المشاركة الإيجابية للمدرسات

[بدر البدور 1]

يا جماعه احنا معاكم بقلوبنا ودعواتنا ولكن احنا مدرسات قنا لازم تلتمسوا لنا العذر لان من سابع المستحيلات ان ازواجنا او ابائنا يرضولنا بالسفر للقاهرة وعلى فكره انا من المشاركات فى المظاهره اللى كانت اول الترم الثانى يعنى لو المظاهره الحاليه هتكون امام المنطقه فى قنا هكون اول المتظاهرين

[يارب عفوك]

المدرسة قد تحتاج التثيت اكتر من الرجل لرعاية الاولاد وغيره وتحتاج الاجازات للسفر ايضا
ولكن هى لازم تستأذن الزوج والى الان لم اجد زوج موافق على الذهاب للمشيخة زوجى وافق على الذهاب للمنطقة ولكن المشيخة no

[mano2010220]

انا يا جماعه والله بحاول انى اشارك باللى اقدر عليه بس فعلا فى نقط لازم نحطها فى اعتبارنا
1- بنت غير متزوجه الاب والام مش هيسمحوا نهائيا لو عملت ايه
2- سيده متزوجه ما ينفعش برده مش صوابعك زى بعضها مش هيقلها روحى والقلب داعيلك
3- احنا مش هنكون الا عبىء على الباقيين لان الشباب يقدروا يجروا او يتصرفوا مش هيستنى لما انا او غيرى نكون عبىء عليه
4- ما يرضيكوش طبعا ان اى بنت تتشد فى الاقسام
5- ممكن يستخدموا النقطه دى ضغط عليكم وما اعتقدش هتوافقوا ان اخت ليكم تكون فى القسم ان كنتم ما رضيتوهاش على الشباب


لذلك انا يا جماعه واحده من المدرسات و بعمل كل اللى فى وسعى عشان اساعدكم اولا
انا رحت لمحامى هنا بيشتغل فى التنظيم والاداره اصلا وقاللى بالحرف الواحد الموضوع مش فى ايد شيخ الازهر الموضوع فى ايد التنظيم والاداره ولازم تطالبوهم ان كان اللى بالحصه اتعينوا لازم تعتصموا عنده شيخ الازهر مش فى ايده شىء حاليا

ثانيا انا تاكدت اننا على الباب الاول اجور لان مكتوب فى عقودنا مكفاه شامله وده كان برده سؤال محير ازاى مكافاه شامله وازاى باب اول سالت المختصين ووصلت انه باب اول

البنات بقى تقدر تتابع تطلع عند المناطق فى نفس البلد تشارك باعتصام
انما فى القاهره اعتقد هيبقى صعب

رابعا فعلا اذا اردت ان تطاع فامر بم يستطاع والا ايه رايكم والله موقفنا ايجابى ولو مطلوب شىء تانى فى حدود الاستطاعه انا من اول الناس اللى اعتصمت عند منطقتنا بكفر الشيخ ومشاركه ع الجبهه وبقول لزمايلى ع البينات وبوزعها عليهم

يعنى احنا برده مش ساكتين بس فى حدود قدراتنا

[طارق الشعواطى]

ربنا يسترها

[yumna]

مافى وسعى هو اننى اتصلت بمن اعرفهم داخل محافظتى وخارجها
وربنا ينصرنا وناخذ حقنا