|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
21-02-2009, 03:57 PM
|
||||
|
||||
طعـــــــــــــــــ الكادر ــــــــــــــــــــــــــم مــــــــــ جدا ـــــــــــــر
السلام عليكم ورحمة الله وبركاته جميييييييييعا ...
اسمحوا لي أن أكتب بالعامية .. لأني بصراحة مخنووووووووووووووووووق جدا ... حد فيكم يا سادة يا اللي نجحتوا في الكادر وقبضتوا الزيادة أو لسه منتظرين بالشنط تقبضوها وواقفين قدام البنوك ... حد فيكم حاسس بطعم الكادر ؟؟ أنا بالنسبالي ... حاسس انه مالوش طعم ...... ولا نجاح له طعم ولا حاجه لها طعم .. وإن كان ليه طعم ........... فطعمه مر جدا ... ليه انا مش فرحان للزيادة اللي جايه ... ومش مستنيها أصلا ؟؟ وحاسس انها مش هتعمل حاجه ؟؟ يمكن انا سوداوي شوية .. قصدي شويتين ؟؟؟ يمكن دا إحساسي أنا لوحدي ؟؟ وكلكم فرحانين ومزأططين ومنتظرين زيادة الكادر بالطبل البلدي ؟؟ جايز ؟؟ بسأل نفسي ........ وبقولها : إيه بقا .. يا طمااااااااع ... احنا كنا بنستنى حلم الكادر دا بقالنا شهور .... وكلام وامتحانات ونتيجة وتوابع ومشاكل والمقطم وشكاوي ...... وفي الاخر الحلم بقا حقيقة .. ايه يا بني آدم .. انت هتنهب .. ما تتلم بقا شويه يا اخي .. وانظر للحياة بمنظار وردي أو بمبي أو فوشيه .. بلاش المنظار الأسود بتاع طه حسين دا ... الحياة كلها زي ما انتم عارفين ...... كلها أمل ووفاء ونادية وأم إبراهيم ... تفاءل تفااااااااااااااااااااااااااااااءل .... ــــــــــــ لكن أرجع وأقول .. انا مش عارف بضحك على نفسي والا كلنا بنضحك على بعض والا ايه ؟؟ وهنعمل ايه بالزيادة دي ؟؟ في مواجهة الغلاء .. ـــــــــ الغلاء يا سادة بقا ديناصور مرعب يادوب شايفين منه ضوافره حتى مش ركبه . وكأنك اديت لواحد قصافة ضوافر ... وقولتله يموت بيها الديناصور .. حد يقولي : ايه سبب إحساسي دا ؟؟ وهل دا إحساسي لوحدي ؟؟؟ ولا برضه كتير منك عندهم نفس الإحساس . معلشي انا قولت افضفض معاكم ... لان مفيش حاجه ليها طعم .. ـــــــــ وعندي تفسير للموضوع اللي انا كاتبه دلوقتي ... يمكن عشان واجهت انهارده على وجه الخصوص تياااااااااااااااااااار رهيييييييييييييب في مدرستي من بعض المثبطين للهمم اللي وقفوا ورفضوا موضوع خصم الخمسه جنيه ؟؟؟ ودايقوني جدا ... مع ان معظم الناس موافقة .. جايز ........... جايز .. ربنا يلطف بينا .. اللهم لا ملجأ إلا إليك . ولا حول ولا قوة إلا بالله . |
|
#2
21-02-2009, 04:07 PM
|
|||
|
|||
معلهشى ياأستاذ محمد لقد قلت لك من قبل فى مشاركة أخرى بأننا فعلنا هذا بمدرستنا وقمنا بجمع المبالغ ورفض الاداريون أخذ المبالغ ولكن الفرق أن الكل شارك دون تردد ممكن عن اقتناع وممكن على استحياء المهم أن الكل شارك
__________________
(إن لله عباداً اختصهم بقضاء حوائج الناس،حببهم إلى الخير،وحبب الخير إليهم،هم الآمنون من عذاب الله يوم القيامة)
|
|
#4
21-02-2009, 05:33 PM
|
||||
|
||||
|
أخى محمد وسية يعلم الله بسعادتى الكبيرة لعودتك إلينا بمشاركاتك الهادفة ولكن أخى موضوع الإداريين حساس جداً لأنهم يرفضون مجرد الكلام فى هذا الموضوع ولكن السبب فى ذلك الحكومة كان لازم تضم الإداريين للكادر وفيها إيه يعنى
__________________
من وجد الله فمن فقد ومن فقدالله فمن وجد محمد عباس محمد 
|
|
#5
21-02-2009, 05:42 PM
|
|||
|
|||
|
