بخصوص اوائل الخريجين اللى اتعينو

[pierre1]

انا تعين اوائل خريجين وباخد 472 محافظة القليوبية حسبى الله ونعم الوكيل

[اسماء احمد عبدالسلام محمد]

والله حرام صفوت النحاس كان بيقول هناخد843 ده اول مرتب واحنا واخدين اول مرحلة الذاى ؟
ومرتباتنا احنا وصحابنا ماتعديش 500 والمفروض تاخد حوافز اداء زى المعلم المساعد
وكمان لااسف مفيش حد فى الادارة بتعتى عارف احنا على اى درجة ولا اى مرتب
حسبى الله ونعم الوكيل

[ebdaa]

انا في محافظة الدقهلية تعيين اوائل الخرجين ومرتبي 636

[فاطمة الزهراء 86]

يا جماعة استهدوا بالله انا زيكوا كده اتعينت اوائل الخرجيين وسألت عندنا في الادارة قالت ان الاكاديمية وافقت علينا نحن الخرجيين بان نجتاز الكادر وان الاسماء وصلت الاكاديمية خلاص وبعد مرور سنتين سوف نجتاز الكادر والكلام ده كان من مدير الاكاديمية نفسها فلا تقلقوا


بس المشكلة دلوقتي ان احنا ليه لسه بنتعامل معاملة الاداريين ليه ليه والمشكلة الاكبر ان الاداريين المفروض هيتخصم منهم 83 % مش عارفه ليه وخايفة احنا كمان نتعامل زيهم والله دي تبقى مصيبة احنا الاوائل نتهان كده ايه الظلم ده اللي احنا فيه

ياريت يا جماعة حد يقولنا حاجة ويدلنا عن موضوع خصم 83 %

[سها أحمد شوقي]

احب اعرفكم ايه الفرق بين اخصائى تدريس ثالث ومعلم مساعد اخصائى تدريس تعيين على درجة مالية ولازم يمر على تعيينه سنتين لدخول الكادر امتحان معلم ويعامل معاملة المدرس قبل نظام الكادر اما المعلم المساعد تعاقد بدون درجة مالية وليس له الحق فى ضم مدة التعاقد ولابد من اجتياز اختبار الكادر للحصول على شهادة الصلاحية

[فاطمة الزهراء 86]

يعني احنا دلوقتي بتعامل معاملة المدرس طيب انتي واثقة من الكلام ده ومنين المصدر ارجو الافادة وجزاكم الله خيرا

[سها أحمد شوقي]

فى الترقيات الجديدة اللى ممتحنش الكادر من المدرسين القدامى واخد الدرجة التانية اصبح اخصائى تدريس تانى واللى كان مسافر واخد الدرجة الاولى اصبح اخصائى تدريس اول بس لازم اخصائى التدريس لازم يقضى سنتين على تعيينه لدخوله امتحان الكادر وطبعا امتحانه مش زى امتحان المعلم المساعد المعلم المساعد ده له حاجات تانية لكى يدخل الامتحان اما الاوائل يعامل معاملة المدرسين القداامى

[هانى جادو]

مبروك لكل اوائل الخرجين نزل منشور النهارده فى مدارس الغربيه انهم هيتم امتحانهم للكادر فى 22/1/2013 وعليهم التقدم بالرقم الكودى والمؤهل الدراسى

[سها أحمد شوقي]

ازاى ينزل المنشور ولم ينزل على موقع الاكاديمية ؟

[aly2071]

الصفحة دي خاصة بكل ما له علاقة بأوائل الخريجين المعينين بالتربية والتعليم .

/https://www.facebook.com/groups/342195239137979/

[الخاشعه]

أنا من أوائل الخريجين مثلكم وأشكوا مما تشكون منه فلا أحصل على حافز الاداء الذي يحصل عليه أي معلم مساعد مع توافرشروطه كلها علي ولا بد لنا ان نوحد أصواتنا وتطالب بحقوقنا لنتساوي بمن هم مثلنا هل لأننا أوائل خريجين بدلا من تمييزنا بزيادة مادية ومعنوية نأخذ مرتب أقل من مرتب أقل عامل بالمدرسة هل هذا عقاب أم ماذا بجد ابتسم فأنت مصر كل شيء فيها بالعكس فالعلماء فيها لا يجدون قوت يومهم والجاهلين والسفهاء يظهرون على شاشة التلفاز ويحظون بحب واحترام الناس لا حول ولا قوة إلا بالله

[Elwakeb]

من فضلك يا استاذه حضرتك تتبعى لإدارة .............؟

[سلمى العزبى]

السلام عليكم ورحمة الله وبركاته
انا من اوائل الخرجين 2007 وتم تعيينى اخصائى تدريس ثالث بالدرجة الثالثة فهل لى كادر ام لا وهل ليا ان اخذ دبلوم تربوى؟

[أ/ماهر]

المشاركة الأصلية كتبت بواسطة سلمى العزبى

السلام عليكم ورحمة الله وبركاته
انا من اوائل الخرجين 2007 وتم تعيينى اخصائى تدريس ثالث بالدرجة الثالثة فهل لى كادر ام لا وهل ليا ان اخذ دبلوم تربوى؟

لكى كادر بعد اجتياز التدريب التابع للأكاديمية

لو انتى خريجة تربية ممكن تاخذى دبلوم مهنى فى التربية و لو خريجة كلية غير تربوية يجب أن تأخذى دبلوم عام فى التربية للتعيين على درجة معلم