مهازل فى كنترول الثانوية العامة

[أ/ سعيد موسى]

بينما اتصفح جريدة المساء وجدت خبرا عجيبا قلت اشرككم معى وقلت اكتب الخبر
واقوم بتحليله لنعرف الفرق العظيم والشاسع والمهول الذى يجعل التربية والتعليم
تسير الى الامام ويصبح التعليم بها نموذجا يحتذى به مثلما كتب احد الاعضاء
يمتدح التربية والتعليم الاوروبى العالمى
اولا وخد بالك انا اتحدث عن كنترول الثانوية العامه وكلنا نعرف ماهى الثانوية العامه
بص ياسيدى قيام احد مقدرى الدرجات بيتناول الطعام على ورقة الاجابه وووووواووووو
عموما المفروض نعذر الرجل احتمال عدم وجود مناديل ورقية معه
واحتمال الاكل وقع غصب عنه
واحد سمعه بيقول ياعم سعيد شوف الازهرية بيعملوا كده واكتر بلاش تحبكها وحياه ابوك
ارد عليه واقوله معاك حق نسيبنا من دى وبلاش احبكها
ثانيا زميل من قام بمسح يده فى ورقة الامتحان وقع على الورقة شاى
ياخبر ابيض شاى هو لازم يحبسها كمان
سامع اللى بيقولى انت محبكها دى زى دى ياعم سعيد هو انت بتدور على اى غلطه وخلاص
المهم الجوهر ودعك من الامور الجانبية وخليك فى التصحيح هو ده المهم
ارد عليه واقوله انت كسفتنى تصدقك معاك حق
ثالثا حاضر ياسيدى نخش على الجوهر ثالث اهمل فى تدوين ست درجات كاملة
ياخبر بنفسجى ست درجات تودى طالب كليه الطب او تنزله كليه ........
سامع من يقول ياعم سعيد الازهر بيحصل فيه من ده كتيييير
اقوله فعلا اكون كاذبا لو قلت ان هذا لايحدث فى الازهر فعلا بيحدث
المهم ان احنا فى الهم سواسية ولاتعايرنى ولا اعايرك الهم طايلنى وطايلك
رد قاللى خلص فيه حاجات تانية ولا خلاص لحد تلوقتى احنا الاتنين سواسية
اقوله اسمع هذه مشرفة تقدير الدرجات تقوم بادارة العمل من منزلها
ياخبر مالوش لون يعنى اتصل بها اقولها الطالب كتب السؤال كدا اديلوا كام
ولا اخد الورقة لبيتها ولا ولا ..............
فى النهايه لو كان هذا الخبر نزل عن الازهر كنت وجدته على الاقل مكتوب ثلاثه او اربع مرات
وهاتك ياتقطيع وشماته فى الازهر الذى نعمل فيه جميعا بغض النظر عن السلبيات
الموجودة فيه اننى اعترف واقر ان الازهر به سلبيات ولكن علينا ان نحاول ونحاول
محاربة هذا السلبيات بالعمل والاخلاص والجهد ونترك الباقى على الله سبحانه وتعالى
ومعذرة على الاطاله