تعرف يا مستر محمد ان كلامك ده فسر حديث من أحاديث الرسول صلي الله عليه و سلم عندما تحدث عن ست من اشراط الساعة منها ((( يعطي الرجل ألف دينار و يظل ساخط !!!!! ))) فعلا لو عددنا ما معنا و ما يدخل جيوبنا شهريا سنجد انه قد يكون ألفا أو اثنين أو حتي نصف الالف و مازلنا ساخطين و هذا الحديث النبوي وقتما قاله الحبيب صلي الله عليه و سلم كان يشير إلي غلاء و بلاء مستقبلي قادم و هانحن الان في هذا الغلاء و ذاك البلاء نبوءة نبوية واقعة فينا الان و قد قالها رسول الله صلي الله عليه و سلم كعلامة من علامات الساعة لانها بلاء من الله نعم الغلاء بلاء من الله قد يكون هذا البلاء تطهيرا لاناس وابتلاءا لأناس و انتقاما و عذابا لاخرين ولكنه في النهاية قد تم ذكره في كتب الاحاديث علي انه من اشراط الساعة و بالتالي فهو مـــــــــــــــر فعلا مرارة شديدة يلتهم كل جنيه و كل درهم ودينار بجنون الجائع المسعور وربطا لكلامي بكلامك يا استاذ محمد فان هذا الغلاء ولد عند البعض رغبة مجنونة تنطلق من منطلق الخوف علي الحياة و البقاء اللاارادي رغبة شديدة في الحفاظ علي كل قرش و الحرص علي عدم العطاء فضاعت فينا مفاهيم العطاء و اطعام الطعام و تفريج كربات المسلمين حتي و لو كان هذا العطاء لا يتمثل الا في خمسة جنيهات يتيمات لن تؤذي في شئ !!! و ضاعت هذه الاخلاق المحمودة وسط غثاء اللهث وراء مفهوم بال اسمه (( لقمة العيش ))
__________________
آخر تعديل بواسطة M.Sherif ، 21-02-2009 الساعة 08:23 PM |
|
#6
21-02-2009, 06:24 PM
|
||||
|
||||
|
السلام عليكم ورحمة اللة
اهلا بعودتك الجميلة اخى محمد وحمد اللة على سلامتك السيدة مديرة مدرستى طلبت فى اجتماع ان يدفع كل معلم حاصل على الكادر تبرع لدفع فاتورة النت اللى اتفصل عن المدرسة لان مفيش ميزانية لفاتورة النت واحد الاداريين طلب باسم زملائه 10 جنية من كل معلم حاصل على الكادر ومطلوب 5 جنية لشراء مسامير ولمبات لزوم الصيانة والذى منه وكان السماء امطرت ذهبا على الحاصلين على الكادر كل الدنيا بتاخد زيادات ومحدش حاسس بيهم لكن احنا العين علينا بشكل مستفز وعلشان كده استغفر اللة العظيم الفلوس مفيهاش بركة واللى جاى رايح يعنى ايه ندفع للاداريين ويعنى ايه اصلا مقوله ان الاداريين اتظلموا ده اسمه كادر المعلمييييييييييييييييييييين ولما الادارى يطلب مساواته بالمعلم يبقى كده مش كويس لانه ادااااااااااارى وليس معلم والفرق كبير جداااااااا سواء فى المؤهل او العمل نفسه ليه ما سمعناش عن ادارى المستشفيات او حتى طاقم التمريض طلب مساواته بالاطباء ليه ما سمعناش ان ادارى وزارة الخارجية طلبوا مساوتهم بالسادة السفراء معرفش احنا ليه بنقلل من شأننا بالشكل المخزى ده الوزير فى اكتر من لقاء قالها صريحة ( الكادر للمعلمين فقط ) وكان من باب اولى نطلب الكادر للسادة خريجى الحقوق الذين يعملون فى الشئون القانونية مثلا او غيرهم من حملة المؤهلات العليا وليس لهم نصيب فى الكادر وبعدين بحسبه بسيطة هتلاقى فى المتوسط زيادة الكادر تساوى حوالى 3 كيلو لحمة يعنى عشوة يوم واحد يا اخ محمد وياريتها زيادة على الاساسى يعنى الموضوع كله تهريج فى تهريج الوزير يقول الارتقاء بالشكل الاجتماعى للمعلم واحنا نقول مساواة الادارى بالمعلم بالذمة دا اسمه كلام |
|
#7
21-02-2009, 06:27 PM
|
||||
|
||||
|
يا سيدي الإداريين هم سبب من أسباب تأخر صرف الكادر لذلك أنا لست متعاطفاً معهم
