هل ترضى ان يصارحك احد بعيوبك؟

[marmora alamora]

[quote=ايه سيد;3716721]اولا الموضوع جمييييييييييييييييييل جدا
انا مش هزعل لو حد صارحنى بل بالعكسر دانا هفرح لانى هعرف ايه العيب اللى فيا وهصلحه على قد ماقدر ..بس المشكله ازاى الطريقه اللى بيتقالك فيها ..والمناسبه دى تفرق كتيييييييييييييييييير
اتمنى ماكونش ازعجتك[/quo

شكرا لمرورك الجميل يا أيه منوره الموضوع

[marmora alamora]

المشاركة الأصلية كتبت بواسطة جهاد2000

[size="3"]قال الإمام الشافعي رحمه الله
تعمدني بنصحك بإنفرادٍ................ وجنّبْني النصيحة في الجماعه
فإن النصح بين الناس نوع .............من التوبيخ لا أرضى استماعه
فإن خالفتني وعصيت أمري................ فلا تغضب إذا لم تعط طاعه
انصحني ...... ولا تفضحني

هنـــاك حكمـــة تقـــول :
)()( رحم الله امرء أهدى إلي عيوبي )()(
هنالك مهارات وأساليب يجب أن يلم بها من يتصدي لنصح الأخرين
وإرشادهم وذلك
بغية الوصول للهدف المنشود

* أولهـــــــــــــــا *
النصيــحــــــــة بالســــر :
فالإنسان بطبعه يكره التشهير ويعتبر النصيحة أمام الناس فضيحة
لهذا يحاول الدفاع عن نفسه ، ولقد حث الشرع علي النصيحة بالسر '
المؤمن يستر والفاجر يهتك
' لأن الهدف من النصيحة أن يقلع الشخص عن الخطاء ،
وليس الغرض إشاعة عيوبه أمام الأخرين ..

ثــانيهــــــــــا

** إستـــخـدام أسلــوب الحــكمــة :
' الشدة من غير *** واللين من غير ضعف '
.
ثــالثــهــــا
*** إنتقــــــاء الإســــــلوب :
الإسلوب الأمثل في العرض ومحاولة الترغيب والترهيب والثناء الشرعي
بما فيه ،ومحاولة ضرب الأمثلة الماضية والحاضرة .

رابعــــــــــها
**** التلميح دون تصريح :
أحياناً يكون التلميح بالنصيحة أفضل من التصريح ،
أي محاولة النصح بطريقة غير مباشرة
كما يفضل البعد عن النقد المباشر وأسلوب الأمر ،
فهذا أدعي للقبول .

خامســــــــــــها
***** الكــــلمة الطيبـــــة :
للكلمة الطيبة والإبتسامة سر لقبول النصيحة ،
فكلمة لينة رقيقة وإبتسامة ساحرة هي خير .

وفي النهاية لا يسعني الا أن أردد خلف الشاعر قوله ..

اذا كنت في كل الأمور معاتبا صديقك ... فلن تلق الذي لا تعاتبه

فعش وحيدا .. أو صل أخاك فانه ... مقارف ذنبا مرتاَ ومجانبه

منقول للإفادة

شكرا على الافاده دى كلام جميل اوى بجد
منوره الموضوع يا جهاد

[marmora alamora]

المشاركة الأصلية كتبت بواسطة الأستاذة نغم محمد

فَعَيْنُ الرِّضا عن كُلِّ عَيْبٍ كَلِيلَةٌ ** ولكنَّ عَيْنَ السُّخْطِ تُبْدِي المَساوِيا

تحياتي

اسعدنى جدا مرور حضرتك يا أستاذه نغم

الموضوع منور بوجودك

[مروه]

المشاركة الأصلية كتبت بواسطة marmora alamora

""

هل تعرف عيوبك بشكل واضح وجلي ؟ وأيهما أكثر وضوحا بالنسبة لك . عيوبك أو صفاتك الحسنة؟

أيهما أكثر وضوحا عيوبى أم صفاتى الحسنه مش أنا اللى أقدر أحدد ده

المفروض الناس اللى قريبه منى أو اللى بتعامل معاهم هما اللى يحددوا ده

لإن محدش بيشوف نفسه وحش ....... معظمنا بيبقى فاكر نفسه ملاك ومحدش فى الدنيا زيه

المشاركة الأصلية كتبت بواسطة marmora alamora

"


هل ترضى أن يصارحك احد بعيوبك ؟

مش دايما .... يعنى مش أى شخص ممكن أتقبل منه ده

بس أكيد لو أى حد صارحنى بعيب و سواء تقبلت أو لأ ..... لازم هفكر فيه وأحاول أغيره

وأحيانا بيكون غيرى شايف فيا عيب بس هو مش عيب

يعنى لو واحد مش اجتماعى شوية ومش مختلط بالناس اوى ممكن ناس تعتبره تكبر .......وهكذا


