عايز حد يقولى ان اللى عملته ده صح

[eslam_2009]

انا مجموعى فى تانية ثانوى 86% وكنت واخد احياء ودلوقتى انا حولت ادبى وواخد تاريخ وعلم نفس وفلسفة على اساس ان ممكن اخش كلية سياحة وفنادق او تجارة

بس دلوقتى مش عارف حاسس كده انى ندمان انا عايز اعرف هو انا اللى عملته ده صح وهل المفروض اللى جايب 86% علمى يحول ادبى ؟؟؟؟؟

ريحونى مع العلم طبعا ان مستحيل احول علمى تانى

[maysa_2]

انت راضي عن اللى انت فية ولا لا
وهل انت جيد في مذاكرتك للمواد الادبي
انا واحدة كان نفسي ادخل علمى بس حصل ظروف ودخلت ادبي واما دخلت كلية التربية اساسى بقيت ادرس مواد علمى فرسبت فيها
يعنى مش المهم قوى انك كنت عايز اية المهم انت الوقتى ماشي كويس في الىى انت فية ولا لا
لان دا هو اللى هيجيب المجموع

[EnG.Mohammed]

انتا عملت القرار الصح يامان انا ليه اصحاب كتير في 2 جابو 90 و 91 وهما احيا وكملو بس اتعقدو خالص لان الفيزيا ماده معقده اوي وصعب انها ترفع مجموع الواحد

[منى ذكى]

انا كنت علمى فى تانية زيك كدا بس كنت كيميا مش أحياء وجبت 91.7 يعنى تقريبا 92 ومع كدا ما كملتش علمى رغم ان فى ناس كتير عرضتنى وقالتلى ده غلط بس انا كنت مرتاحة وانا محولة ادبى وحاسة ان ده الصح والحمد لله جبت فى تالتة لوحدها 96.5 مع العلم انى مكنتش بذاكر ودلوقتى دخلت كلية انا بحبها الحمد لله

وانت ان شاء الله هتزيد جدا فى الادبى وبعدين انت حولت خلاص ما تشغلش بالك بقا بالندم والكلام ده وحاول تثبت وجودك فى مجالك
وان شاء الله ربنا هيوفقك

[GeNeRaL MB]

لالا انت جايب زيي بالظبط انا كنت اعلى بواحد فى الميه وحولت ادبى واخدت نفس المواد الى انت واخدها وقررت وانا فى تالته انى ادخل تجاره انجلش والحمد لله دخلتها وعديت كمان المجموع بتاعها كمان ليه اصحاب كانو 94% ودخلو تجاره انتساب كمان
يعنى تقول الحمد لله على الى انت فيه

[eslam_2009]

شكرا يا جماعة على ردودكم دى
انا بس كنت عايز اطمن ان اللى عملته ده صح

[Bent 3bdo]

الفيزبا دى دمار بجد

أحمد ربنا إنك حولت