__________________
|
|
#8
21-02-2009, 07:11 PM
|
||||
|
||||
ولا مر ولا حاجه دا حلو قوى
العلم : إدراك ، وقواعد ، وملكة
الإدراك : التصور المجرد للأشياء . القواعد : جملة المبادىء والقوانين والمصطلحات التى وضعها أهل الفنون المختلفة . الملكة : الخبرة المكتسبة من رسوخ المرء فيما حصل عليه من معارف ، وفيما وعاه من مناهج علم خاص أو علوم شتى . وفى الأثر العلم علمان : علم فى القلب ، فذلك العلم النافع ، علم على اللسان ، فذلك حجة الله على ابن آدم . وقال "برنارد شو"( إذا لقنت إنساناً شيئاً فإنه لن يتعلم أبداً ) يقصد أن التلقين لا يخلق من المتعلم شيئاً طائلاً . إن العمل يحيى القلوب بالمعرفة إن العلم الناشىء عن العمل هو خلاصة المران والتجربة . إذا أمرت بالخير فافعله أولاً إن الوقوف بالإصلاح المنشود عند حد بالكلام المرسل والمقترحات المبتوتة يفتح أبواباً مخوفة بالجدل الطويل ، والثرثرة القاتلة للوقت والجهد . ولو أن كل واحد انصرف إلى نفسه يتعهدها ، وإلى عمله الخاص يتقنه ، وإلى واجبه المنوط به يجيده ، ويبتكر الطرق للنبوغ به ؛ لكان ذلك أربى للإنتاج ، وأزكى عند الله . من أخطاء الإنسان أن ينوء فى حاضره بأعباء مستقبله الطويل . وهناك فارق بين الإهتمام بالمستقبل والاغتمام به ، وبين الاستعداد له ، والاستغراق فيه ارض بيومك . وأمل ما يسرك فى غدك . |
|
#9
21-02-2009, 07:16 PM
|
||||
|
||||
|
خليها في سرك أنا نويت اعزم الادارين علي فطار مكن بس
وهما راضين بده بس مش كل شهر لأن الزيادة ها تجيب فطارين اتنين علي الاكثر وسلم لي علي الكادر
__________________
بوابة الثانوية العامة |
|
#10
21-02-2009, 07:17 PM
|
|||
|
|||
|
المسألة مش تعاطف بس فعلا هناك فرق كبير بين المدرس والادارى من ناحية العمل هل يتساوى مدرس يتعامل مع ما لايقل عن 240 طالب من شرح ومناهده ويوم اشراف طويل وحصص احتياطى وبين ادارى جالس على كرسى يسجل غياب فى دفتر عمل ما يستغرق ساعة بصراحة ده حتى التعاطف ظلم للمدرسين
|
|
#11
21-02-2009, 07:24 PM
|
|||
|
|||
|
والله يا استاذ محمد معك كل الحق فيما قلت
طعم الكادر مر ولكن.............. لابد ان نرضى بما قسمه الله لنا وندعو الله أن يبارك لنا فيه وأن يجنبنا الأمراض ويرزقنا الخير كله
__________________
يا من يجيب العبد قبل سؤاله *** ويجود للعاصين بالغفران واذا أتاه الطالبون لعفوه *** ستر القبيح وجاد بالاحسان |
|
#12
21-02-2009, 08:19 PM
|
|||
|
|||
|
طعم الكادر مر علشان كان فيه ومازال ذل
اما ان يسخط المرء من المال وانه غير كافي فليس الغلاء ولكن القناعة الرضا ليس موجود الا من رحم ربي اعتقد ان الزيادة لا بأس بها اما الاداريون فيجب الوقوف معهم لصرف حافز المحليات والمتعاطف معهم يجب الوقوف معهم لعمل كادر خاص بالاداري |
|
#13
21-02-2009, 09:01 PM
|
||||
|
||||
|
بصراحة وبمنتهى الصراحة يا اخى الغالى .. تعليقات كل الزملاء رائعة موضوعية حقيقية يعنى لو عايز تعرف ردى اجمع كل التعليقات واكون منها ردى وازيد أن هناك كتاب رائع لشيخنا وعالمنا الجليل / محمد متولى الشعراوى رحمه الله اسمه ( الرزق ) من يقرأه يرتاح قلبه .. وكان دايماً أبويا الله يرحمه يقولى (ابقى احسب مرتبك صح ) وكأنه يشعر بأنه سيموت قبل ما اقبض اول مرتب ومات دون أن يفسر لى هذه المقولة وكان هدفه أن أتذكره دائماً وأفكر فى المقولة حتى وجدتها وجدت التفسير !
