اخيراً تفاصيل الكادر بالكامل بالجدول ادخل وشوف اه الزيادة اللى هتاتى لك

[sherif_shemy]

احب اوضح ان الوزارة لم تعترف الا بزيادة 50 % من الاساسى وسيبكم بقى من كادر الحلوانى ده بتاع بكرة وبعده لانه وهم ولم يلقى النور ولو هايتطبق مكانوش زنقونا لحد عودة الدراسة اليومين اللى جايين
ولو طبقه هايكون بعد الهنا بسنة ويكون ساعتها مالوش قيمة مادية لاننا كعادتنا بناخد فلوسنا متأخرة عن معادها كزا سنة تكون فقدت قيمتها ولكنها لا تفقد الصيط فى المجتمع اللى متخيلنا غلبنا موظفى البترول والكهرباء
وحكاية ان يلغيلك فقط بدلات المعلم والاعتماد والحوافز ويضيفلك بدل كادر معناها ان مرتبك الحالى تشيل منه قيمة هذه البدلات وتضيف عليه بدل الكادر وهذا ايضا وهم

وكل سنة فى نفس الوقت يخرجوا علينا باشاعات وارقام غريبة ورغم انها لاتفى بقيمة المعلم الا انها ايضا صعبة التحقيق

[محمدمحمودمحمدعبدالكريم]

مش ممكن يكون التفسير كده
انا كده مرتبى يقل

[الامير الصعيدي]

كله ها يخد ويطلع مبسوط ومنعنش وسلم لي علي التروماي
يامهنه ضحكت من تشردها المهن

[أبو زيدو]

حد فاهم حاجة

[عبدالرازق العربى]

شكرا على الخبر

[mostafabaha]

اولا انا عارف ان الاجور بالدولة بها خلل فظيع و صعب جدا انك تصنع العدالة فى عام واحد وتساوى بين كل العاملين بالدولة وانا قطاع التربية والتعليم من اكبر واهم القطاعات بالدولة و على حد علمى ان موضوع زيادة الكادر هيكلف الحكومة 10 مليار كل سنة ده غير ميزانية التربية والتعليم وعشان يعملوا اللى احنا عايزنه حد ادنى 3000 جنية فهذا استحاله وكلام غير منطقى الاقتصاد المصرى فى خطر والى استحمل 30 سنة يستحمل سنه كمان .

[محجدى]

تيجو نخلى الموضوع احلى بدل مانطالب نبقى ذى المالية والضرايب وووو طب منبدل ونقول احنا معندناش مانع بس الكل يبقى ذينا ويبقى كده فله والله ماحد منهم يستحمل يعمل يوم واحد ذينا ربنا معانا لاجديد نفس الفكر ونفس التفرقه

[متوكلة علي الله]

المساواة فى الظلم عدل يا استاذنا امال الحكومة جابت منين لاساتذة الجامعة والشرطة ولا انت مش من البلددى ارجوكم كفانا ظلم انتو ادمنتو الظلم ولا اية

[zeadamr]

كلاكيت بعد 10 سنوات !!

اولا انا عارف ان الاجور بالدولة بها خلل فظيع و صعب جدا انك تصنع العدالة فى عام واحد وتساوى بين كل العاملين بالدولة وانا قطاع التربية والتعليم من اكبر واهم القطاعات بالدولة و على حد علمى ان موضوع زيادة الكادر هيكلف الحكومة 10 مليار كل سنة ده غير ميزانية التربية والتعليم وعشان يعملوا اللى احنا عايزنه حد ادنى 3000 جنية فهذا استحاله وكلام غير منطقى الاقتصاد المصرى فى خطر والى استحمل 40 سنة يستحمل سنه كمان .

[فيفا مزيكا]

الكلام دة نقولة كلنا لما فعلا الدولة تعلن ان الاقتصاد فى خطر وان كلة لازم يتحمل مش سنة واحدة عشر سنوات يا سيدى
انما اللى حصل اية
ان الدولة بالفعل هذا العام اللى حضرتك بتقول علية
الدولة رفعت مرتبات الشرطة وبدا مرتب الغفير من 1800
اساتذة الجامعات ويبدا من 3000
الاطباء يبدا من 3000
التمريض من 3000
ودة غير الزيادات اللى حصلت فى الكهرباء والبريد والبترولوالضرائب
يعنى كلة يزيد واصلا كل دول كانو مرتباتهم اعلى من التربية والتعليم اصلا
وانما لما احنا نيجى نطالب بحقنا
نلاقى امثال حضرتك طالع يقول الصبر
اذا كان حضرتك عندك مورد تانى وقادر تصرف على بيتك
احنا ناس غلابة ومحتاجين فلوس علشان نبقى بنى ادمين زى الناس
وبلاش موضوع انا مش من الاخوان دة