حلو اوى التوبيك يا مرمورة تسلم ايدك

[marmora alamora]

المشاركة الأصلية كتبت بواسطة مروه

أيهما أكثر وضوحا عيوبى أم صفاتى الحسنه مش أنا اللى أقدر أحدد ده

المفروض الناس اللى قريبه منى أو اللى بتعامل معاهم هما اللى يحددوا ده

لإن محدش بيشوف نفسه وحش ....... معظمنا بيبقى فاكر نفسه ملاك ومحدش فى الدنيا زيه





مش دايما .... يعنى مش أى شخص ممكن أتقبل منه ده

بس أكيد لو أى حد صارحنى بعيب و سواء تقبلت أو لأ ..... لازم هفكر فيه وأحاول أغيره

وأحيانا بيكون غيرى شايف فيا عيب بس هو مش عيب

يعنى لو واحد مش اجتماعى شوية ومش مختلط بالناس اوى ممكن ناس تعتبره تكبر .......وهكذا


حلو اوى التوبيك يا مرمورة تسلم ايدك

شكرا على مشاركتك الجميله دى يا مروه منوره يا قمر

[basma 2010]

اكيد لما يبقى صحبى

مش انه ينتقضنى وخلاص

[هبه محمود25]

انا عندى عيب هو الطيبه الزياده عن اللزوم وماخدتش منها حاجه وفى ناس كتير قلتلى عليه ونصحتنى كتير ومش بزعل وبرده لو فيا صفات وحشه اوى وحد صارحنى بيها مش هزعل بالعكس هتقبلها بهدوء شديد

[مرموور]

والله احنا فى زمن طيبه القلب فيه بتتعيب
يمكن ده عيبى واكيد فى عيوب تانيه كتير
انما بقا ان واحده صحبتى تصارحنى بعيوبى
ساعتها مش هضايق
بس طبعا يكون بأسلوب كويس
مش هتكرهنى فى العيشه واللى عايشنها
يعنى الطريقه بردو هتخليك يا تسمع يا تقوم تضرب اللى بيصارحك
فى موقف كده مره كنت بمتحنIcdl
وقعده فى آمان الله مستنيه الامتحان يبدأ
لقيت اللى قعده جنبى ولا اعرفها ولا تعرفنى بتقولى وهيه متنرفزه جدا
على فكره ضحكتك حلوه اوى احمدى ربنا عليها
طريقتها حسستنى انها بتقولى عيب فيا مش ميزه
يعنى لو واحده معرفهاش وصارحتنى بعيبى
ساعتها هضايق
معلش طولت عليكى
شكرا ياقمر على الموضوع الرائع

[محمد السيد الديب]

طبعا أرضى أن يصارحني أي أحد بعيوبي لكي أصلحها ولكن بطريقة لا تعصبني
وكما قال الفاروق عمر بن الخطاب ( رحم الله امرئ أهدي إلى عيوبي )
حيث إن كل إنسان ناقص فالكمال لله وحده
وكل امرئ خطاء

[جمــ الروح ـال]

لا طبعا عمرى ما ازعل بالعكس بفرح جدا لما حد يصارحنى بعيوبى او خطأى

انا فعلا عارفه عيوبى كويس جدا وبحاول اصلحها
يمكن برده طيبتى وحسايتى الزياده مشكله كبيره عندى بس الحمد لله على كل شىء
شكرا على الموضوع

[راجى طاعة الرحمن]

أنا صراحة مقدرش أواجه حد بعيوبه لأنى بخاف ليزعل منى أو ياخد منى موقف ويقول عليا عامل زى مايكون أبويا

طبعاً نفسى أعرف عيوبى كلها يمكن أعرف قليل منها بس لازم أعرف الكل وأحب اللى ينصحنى يكون حد من جوة البيت بابا مثلاً أو ماما أو إخواتى ولما ينصحونى ينصحونى بهدوء لأنى عصبى ولما حد بيقول لى كلمة تضايقنى بأقفل منه ومش بأطيق أسمع له كلمة

شكراً على الموضوع

[الأستاذة / أم أمل]

lلموضوع جميل

اما المصارحة بالعيوب فلا مانع لدي بشرط مش امام الناس

[Dr. Hoda Ahmed]

أكيد ان مصارحة العيوب بتبقى مجرحة احيانا


بس مش كل من يوجه لينا نقد او يبين لنا عيوب نصدقها

لا اقبل المصارحه الا ممن اثق بهم واحبهم