|
|
#14
21-02-2009, 10:56 PM
|
||||
|
||||
|
معك فعلا يا أستاذ محمد فى ما تشعر به و اعتقد ان كثير منا يشعر مثلك
بالتأكيد نحمد الله حمدا كثيرا مباركا فيه على أى رزق زيادة و لكن على الرغم من أننا لم نقبض الكادر فعلا الا أننى غير متحمسة لمقابلته فهو أولا و أخيرا ( بعض ) حق لنا نحن المعلمون.............و لم يكن يصح أبدا أن نهان بهذا الشكل المخزى للحصول على جزء من حقنا و نحن نرى زمرة الموظفين يحصلون على الزيادة فى المرتبات بغير هذا الاذلال ففى البداية لم يكن هناك أى حديث عن الاختبارات ، و بعد ذلك عاصرنا مشكلات طباعة الاستمارات ، ثم مشكلات طباعة أرقام الجلوس ، و المهانة الكبرى فى لجان الامتحانات..، ثم انتظار النتيجة و المط و التطويل فى موعد ظهورها..... و بعدها التخبط فى معاد الصرف ، و على أى اساسى ؟ و من شهر كام ؟!!!!!!!!!!!!!!!!!!!!!!!!!!! أعتقد أن حق المعلم هذا المتأخر لسنوات طويلة عندما يقابل كل هذه المراحل حتى نناله فنحن نحمد الله أولا و أخيرا و لكننا نشعر بغصة و مرارة لا يمكن تجاهلها بعد مراحل حصولك عليه فهو ( ان وصل الى ايدينا ) حق أقرب الى الاحسان منه الى الحق!!!!!!!!!!!!!!!!!!!!!!!!!! |
|
#15
22-02-2009, 03:08 AM
|
||||
|
||||
|
بصراحة يا استاذ محمد انتا بقيت طماع اوى اوى
انت لسه ما قبضتش الكادر وسدوت الدنيا المهم يا باشا نقيض الاول وبعدين نرضى بالمكتوب ههههههههههههههه بالنسبة لاعتراض زملائك فى المدرسه على موضوع الاداريين فانت بنفسك شايف الاختلاف حلوه فى المنتدى والمنتدى مثل المدرسه هناك من يرى ان الادارى عبء كبير على المدرسه او على الاقل لا يؤدى عملا متواصلا مثل المعلم والبعض يرى ان الاصل فى الكادر انه للمعلم وليس لسواه فهو لب العمليه التعليمية استاذى العزيز اسمح لى ان اسالك هل يتساوى الادارى فى الجامعه مع استاذ الجامعه ؟ هل يتساوى المحضر والموظف فى القضاء بالقاضى ووكيل النيابة ؟ وبمناسة القضاء اسمح لى ان أسرد حادثة احزنتنى قريبا جار لى حصل على دبلوم الزاعه ثم استكمل تعليمه الثانوى والتحق بكليه الحقوق وتخرج بتقدير جيد جدا منها واستطاع ان يحصل على الماجستير فى عامين وتقدم حاليا للدكتوراه وعندما اعلنت وظائف فى النيابه والقضاء العام قدم اوراقه وتم رفضه وقدمها مرة اخرى فى القضاء الادارى ونجح فيه حتى وصل الى المقابله الشخصية (الواسطة يعنى ) وتم رفضه فيها لان والده عاملا بسيطا لا يصح ان يكون والدا لقاضى رغم ان خاله مستشارا كبيرا لمحكمة كليه فى القاهرة اتعلم لماذا لان القضاء الذين نتوسم فيهم العدل اثروا ان يحتفظوا لانفسهم واولادهم بتلك المميزات الثمينه التى لا يحصل غيرهم عليها استاذى العزيز محمد هل تعلم انه عند اعداد المرحلة الاولى من كادر المعلم تم منح حزافز للعاملين بوزارة الماليه مقداره 50% من الاساسى لاعدادهم قانون الكادر وان العاملين فى الجهاز المركزى للتنظيم والادارة حصل على نسبه مشابهة لنفس السببوهم مستمرون فى قبضها للان هل ترى المهزله نحن اصحاب الكادر لم نصرف مرحلته الاول الى بعدهم باكثر من اربعه اشهر ومازانا نجاهد للحصول على المرحلة الثانية وهؤلاء الساده اخذوا نصيبهم قبلنا !!!فهل ليس لنا ان نطالب بحقنا فقط ان يكون لنا كادرنا المميز عن بقيه المعونيين للعمليه التعليمية ؟
__________________
شوقي يقول وما درى بمصيبتي:قــم للمعلم وفه التبجيـلا
لوجرب التعليم شوقي ساعة لقضى الحياة شقاوة وخمولا يا من يريد الانتحـار وجدته .. إن المعلم لا يعيش طويلا آخر تعديل بواسطة اشرف المصرى ، 22-02-2009 الساعة 03:21 AM |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:02 PM.
