخويف الناس وبث الرعب فيهم ونشر الاكاذيب ونقول لهؤلاء اتقوا الله
كفايه الحريه اللى احنا فيها الفوضى كانت فى العصر السابق الذى كان امين الشرطه فيه يتحكم فى اساتذه جامعه عصر الفساد والنفاق احمدك يارب انك خلصتنا من هذا النظام وادعوك ربى فى علاك ان تخلصنا من ازلام النظام البائد

[zero_m]

المشاركة الأصلية كتبت بواسطة طالب علم123

س : البلد في فوضى ليه؟
ج : عشان في بلطجية وحرامية و مفيش شرطة .
س : ليه مفيش شرطة ؟
ج : خايفين ينزلو .
س : هم مش المفروض يعملوا شغلهم حتى لو خايفين يعني لو الشرطة خايفة تنزل ( ده افتراض ) الشعب يعمل ايه؟ وباعدين هم مش رجعوا يخدمو الشعب ؟ هم بيخدموه في البيت ولا ايه؟

لما يحصل كلاش بين شخص وضابط شرطة لاى سبب ( حادث المعادى ) وانا ما كنتش موجود هناك علشان احكم على اللى حصل والناس تمسك الرجل اللى عرفوا بعد كده انه ضابط شرطه ويحاولوا يقتلوه وبعدين يولعوا فى عربية شرطة وبعدين يطلعوا على قسم يلاقوه والع يقوما يطلعوا على قسم تانى علشان يولعوه .
يبقى ايه الفرق بينهم وبين الشرطة اللى هم كانوا بيشتكوا من ظلمها ليهم ؟

ليس دفاعا عن احد ضد احد ولكننا فى فوضى احنا السبب فيها ورأيى ان الديمقراطية الحقة لا تنفع مع هذا الشعب الهمجى ولكننا هكذا نستحق ضرب الجزمة ونستاهل كل اللى كان بيجرى لينا .

يا ريت اصحاب العقول يظهروا
ياريت الناس اللى ليها مصالح يختفوا
ياريت كل واحد يفكر فى مصلحة البلد دى قبل مصلحته والا هننهار