يبقى انت اكيد فى مصر

[مستر أحمد حمدى]

بسم الله الرحمن الرحيم
والصلاة والسلام على نبينا محمد علية الصلاة والسلام

سمعت اغنية حسين الجاسمى وبحبك وحشتينى ؟؟؟؟؟؟؟؟؟
طبعا سمعتها
طيب خدت بالك هى لمين ؟؟؟؟؟؟؟؟؟؟؟؟؟؟
لا اجابتك غلط مش من واحد لحبيبته
ومتقوليش انه بيقول وبحبك وحشينى وبحبك وانتى نور عينى لو انتى مطلعة عينى بحبك موت لفيت قد اية
لفيت ملقيت غير فى حضنك بيت و..............

دا بيتكلم عن مصر والدليل ان الاغنية كانت فى فيلم الرهينة لاحمد عز وكان مسافر بره
أخدت بالك من كلمة لو انتى مطلعة عينى ؟؟؟؟؟؟؟؟؟؟؟؟؟؟؟؟
طيب أخدت بالك من اغنية شرين وأغنية يبقى انت اكيد فى مصر واغنية فيلم مافيا
و أغنية ما تقولش اخدنا اية من مصر قول حندى اية لمصر
كلهم + اغنية حسين الجاسمى بيجمعهم ثقافة واحدة
هى انك حب مصر حتى لو طلعت عين اللى جابوك حتى لو جوعتك حتى لو سجنتك
عشان كدة اتغير شعار وزارة الداخلية الشرطة فى خدمة الشعب إلى الشرطة والشعب فى خدمة القانون والوطن
طيب دا كلام ؟؟؟؟؟؟؟؟؟؟؟؟
يا ناس خدوا بالكم
احنا فى مصر متفردين بحاجات محدش يقدر ينافسنا فيها
لاحظ معى
* لما ذكر السجن فى القران لم يذكر الا فى مصر
* فى مصر اللى عايش الممثلين والرقاصين والمطربين ولاعبى الكرة بينما العلماء والمخترعين بيطلع عنهم عشان
200 جنية زيادة وشهادة تقدير لما يخترعوا اختراع عظيم عشان كده لو سألت ابنك عايز تطلع اية مش حيقولك دكتور
حيقولك عايز ابقى زى سعد الصغير او زيدان
* فى مصر فقط نأكل سمك منتن وبقالة سنين منتن صحيح ان السمك يحل اكلة ميت لكن دا بيبقى متعفن
( الفسيخ )
* فى مصر فقط اللى بنقول لرجل الشرطة ولو كان مخبر يا باشا
* فى مصر فقط الوزير اللى يسرطن الشعب لا يحاكم بل يمثل الحزب الحاكم فى انتخابات مجلس الشعب
* فى مصر فقط اللى عندة خبرات عسكرية ( يعنى يبقى محافظ كفر الشيخ )
* فى مصر فقط اللى يقول الحق من المسئولين ( يعينوة امين عام جامعة الدول العربية )
* فى مصر فقط نظام ادفع وبعدين اشتكى
* فى مصر فقط ابن القاضى بيطلع قاضى ولو جاب فى كلية الحقوق مقبول
* فى مصر فقط رجل المرور مبيعرفش ينظم المرور ( يبقى عامل ذى حكيم فى اغنية السلام عليكم )
* فى مصر فقط التصويت بيكون بنعم أو لا ( نعم يبقى أخضر ولا يبقى اسود ) يعنى قول نعم عشان سكتك تبقى
خضرة وعشان اللى مبيعرفوش يقرأو يعلموا على الاخضر ولان لون الحزب الوطنى اللون الاخضر ويعنى لو قلت لا
حتبقى سنتك وسنة اللى خلفوك سودة

كفاية لحد كدة عشان حاسس انى مش حبات فى بيتنا النهاردة وحكون ضيف على حبايبنا فى أمن الدولة