اضراب المعلمين

[امالبنات]

وهل موظفى الدولة امتحنوهم علشان ياخدو الحوافز لما هو حسبلنا الكادر من الحوافز

[ahmad2006771]

بسم الله الرحمن الرحيم والصلاة والسلام على سيدنا محمد صلى الله عليه وسلم وعلى اله وصحبه اجمعين
اما بعد
يوم الجمعة الماضي كنت مع تأجيل الاعتصام المزمع القيام به امام مجلس الوزراء ولكن الان وبعد ان هدأت الامور ووضحت واعتذرت اسرائيل وانتهى الامر كما تفعل الحكومة كل مرة فإنني اقول اهنا ان شاء الله لن تكون مجرد مظاهرة ولكنها يجن ان تكون اعتصام مستمر بأكبر عدد ممكن ولن نرحل حتى ننتهى من هذا الموضوع تماما فنحن اخطئنا يوم الاربعاء الماضي لاننا رحلنا دون ان نتفاوض على مطالبنا مع رئيس الوزراء وخاصة أننا كنا في موقف قوي وكان يجب الا نرحل حتى يستجيبوا لمطالبنا اوبعضها على الاقل مثل حافز ال200% والغاء امتحان الكادر والدرجات المالية التي حرمونا منها وكان يجب ان نظل معتصمين حتى يستجيبوا لنا خاصة ان موضوع الاضراب عن العمل اول اسبوع صعب جدا تنفيذه لاننا من المستحيل ان نقنع العدد الكافي من المعلمين بالاشتراك في الاضراب بما يحقق النتائج المرجوه
هذة المرة لن نرحل حتى تتم اصدار القرارات بالفعل وارسالها الى الادارات ويشرعوا في تنفيذها واعتصامنا امام مجلس الوزراء واصرارنا على البقاء لعدة ايام او اسابيع سيشكل ضغطا شديدا على الحكومة سيدفها للرضوخ لمطالبنا المشروعة كما نها سيشجع المعلمين المترددين على الانضمام لنل مع الوقت وستتزايد اعدادنا كثيرا جدا جدا
ان وضع الملم اصبح خطيرا جدا
المعلم خريج كلية التربية او حاصل على دبلمة التربية وال icdl اصبح اقل من العامل العادي الجاهل الذي ليس معه شهادة محو الامية
هناك من يحاول تشوية صورة المعلمين بحجة الدروس الخصوصية رغم الحقيقة الواضحة وضوح الشمس وهي ان معظم 85% من المعلمين لا يمكن ان يعطوا دروس خصوصية
فمن بالله عليكم من التخصصات الاتية يعطي دروس خصوصية:
1- مدرس التربية الدينية
2-مدرس التربية الموسيقية
3-مدرس التربية الفنية
4-مدرس التربية الرياضية اي الالعاب
5- مدرس الحاسب الالي
6- مدرس المجال الصناعي
7- مدرس المجال الزراعي
8- مدرسة الاقتصاد المنزلي
9- اخصائي المكتبة
10- اخصائي الصحافة
11- الاخصائي النفسي
12- الاخصائي الاجتماعي
13- اخصائي مسرح
14-مدرس الخط
كما اننا نعرف ان الدروس الخصوصية الغالية جدا تكون لشهادة التعليم الثانوي بمرحلتية فقط وهناك فرق شاسع جدا في اسعار الدروس الخصوصية للتعليم الثانوي عن التعليم الابتدائي والاعدادي كما ان معظم قرى الريف الدروس الخصوصية فيها تكون رخيصة جدا
وفي النهاية شوفوا الرجالة الحقيقين عملو اية على هذا الرابط

http://213.158.162.45/~almessa/index...ticle_id=34282

[عادل عجور]

هو كل اللى عاوز حاجة يعمل اضراب معلمين ايه لسة واخدين الكادر مرة 50% ومرة 100%واللى اخد 175% حرام عليكم انتم فى نعمة ماحدش فيها 0 امال التعليم بايظ فى مصر ليه ماهو منكم المدرس واخد 14 حصة فى الاسبوع وبياخد 1400 جنيه فى الشهر غير الحوافز غير المكافأة حرام عليكم سيبو غيركم ياكل عيش

[ايهاب2323]

مفيش غير الاضراب المفتوح حتى الحصول على حقوقنا

[ayman3body]

هو كل اللى عاوز حاجة يعمل اضراب معلمين ايه لسة واخدين الكادر مرة 50% ومرة 100%واللى اخد 175% حرام عليكم انتم فى نعمة ماحدش فيها 0 امال التعليم بايظ فى مصر ليه ماهو منكم المدرس واخد 14 حصة فى الاسبوع وبياخد 1400 جنيه فى الشهر غير الحوافز غير المكافأة حرام عليكم سيبو غيركم ياكل عيش

