|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#31
24-10-2009, 05:14 PM
|
||||
|
||||
السلام عليكم
ايه يا اعدادى صيدلة القلق ده كله؟! الموضوع كده بس في الأول نظام مختلف تماما عن المدرسة والدروس هنا لازم تعتمد على ربنا طبعا ثم على مجهودك الشخصي وارفضوا ان اي حد ييأسكم أو يخوفكم انتوا ناس دخلت كلية قمة بمجموع كبير يعنى اكيد قدراتها عالية ماشاء الله استعينوا بالله وخلوا قدامكم هدف وتحدي عشان توصلوا له يمكن الترم الاول في اعدادى اصعب ترم حياة جديدة طول النهار في الكلية ومحاضرات مطلوب منك تفهمها وتكتب وكمان بالانجليزي وفوق ده كله التحليلية :او الغير عضوية يعنى" دي لوحدها كفايه معلش شويه وهتتأقلموا حاولوا تبذلوا قصارى جهدكم على فكرة أول ترم في اعدادى كان أسوأ ترم في تقديرى يعنى الترم الاول ده مش مقياس ابدا لمستواك وبنفس المجهود في السنين الي بعده هتجيب اعلى بكتير باذن الله انا دلوقت في تالتة وبحب الكلية رغم الى بشوفه منها تانى... استعينوا بالله وربنا مش هيخيب تعب حد أبدا وان شاء الله حالة التوهان دي مش هتطول اذا كان احنا دلوقت واحنا في تالتة لازم بداية كل سنه نمر بحالة توهان اجازة طويلة وخمول وبعدين فجأة محاضرات وسكاشن وشيتات وكل دكتور له اسلوبه في الشرح ونظامه في الاسئلة فطبيعى انك تاخد فترة على ما تتأقلم مابالك بأه لو لسه داخل الكليه جديد طبيعى جدا انك ماتفهمش فى الأول صيدلة حلوة اعدادى أصعب سنه وموادها غلسه حبتين مجهود شوية يا دكاترة وان شاء الله الوضع هيتحسن مع الأيام ولو عايزين حاجة سجلوا على منتدى الكلية هتلاقوا كل الفرق هناك ودكاترة ومعيدين كمان ربنا يوفقكم ومباااارك عليكم دخول صيدلة |
|
#32
24-10-2009, 08:36 PM
|
||||
|
||||
|
بصراحة أنا معدتش طايقة الكلية دي اساسا
السكاشن كل خمس دقايق يغيروا موعدها ولما نتأخر وله يفتنا سكشن بسبب اللخبطة بتاعتهم دي يطلعونا أننا مهملين ومش مهتمين حتى أننا نعرف مواعد سكشنا  وبعدين اللي يغير الجدول يحط الورقة بتاعة المواعيد الجديدة جنب المعامل ليه إن شاء الله ؟ ده على أساس أننا رايحين جاين من هناك وله أننا بنحب نتمشى في علوم؟ مش عارفة هو عمل جدول حاجة عويصة أوي كده لدرجة أننا دخلنا في الاسبوع الرابع ولسه مش عارفين يظبطوا الجدول؟ وحتى المحاضرات أسوأ المدرج بيبقى زحمة جدا جدا وناس واقفة وناس قاعدة على الأرض والجو خنقأة تحس أنك قاعد في فرن (لدرجة أنه حصل حالات إغماء) ومش عارفة ايه الدفعة الدحيحة دي اللي فيها ناس بتحضر المحاضرة 3مرات في التلت مجموعات  ويزنقوا المكان وخلاص ده غير أن كل واحد بيحضر في المجموعة اللي على مزاجه يعني اللي قام من النوم حس أنه مش عايز ينزل الكلية انهارده يقوم يقول لنفسه ابقى أحضر المحاضرات مع أي مجموعة تانية وخلاص وله اللي عايز يحضر مع اصحابه في المجموعة يروح يحضر في مجموعته مرة ويرجع تاني يحضر في مجموعة أصحابه وتلقيه بيتخآنق علشان يقعد في الأول كمان  وغير كده حتى لو كل واحد التزم بمجموعته حيبقى المدرج زحمة برضه لان كل مجموعة 400طالب وكل بنش بياخد حوالي 20 طالب يعني محتاجين 20 بنش وعدد البنشات اساسا حوالي 14 بينش وفوق ده كله مش راضيين يفتحوا التكييفات ليه بقى أصل دي أوامر العميد علشان يحمينا من انفلونزا الخنازير كأن التكييفات حتنقل انفلونزا الخنازير بس لما نبقى قاعدين (أو بمعنى أصح واقفين) فوق بعض ده مش حينقل انفلونزا الخنازير؟ (شكلهم مركبين التكييفات علشان يتصوروا جنبها على رأي دكتور الفيزياء) وأنا اصلا عندي حساسية فبتخنق بسرعة وبدوخ  و أحيانا كمان دماغي تصدع فمبقدرش أركز في أي محاضرة وعادت المحاضرا دي زي قلتها لأ قلتها أحسن كمان وقعدت أمنى نفسي أن الدروس حتبدأ والعدد حيقل والدروس بدأ بس العدد زاد  لأن كان في ناس ما حضرتش أول اسبوعين كانوا فاكرين أنهم مش مهمين وبدأوا يحضروا دلوقتي  والمعاناة الكبرى لما تحاول تخرج من المدرج مجرد ما المحاضرة تخلص تلاقي جحافل المجموعة اللي بعدنا بتهجم على المدرج علشان يلحقوا مكان قدام ويقعدوا يزقوا في بعض ونبقى لا احنا عارفين نخرج وله همه عارفين يدخلوا لدرجة أني جاتلي شوية أفكار مجنونة من نوعية أني طالما في الأغلب مش حشتغل يبقى ما الواحد يحول طب اسنان عددهم قليل ومش متشحططين كل شويه في كلية اهم بياخدوا اول سنة كلها في علوم مش سكاشن هنا ومحضرات هناك وكفاية أوي أن عندهم جدول!!!!!!!!!! أنا مخنوقة جدا ومش عارفة اذكر حاجة ومش فاهمة حاجة برضه وكل مسأل حد يقعد يقولي طبيعي طبيعي واصل الجامعة مختلفة عن الثانوي والكلمتين دول اللي لا بيودوا ولا بيجيبوا ماشي طبيعي بس الطبيعي ده نعمل فيه اه وله منعملش حاجة علشان هوه طبيعي ولما نشيل مادة وله نعيد السنة - لا قدر الله -يبقى ده تبع الطبيعي برضه الجامعة مختلفة طيب يعني نعمل فيها ايه نذاكر الزاي محدش بيقول بيتهيألي محدش يعرف أصلا ده غير اللي بيقولوا أحنا كنا زيكوا كده ونجحنا ومنعرفش نجحنا الزاي يعني من الآخر ناجحين بالحظ طب لو واحد حظه وحش يروح ينتحر بقى ده غير اني ورايا بكرة محاضرة ........لغة  الدكتور بتاع اللغة ده عايز يموتنا من الشلل محسسني أنه قاعد في فصل حضانة مش في جامعة لما يقولنا اعملوا الروتس في الصفحة بتعاتهم وبعد ما نعملها و نروح المحاضرة يقول تجيبوهالي المحاضرة الجاية منقولة في الشيت مع البريفكس والسفكس ما كان يقول من الأول أعملوها في الشيت كان أيه لازمة اللفة دي ممكن حد يقولي لو محضرتش بتاعة اللغة دي خالص حيعمل ايه ؟ اصلي ما عدتش ضامنة اني حقدر امسك نفسي أكتر من كده ومش عارفة ممكن أعمل فيه أيه وبعدين أيه لزمة المادة كلها أنا مش شيفلها أي لزمة الصراحة اقتباس:
__________________
عندي دور برد جامد ربنا يستر وما تكونش انفلونزا خنازير
|
|
#33
03-11-2009, 09:40 PM
|
||||
|
||||
|
اقتباس:
يا دكتوره انتى بتحضرى المحاضرات ليه اصلا؟؟؟؟؟ اكيد يعنى مش كل الدكاتره شرحهم جميل وبتفهمى منهم اللى بتفهمى منه احضريله محاضرته والباقيين كبرى منهم الورق بينزل بره فيه المحاضره بالنص وفرى وقتك ومجهودك و(اعصابك) واحضرى المحاضرات المهمه بس بالنسبه للغه على ايامنا (السنه اللى فاتت) مش فاكر غير انى حضرت محاضره واحده بس والشيت كنت بعمله واخلى اى حد يسلمهولى وخلاص مش عارف بتحضرو ليه السنادى |
|
#34
07-11-2009, 11:13 PM
|
||||
|
||||
|
اقتباس:
وبعدين بيديلنا حاجات كتيرة ورخمة في الشيتات غير اني معرفش حد في المجموعة بتاعتي ممكن يسلملي الشيت انا لو عليا مش عايزة احضر وله اعمل شيت من اصله وبعدين مش عارفة اذاكر حاجة (وما تقوليش عادي)لانهم بيقولوا الامتحانات حتبقى في اول 12 وانا معرفش حاجة في اي مادة ومفيش وله صافحة واحدة حتى اققدر اقول اني مذكرها خاصة الكيمياء مش فاهمة فيها حاجة ومع ذلك البيت عندي شايف ان الكلية سهلة جدا ومش شايفين اي سبب للشكوى هوه انتي يبتاخدي حاجة اصلا علشان تشتكي ؟وشيفين بناء على ده انه مافيش داعي للكورسات
__________________
عندي دور برد جامد ربنا يستر وما تكونش انفلونزا خنازير
|
|
#35
09-11-2009, 09:24 PM
|
||||
|
||||
|
الامتحانات ف معادها
|
|
#36
07-11-2010, 11:45 PM
|
||||
|
||||
|
ههههههه واضح ان الكل كان تايه ومش فاهم ايتها حاجه في البدايه زي كده تمام و كله بيسأل ازاي اذاكر و منين اجيب ورق والليله دي و كمان الكل بيتكلم عن المحاضرات و مخصوصا اللغه
انا عن نفسي الحمد لله مبقتش تايه بشتري الورق من الفجر هههههه ده انا حتى بنزل ورق فيها اطلب انت بس اسكيمه الانيون للدكتور احمد ندا اما المحاضرات انا مبقتش احضر لا كمياء وده من اول السنه والنبات لما ابتديت اخد مراجعه مع الدكتور هيثم العدل وان شاء الله القيزياء و الحيوان دول هنبطل نروحهم لما ناخد مراجعه كمان العمليه صعبه و مكلفه اه انك تاخد كورسات مراجعه في كله بس كله يهون لما تعدي اول ترم نظيف بإذن الله اما الانجليزي ده منها لله نفين و نداء حسسوني اني مدرستش لغه خالص عشان كده مش حاضر تاني بالنسبه بقى للورق انا بشتري للكمياء د عبد الخالق احمد للنبات هيثم العدل للحيوان د وليد للفيزياء دكتور علي ابو الانوار ادعولي بقى يا جماعه اعدي الترم ده على خير |
|
#37
08-11-2010, 05:49 PM
|
||||
|
||||
|
كان أغبى قرار اخدته في حياتي كان لازم الواحد يعند ليه مسمعتش الكلام ودخلت طب وله طب اسنان[/quote]
عادى كل الكليات لازم تتعب وبعدين بدايه صيدله من سنه تالته يعنى اعدادى وتانيه لعب عيال بس كل الكليات كده مش صيدله بس |
|
#38
31-12-2010, 12:10 AM
|
||||
|
||||
|
ممكن نظرة الخوف دي لانكم داخلين نظام تعليم جديد واصحاب جداد ودكاترة جداد
فده طبعا اكيد الشعور بالحيرة وبالغربة انا اختي الكبيرة صيدلانية وكان فعلا ده شعورها في الاول لكن لما اتخرجت من الكلية اشتقات لها وايامها والصحبة الحلوة والمعامل والتجارب حتي الان لمدة 2سنة ما زالت تحتفظ بادواتها لذكرياتها الجميلة وااكد لكم عندما تتخرجون ستحزنون اقول هذا الكلام مع انن في الثانوي لمدي تأثري باختي واتمني لكم حظا موفقا في الكلية ان شاء الله 
|
|
#39
24-01-2011, 06:45 PM
|
||||
|
||||
|
شذى العطر كلامك جميل اوى وهو ده اللى بسمعه من طلبة صيدلة
مش عارفه الموضوع معقد هنا اوى ليه مع ان معظم طب بيقولوا صيدلة مرتاحين كتيرر عنهم وبعدين كل دى مواد فيزياء وكيمياء تانى هم ورانا ورانا ربنا يعدينى منهم ع خير ادعولى اكون جنبكم فى الكلية
__________________
لكى تتعرف عن صيدلة تابع معنا قبل ما تدخل صيدلة عدى علينا هنا http://www.thanwya.com/vb/showthread.php?t=350140 ملتقى دفعه المنصورة لصيدلة http://www.thanwya.com/vb/showthread.php?t=349360 ما هى مهنة الصيدلة ؟؟ http://www.thanwya.com/vb/showthread.php?t=361384 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 07:41 AM.
