المدرس ... والاداري مقارنة ... حاول تفهمها معي

[توفيق رفعت عجيز]

في الحقيقة منذ بدء الاعلان عن عزم الاداريين او من لم يحصلوا علي الكادر عن اضراب لاحظت هنا في المنتدي وعلي صفحات الجرائد الالكترونية ردور افعال كثيرة .... وكل يوم اشوف خناقات وتعليقات وكل الناس شغله بالها بالموضوع
وكل ما يحزنني ردوود بعض المدرسين ايلي بيستنكروا وبيستكتروا ازاي الاداريين او الفنيين يدخلوا الكادر وهما مش مؤهلات عليا ... طيب انا معاكوا وعلي فكرة انا امين معمل بمدرسة اعدادية وبحضر الطابور وبمشي طبعا بعد ما كل المدرسين بتوع العلوم يخلصوا لاني لوحدي في المدرسة مش القصد

عندي تحليل هعرضه علي حضاراتكم .

• المدرس والاداري يحصلون علي دعم من الدولة في رغيف الخبز والغاز والسلع والمواد التموينية وهنا لم تفرق الدولة بينهما ؟
• المدرس والاداري بيدفعوا فواتير الكهرباء والمياه والتليفونات دون اي تفريق؟
• المدرس والاداري ابناء اب وام ممكن يكون اكثرهم اميين فهل يسخر المدرس من امة مثلا لانها مش مؤهل عالي.
• المدرس والاداري يدخلون المدرسة في توقيت واحد دون تفريق وان وجد بيكون تقصير من ادارة المدرسة.

دي حاجات بسيطة لكن انا ومن واقع عملي بالتربية والتعليم اقول ان هذا الكادر ظالم للمدرس نفسة بدليل.

• لم يفرق الكادر بين المعلمين كلهم سواء وهذا ظلم فالمؤهل العالي مثل المتوسط والاخصائي كالمدرس ومن يحصل علي حصتين متساوي مع من يدرس 20حصة والمدرس في الريف والمناطق النائية متساوي مع المدرس ايلي جنب بيتهم في المدينة كان يجب مرعاة هذه الامور يا حجماعة مدارس الريف تعاني من نقص في هيئات التدريس بها وطبعا مدارس المدن مكدسة بالمدرسين والكلام ده حقائق وليست ادعاء مني مدرس المدينة يحصل علي ست حصص ونظيرة في الريف يحصل علي 20 والاتنين متساوين في المرتب اليس هذا ظلم هناك مدارس في مصر المدرس بيمشي علي قدمية كل يوم نصف ساعة علشان يوصلها وهناك من يعمل بجانب بيتة والاتنين متساويين
• كان يجب وضع ميزات لمدارس الريف والمناطق النائية علشان نجذب المدرسين لها
• التربية والتعليم مفيش فيها عجز لكن فيها سوء توزيع.

وعموما معذرة علي الاطالة وفي النهاية يا ريت كل واحد لما يحاول يرد علي خبر خاص باداري او بمدرس يشوف الاول هو بيقوم بعمله كما يجب وبيتقي الله في عملة واحنا هنا في المنتدي يجب ان نتحاور بشكل كويس لاننا المفترض اننا بنمثل قطاع كمبير من التربية والتعليم وايلي بيطلع علي المنتدي بيحكم علينا من خلال موضوعاتنا وكلامنا ................ كلنا بشر ولنا التزامات ومسئوليات تجاة وطننا وابناءانا وبيوتنا
معذرة علي الاطالة