مش فاهم وكلامك مستفز
المعلم أولا لينصلح حال البلد

[احمد الضوى]

وزير الحكومة المحترم !!!! بيهدد المعلمين عينى عينك ان الى هيعمل اضراب هيتعاقب هو ده رده على طلباتنا قمة الاستهانة بينا ارجوكم تابعو الاخبار فى اضراب يوم 10 / 9 نشارك علشان يعرف احنا مين وقوتنا قد ايه الساكت عن الحق شيطان اخرس طالبو بحقوكم الوزير نسى ان الكادر غير الحوافز او تناسى وان شاء الله حقوقنا او يتشال كفاية ان العيديات ومولد النبى والاثابات واليونسكو كله فى جيبه هو والى فى الوزارة واحنا مفيش الا الاهانة هنفضل نتهان لغاية امتى

[رامى.]

لازم كل واحد فينا يحث زمايله على الاضراب عن الدراسة وانا وزمايلى قررنا اننا نعمل منشورات وورق مطبوع بكده ياريت كلنا نعمل كده ومحدش يخاف وربنا معانا وما نيل المطالب بالتمنى ولكن الدنيا تاخز غلابا

[رامى.]

ياجماعة دى فرصتنا الوحيدة اننا نخد حقنا لازم يعرف الوزير اللى بيتحدى المعلم انه يقدر يشيله ويجيب حقوقة وبقولك يا احمد يا جمال ان المدرس عمره مكان ضعيف ان غدا لنظيره قريب وحسبى الله ونعم الوكيل

[خلف حلمي]

يا جماعة لازم نفهم حقوقنا كويس

قانون الكادر لا يحرم المعلمين من أي حوافز تطبق على موظفي الدولة

لازم يكون مطالبنا واضحة وهي :

الحصول على الكادر كما هو + الحصول على الحوافز 200%

[كريم عبده]

الاخوة المعلمون في كل ربوع مصر
لازم نتفق جميعا علي مبدأ واحد وهو ان نتساوي نحن المعلمون مع كل فئات المجتمع سواء بترول - بنوك - ضرائب - جهاز المحاسبات - القضاء - الجيش ,,,,,,,,,,,,,,الخ حتي تتحقق العداله الاجتماعيه بين فئات المجتمع ويعيش المعلم حياه كريمه مع اولاده بعيدا عن عذاب الدروس الخصوصيه وكفي ماضاع من عمر المعلم واهدار لكرامته واذا كان وزير التعليم والماليه مش عاجبه نشوف مرتيه كام اولا و هل هو يستحقه ام لا ؟ كفانا سكوت عن حقوقنا المشروعه والضائعه والي الامام دائما حتي لانرخص امام باقي الدول العربيه التي تستهين بنا بعد ان علمناهم كيف يتكلمون

[wmwmwm]

هو ده الكلا المظبوط

[شوشو/2011]

المشاركة الأصلية كتبت بواسطة مصري المصري

يا جماعة لازم نفهم حقوقنا كويس

قانون الكادر لا يحرم المعلمين من أي حوافز تطبق على موظفي الدولة

لازم يكون مطالبنا واضحة وهي :

الحصول على الكادر كما هو + الحصول على الحوافز 200%

ايوه لازم ناخذ الكادر و200% اصلا الكادر ده ملاميم طب فى كثير من موظفى الدولة بياخذوا حوافز كتيير جت علينا احنا مش عاوزين من ميزانية الدولة حاجة احنا عاوزين من ميرانية الوزراة اعادة هيكلة الاجور من داخل الوزراة مش معقولة اى واحد فى الوزراة ياخذ الالاف علشان هو فى الوزراة

[ايثار حسن]

المشكلة في المديرين جيلهم اوامر انه يبظوا اي اضراب يدخلوا العيال المدرسة ومش يروحوهم ويسكوتو العيال وخلاص

والمعلمين بتوع الارياف معظم معلمي الارياف معندهمش وعي سياسي ومش فاهمين انهم اتظلموا


بيقولوا احنا كنا نطول المرتب اليل وصلناله كدة رضا احنا مش طماعين

ورضين ومش ناوي يعملوا اضراب ولا مظاهرات

واللي يجري على الناس يجرى علينا

حسبي اله ونعم الوكيل في المعلمين دول اللي رفعين ليا الضغط وهيضعو حقنا ويضيعونا

[essa adel]

معلموا كفر شكر مضربون

[falke]

معلموا عين شمس - القاهرة مضربون