|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#16
10-05-2006, 12:37 PM
|
||||
|
||||
حلوة الفكرة.............
انا عندى مواقف كتيرة............... و عندى موقف زى بتاع مكتبة الاسكندرية ده نفس الموقف تمام حصل لى بس الكلام ده من سنين كان عندى 12 سنة و كنت فى رحلة عدونى مع الى عندهم 4و5 سنين حاجة تكسف هبقى احكى لكم على مواقفى بعدين see u |
|
#17
10-05-2006, 12:54 PM
|
||||
|
||||
اسمعوا بقة.......................
مرة واحدة صحبتى طلبتنى فى التليفون .........حاجة عادية..اوك انتم عارفين فى ناس لما بتيجى ترد على التليفون صوتها بيتغير..مثلا كان عصبى ورد بلطف...حاجة زى كده.............................. المهم................. احمد اخويا الصغير رد عليها فكان صوته تقريبا صوتى فصحبتى فكرته أنا... كلمته على انه انا و كانت هتفضفض له فقام قايل لها انا احمد مش هبة فقالت له و عامل فيا مقلب و مخلينى اكلمك؟!!  طب هات هبة...قال لها ثوانى و عمل نفسه قال ايه بيندهنى...و راح كلمها تانى و فهمها برده انه هبة يعنى انا البنية الغلبانة صدقته و كلمته تانى على انه انا بعدين قال لها تانى بعدها بشوية انه احمد مش هبة هى زعلت اوى و قالت له هات هبةراح حمادة و نادى عليا رحت اكلمها و انا قلت لكم ان احمد كان صوته زى صوتى......... رديت و قلت: ايوة يا هايدى ..ازيك؟ ردت هى فى عصبية و قالت: بس يا رخم انته هات اختك.. اصلها فكرتنى هو بسبب الحركة بتاعته اكلمها افهمها ان انا هبة مصدقتش و فهمت انى احمد برده و بعمل فيها مقلب.......هزقتنى و شتمتنى و فى الاخر...........  قفلت السكة فى وشى....  ..............كانت مفكرانى احمد................................  |
|
#18
10-05-2006, 06:30 PM
|
||||
|
||||
|
.........................
|
|
#20
16-05-2006, 06:28 PM
|
||||
|
||||
|
احكى لكم حوار غريب اوى سمعته لما كنت فى سنة تالتة اعدادى.......
انا كنت فى مدرسة تجريبى مشتركة.. . كنت قاعدة فى الخامس.......... .....و كان فى الديسك الى ورانا قاعد تلات صبيان عشان مكنش فى الفصل اماكن تانى و خصوصا ان كان عندنا خلل بين اعداد الصبيان و البنات.. المهم. .....هما بعيد عنكم اشقياء و مشاغبين شغب دمه خفيف.. احنا كنا بنبقى قاعدين انا و صحبتى مش سامعين المدرسين ساعات خصوصا لو مملين.... المهم انا و صحبتى سمعناهم مرة بيتكلموا بهزار فى حاجة غريبة اوى.... انا هنقلكم الحوار...و افراد الحوار هما (محمود1-محمود2-كريم) كريم: هو احنا يالا لو حولنا صنايع هنلبس لبس المدرسة لونه ايه؟؟؟!!! محمود 2: تقريبا بنى... كريم: واااو.. يا سلام ده لون حلو اوى.. محمود1: لبس بنى مدرسى حلو!!!!  بالذمة ..محمود2: و يمكن نلبس كحلى.. كريم: يااااااع.....مبحبوش محمود1: يا روش ....لا روش ياااد..  يا جماعة هو الحوار عادى خالص..........بس عمركم شفتم افشل من كدة....  طلبة تجريبى و لغات و عاوزين يحولوا صنايع.. <_< .. هو كان مجرد حوار هما دلوقت برده فى ثانوى تجريبى
|
|
#21
16-05-2006, 08:16 PM
|
||||
|
||||
|
انا بقى كنت مرة انا وولاد عماتى فى اسكندرية بنصيف وطبعا معانا اهلنا فنزلنا باليل نتمشى فدخلنا الشط واعدنا على الكراسى فالخادم قالنا لازم تشربوا حاجة او تمشوا احنا كنا ساعتها 4 فجينا نسأل على ثمنها لقينا الكوباية ب5 جنية وهى اصلا صغيرة فبعد لما شربنا العصير حطينا رمل فى الكوبايات وحفرنا حفرة ودفنا الكوبايات فيها وجرينا وكمان احنا عملنا كدة علشان الخادم كان بيرخم علينا وكمان علشان الكوباية الصغيرة اوى ب5 جنية.
