|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
13-04-2009, 01:13 PM
|
||||
|
||||
تجربتى مع ثانوى
صباح الخير
ازيكم ؟؟؟؟ معرفش ليه حبيت انى احكيلكم على تجربتى مع تالتة ثانوى هههههه علشان أكون عبرة ليكم ( أحمد حلمى قال الجملة دى فين قبل كده ؟؟؟؟) مع بداية سنة كان كل حماس وكنت بذاكر بجنون لدرجة ان كان فى ايام بطحن فيها بال 14 ساعة مذكراة ودى مش حاجة حلوة ولا حاجة بالعكس ......... كنت ماشى كويس وكان كل الناس متوقعين منى الخير خصوصا بابا وماما بابا كان عايزنى أدخل طب وانا كنت طول عمرى بحلم ب هندسة وكنت متأكد انى هجيبها والمهم حاولت كتير أقنع بابا بإن هندسة حلوة وكده وان الطب مينفعليش خالص ( قلبى ضعيف ) ههههههههه لحد ما اقتنع فى النهاية وقالى انت حر دخل الترم الترم ودخلت مسابقة اوائل الطلبة وطلعت فيها التالت على الجمهورية وكانت حاجة مبشرة الى حد ما بعدها بدات أقرا فى الدين بتعمق شديد وفى الفلسفة وفى مقارنة الاديان واتعرفت على ناس لادين لهم ( الملحدين ) ودخلت شبكتهم على النت وقريت كير وكتير وكان بينى وبين الكفر شعرة بعدت عن ربنا أوى اوى كنت بقعد الليلة كاملة أدور وابحث الشك دخل صدرى وعشت أسوأ أيام حياتى مشتت معرفش ليا طريق معرفش انا دينى ايه ولا مين ربى بدأت اقرأ فى القرأن علشان افهم ( مع انى كنت حافظه ) الموضوع اتعقد أكتر بطلت صلاة وعشت كده مسلم أه بس مشتت ومش مقتنع اوى وفى الفترة دى اتعرفت على الحب طول عمرى كنت فاكر ان الحب ده حالة الانسان بعيش نفسه فيها وخلاص لحد ما لقيت بنت زميلتى بتكلمنى وبتقول انها بتحبنى مكنتش مصدق نفسى لانى كنت بحس ناحيتها انها اختى صديتها فى الاول بس مع كثرة المحاولات لقيت نفسى بستجيب لها وعشت معاها قصة حب ( حب عيال ) بدات تيجى البيت عندنا ( هى جارتى ) واخدت معايا درس خصوصى فى رياضة 2 ورحت انا كمان عندهم وأخدت معاها درس فيزياء ويوم عن يوم الموضوع كان بيكبر اكتر بعد شوية لما لقيت نفسى هغرق قلت لنفسى أنا هسيب كل حاجة واجلها لبعد الامتحانات وبعد كده اعيد حساباتى مع نفسى سبت بيتنا ورحت قعدت عند خالو بدات أصلى تانى وبدات أذاكر اكتر من الاول وبدات اتعالج نفسيا بدات اتغلب على أمور صعبة بس من جوايا برده متلخبط اوى المهم عديت فترة الامتحانات وكنت فاكر نفسى هجيب مجموع كبير بل كنت واثق من ده ويوم النتيجة كنت فى راس البر دخلت على النت وجبت النتيجة لقيت نفسى جايب 93.7 كانت كارثة بالنسبة ليا ولاهلى المهم بابا فضل يتصل بيا كتير أوى علشان اورح معاه القاهرة اعمل تظلم مرضتش لحد ما جه فى يوم أخدنى بالغصب ورحت عملت تظلم فى مادة واحدة فى الفيزياء كنت نازل فيها تلت درجات ودى مش كتير لان الواحد فى المية فى الازهر ب6.5 وخصوصا ان الفيزيا صعبة وكانت المفاجاة انى جبت فيها بعد التظلم التلت درجات وبقيت 94.1 بس دى مش كافية انى أدخل هندسة لا اقل هندسة كانت واخدة من 94.2 قلت أعيد المحاولة تانى واعمل تظلم لقيت باب التظلم اتقفل لانى كنت رايح متاخر دخلت بقا فى دوامة احباط فظيعة وقلت يا ريتنى كنت عملت من الاول قلت بقا أدخل أى كلية وخلاص مرة أقول