فاكريـــــنهم ... ؟؟

[أسيل رزق]

السلام عليكم ورحمة الله وبركاته

إترددت كتير قبل ما أعمل الموضوع ده بس قلت لازم يتعمل لهدف هقولكم عليه

إنهارده يوم ميلاد شخص بعتبره من مؤسسين المنتدى ومن عباقرة المنتدى

‏midoragab

بصراحة مش عاملة الموضوع علشان التهنئة مخصوص لانى عارفة إن أحمد رجب بقاله فترة كبيرة مش بيدخل المنتدى ولا عاملاه علشان يتنقل للعام ويتقلب مناقشة لانى عارفة فى حد هيطلع ويقول مكرر للمرة الدشليون

لما بنلاقى حد ماشى بنقوله الإسطوانة المشروخة لا ماتمشيش ومش هنقدر ننساك وهتفضل مواضيعك وردودك معانا على طول وفاكرنها ويوصل بينا الأمر للنسيان

دا مش عيب ولا حاجة الانسان اسمه إنسان علشان بينسا

لكن العيب إننا مانفتكرهمش ولو للحظة على الأقل نعرف الأعضاء الحاليين بيهم

أنا عملت الموضوع مش علشان نهنى أحمد ولا علشان أعاتب حد على نسيانه لأعضاء مهمين وسابوا بصمة فى المنتدى لكن عملته علشان نفتكر الناس الكتير اللى قضوا أيام كتير فى المنتدى وبقالنا فترة كبيرة أوى مافتكرنهمش

مش هذكر أسماء طبعاً أكيد الناس القديمة إفتكرت ناس كتير سابوا المنتدى

هقول كل سنة وكل الناس المحترمين اللى سابوا المنتدى طيبين وبخير إنهارده إفتكرتهم ودعيتلهم

عموماً كل سنة و انت طيب يا أحمد و ربنا يوفقك ويرزقك بكل خير

وربنا يكرم كل الناس الكويسين اللى شفناهم فى المنتدى
دمتم بود