__________________
 أجمل هندســة فى الحياة..أن تبنى جسرا من الأمل فوق بحيرة من اليأس..
|
|
#22
17-05-2006, 12:37 AM
|
||||
|
||||
|
موضوع جميل و هأقولكم تجربة ليه بجد صعب إنها تتنسي و مش عارف إذا كانت ظريفة ولا لأ إنتوا اللي تحكموا بقى
كنت بتكلم عن البيروقراطية و أضرارها و حاجات كتير مع كل الناس و في أي وقت ما عرفتيش معناها بجد غير من الموقف ده كنت قدمت بحث في أولى ثانوي عن الطاقة النووية في مدرستي و الحمد لله خد المركز الثاني على المدرسة متفوقاً على كثيرين منهم بالطبع من هم أكبر مني سناً وخبرة مش تكبر و الله لكن بوصفلكم بس اللي حصل أنا بس هاتكبر على إيه أصلاً المهم و مدير إدارة المدرسة قليل جداً لما حد يجرؤ من الطلاب إنه يقرب من مكتبه (أصل مدرستنا كبيرة وهوه عامل لنفسه هيبة على الفاضي) المهم قام بتكريم الخمسة الأوائل جت في أول السنة دي (ثانية ثانوي) طقت في دماغي أجيب البحث بتاعي ليه و ليه قعدت أطلع حجج فارغى و قدرت أقنع نفسي إني لازم أروح أجيب البحث بتاعي عشان ينضم لدفتر الذكريات اللي بجمعه من ابتدائي أول حاجة طبعأً أروح فين فين فين المدرسة شاطرين المهم قالولي الأبحاث الفايزة مش بتفضل عندنا بتروح مكتب إشراف التربية الاجتماعية بالإدارة قلت وماله لازم برضه الواحد يتعب عشان يسترد حقه ههههههههههههه رحت (في نفس اليوم كل الكلام ده) مكتب الإشراف على التربية الاجتماعية قالوللي لأ هوه [[[جايز]]] ما يكونشي عندنا إنت تروح اتحاد الطلاب برضه ما حبتشي أقول لأقلت طيب و حاضر و عينيه وكل الحاجات الحلوة ديه و رحت اتحاد الطلاب بتاع الجمهورية ده أيوة اللي في آخر شارع جامعة الدول العربية على إيدك ال............... مش مهم بقى المهم رحت هناك و بصراحة الراجل المدير كان مبسوط بيه أوي و لاحظت حاجة غريبة لما جابللي أسامي الفايزين الجمهورية التاني على الجمهورية كان من مدرستي و طالع التالت و أنا كنت التني لو فاكر يا للي بتقرا و ما زهقتيش لسه قعدنا نتناقش كده يجي نص ساعة عن وضع البلاد المحتلة في طازاكاخستان [إيه الاسم ده يلله مش مهم] قصدي يعني إزاي هوه يفوز و أنا مش أفوز مش مهم عشان محدش يسأل البحث بتاعه موضوعه كان نفس موضوعي تمام و أنا كنت سابقه بمرتبة على المدرسة يروح يسبقني هوه على الجمهورية مش مهم المهم الباشا الطيب ابن الأمرا قاللي البحث ده ما تلقيهووش عندنا كنت هاتجننو بهدوء بالغ أمال أقدر ألاقيه فين حضرتك قاللي يا إما تستنى آخر السنة في الجرد و ترجع لإدارة الشئون الاجتماعية في إدارتك يا إما تروح على مجمع التحرير قلت أنا لسه هاستنى أنا لازم أروح دلوقتي روحت مجمع التحرير طبعاً وده لأنه مجمع و حكومي فالأسانسير كان بالدور المهم طلعت الدور التمن حاجة زي كده وده يبعتني لده لغاية لما الساعة جت تلاتة قالوللي إن ده وقت المرواح بتاع الموظفين فوت علينا بكرة إيه ده بكرة الجمعة خلاص تعالى يوم الحد عشان السبت بقى أجازة خلاص والله مش باضحك عليكم كنت خارج من المجمع عايز أروح أقتل كل اللي ........................... يلله الله يجازي اللي كان السبب على فكرة البحث لسه ما ختوش لغاية دلوقتي برضه إهئ إهئ إهئ إهئ إهئ إهئ كان المفروض أقول موقف يضحك صح معلش بقى المرة الجاية
__________________
May God Bless all of you Wishing you a spiritual Ramdan Salah El-Din ReceptiveGuy
|
|
#23
17-05-2006, 01:50 PM
|
||||
|
||||
|
.....................
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 02:35 AM.