[عوضكو]

المشاركة الأصلية كتبت بواسطة اسامةقنديل

انا شايف ان فيه معلمين مش مصدقين الكلام ده وانا بقولهم الكلام صحيح وعندي ملف الكادر كامل المعروض حاليآ علي مجلس الوزراء هذا الاسبوع بعد موافقة وزير الماليه علي تطبيقه علي مرحلتين وبقول للسادة المعلمين جميعأ واضرب ليهم مثال علي نفسي علشان نفهم:
1- أنا مرتبي =الاساسي +العلوات بتاعة كل سنه في شهر 6=606جنيه بدون كادر ولا أي حوافز
2-طبقآ للجدول اما معلم أول بقالي خمس سنوات اذا الكادر =2300جنيه
3- المرتب العادي +نصف مبلغ الكادر =606+1150=1756 مرتب شامل هذا العام المالي الحالي
4- في العام المالي القادم ان شاء الله المرتب=المرتب العادي الجديد+ مبلغ الكادر كله علي معلم أول آ =650+2500=3150جنيه وخد بالك انا حاليا معلم أول في نهاية المرحله يعني العام القادم سوف اترقي لمعلم أول أ
5- فيه اقتراح ايضأ لزيادة مكافأة الامتحانات لتكون 300 يوم
6- المطلوب من كل معلم عاقل في مصر يفهم الكلام ده كويس ويشتغل في مدرسته بجد وينشر الكلام ده لكل الزملاء
وفي النهايه أتمني التوفيق لمعلمي مصر الشرفاء

يا أستاذ اسامة ممكن أعرف حضرتك مين وازاى وصل حضرتك التعديلات اللى محدش يعرفها حتى فى الوزارة مش فى النقابة بس ومن الاخر محدش فينا مصدق حاجة غير مع التنفيذ

[ريرى عثمان]

يا ناس حد يفهمنا --مش معقول الوزارة بالغباء اللى تضحك بيه على عقولنا للدرجة دى --زيادة و فى نفس الوقت ما تزودتش المرتب!!! مش معقول خصوصا بعد ثورة المدرسين السنة اللى فاتت --احنا مدارس السويس عندنا كانت مضربة بنسبة 90% واكيد باقى المحافظات --اكيد فيه حاجة غلط او ان احنا مش فاهمين الجدول --عايزين نقباء المعلمين فى المحافظات يعملوا اجتماعات مع مديرين المدارس يفهمونا عشان يفهمونا

[السيدالقناياتي]

صدق انك كويس طيب هات مرتبك لي امال بجيب منين والضرائب والعدل والبنك والكهرباء والبترول والجيش وووووو ارحمنا يا عسل

[أبو إسراء A]

الزيادة المهينة 50 % و التى يرفضها أغلب المعلمين تكلف الدولة فقط 5 مليارات يمكن تدبير أغلبهم من داخل الوزارة ، و إذا أردت المزيد من المال ، فعلى وزير المالية فتح ملف المستشارين العسكريين فى كل الوزارات والتى تبلغ 19 مليار جنيه ، و للأسف مع كل الحكومات عندما يأتى الدور لتصحيح الوضع المزرى للمعلمين تتحجج بحجج غير منطقية ، و أما مع غيرنا فلا ، و لنعلم أننا لا نستجدى حقوقنا ، و يجب أن ننتزعها إنتزاعا ، و كفى مهانة عندما يكون خفير نظامى أعلى فى الراتب من المعلم .

[itian_forever]

هوا اقتصاد البلد يقف عند المعلمين فقط وغيرهم عادى

نطالب بزيادة رواتبنا مثل الجميع ومن ثم يمكن خصم نسبة من المرتب لدعم اقتصاد البلد على الجميع

ليه المعلمين بس هما اللى يتحملوا عجز الموازنة والباقى ياخد الاف الجنيهات مرتبات واحنا ناخد على دماغنا ونلم الفتات

هوا احنا مواطنين درجة ثالثة

حرام عليك كن منصفاً