قصة مجتمع

[نوسات]

عم علي النحات شغال عشان الولاد
عنده3 صـــبيــــان ويجي 5 بــــنـــــات
الحجة فهيمة ميراطه تبقى أم البنـات
والمجموع وصل عشرة والمهية 3 ورقات
تكفي مين ولا مين دي عايزة حسبة سنوات
بس الحياة ماشية من غير تبات ونبات
ابنه البكر صبحي وفتحي وبندق وده اصغر الولاد
كلهم بيشتغلوا إشي نقاش ونجار وشحات
وعلّية رباب فوزة وست البنات
آللي اتجوزت وإللي أتعلمت وإللي دايرة بالورد والفُلات
والبيت ضاق عليهم ولسعة البرد تقّرّص رجليهم
واهو يوم يعدي ما يصدقوا يعدي عليهم
والهدمة دابت ياعم علي يا نحـــــــــات
والزمن نحت شقــاه علــى وشـــــــــك
مين قلك أنك تخلف بالكومة وغشّــــك
ياعم بص في المراية وشوف شكــلـك
ياللي كتبت الشقى على كل وِِلـــدك
إللي مرضان وإللي شقيان وإللي يشتكي الزمان
بنيت الكره في قلوبهم من بعض بيخطفوا لقمتهم
وهي دي عيشة ترضاهلهم
حراااام عليك ياعلي بكرة تروح وتسيبهم
قولي هتسيب إيه وراك إلا ديونك يقضوها
ولما تيجي سيرتك يفضّوها
وفهيمة تقول :عليه العوض ومنه العوض والقصة أكيد فهمتوها

{إمضاء نوسات=يعني نسومة}