علوم ومرة أقول زراعة هندسة زراعية وعمرى ما فكرت فى اللغات دى خالص المهم ناس كلمتنى عن الكلية ودخلتها بس مش عن حب وانا فى الكلية اتعرفت على شاب فى ايطالى ظروفى زى ظروفى وقالى فيه حاجة اسمها فض منازعات وحاجات كده رحت أنا وهو عملتها وتظلمت فى كل المواد اللى نازل فيها وكانت المفاجاة ان جبت مجموع ممكن أدخل بيه طب أسيوط وصاحبى ده دخل طب اسنان القاهرة المشكلة ان امتحانات الترم كان فاضل عليها اقل من شهر فقلت أنا لو رحت هندسة اكيد هعيد السنة ولقي نفسى بدات احب الترجمة ومجالها المهم رفضت انى أسيب اللغات ودخلت فى صدام ساخن جدا مع اهلى لاول مرة فى حياتى وكانت دى اول مرة أشوف فيها بابا قاسى عليا كده المهم اتنين من اصابى راحو هندسة القاهرة وواحد هندسة قنا وواحد طب اسنان وان فضلت فى الترجمة الفورية ومرضتش اسيبها خصوصا انى عرفت انها ممكن تساعدنى على الهجرة لاى بلد تانى غير مصر حتى وانا لسه طالب اللى عايز أقوله لطلاب ثانوى ذاكر وخلاص اوعى تفكر انت هتجيب كام ولا تروح فين اعمل اللى عليك وصدقنى نصيبك تاخده والوقت لسه بدرى ممكن تعمل كتير اليوم الواحد ممكن يغير كتير أوى تخيل نفسك ماشى فى شارع وكان كله منور وفجأة نور الشارع انطفأ هتعمل ايه هتخاف وترجع ولا تمشى ومش هيهمك حاجة اه ممكن تقع ممكن تتجرح بس لو عايز توصل أخر الشارع هتوصل حاول تمشى فى الشارع مش لازم تجرى ان شاء الله حتى تحبى المهم انك تتقدم وللو خطوات وبعد تجربتى دى اقتنعت ان الكليات كلها زى بعضها تربية زيها زى هندسة زى طب المهم انت هتعمل ايه فى الكلية وقبل كل ده ميولك لو بتحب حاجة حاول توصلها من اول مرة حاول تقرب من ربنا لانى بجد خسرت كتير اوى لما بعدت عنه وربنا معاكم |
|
#2
13-04-2009, 01:31 PM
|
|||
|
|||
|
السلام عليكم يا عندليب
اولا لم تخيب ظنى عندما قلت انى احبك لله فى لله قصه بجد جميله وفيها دروس مستفاده كتير واول درس هو طول مانت بعيد عن ربنا هتخسر هتخسر لا محاله ثانيا فى نقطه بقى مش عجبانى بصراحه ان الكليات مش زى بعضها يا عندليب زى ما بتقول انت عارف امتى تبقى زى بعضها لو كل واحد بيروح المكان اللى هو عايزه انما دا يقول انا عايز طب عشان بابا وعايز هندسه عشان ماما مع انه مثلا هواياته ممكن تكون سياحه او تجاره او اى كليه تانيه لو كل واحد دخل اللى هو بيحبه صدقنى هيبقى الحال تمام وكل هيحب الشغل اللى بيعمله وهيعمله باتقان اتمنى انك مش تضايق من نقدى
__________________
 عاشق الرومانسيه KHALOOOD |
|
#3
13-04-2009, 11:09 PM
|
||||
|
||||
|
فعلا تجربه صعبه جدا .. بس انا بجد الى عجبنى فيها ان ربنا هداك دلوقتى
وربنا يثبت قلوبنا على الايمان ويبعد عننا كل شر يارب .. وتسلم على نصايحك بس اكيد برضو الى يحط هدف وكلية معينة ويدعي ربنا جامد ويعمل الى عليه باخلاص هيوصلها مش اى حاجة ,, المهم والاهم ان ربنا يثبتنا على الايمان ومحدش يمر بتغير الديني الى انت مريت فيه ده بجد ربنا يثبتك ويقوي ايمانك اكتر واكتر ويوفقك ان شاء الله .. اهم حاجة انك تبعد عن اصحاب السوء حتى لو مش هيبقى فيه اصحاب خاااااااالص .. |
|
#6
14-04-2009, 06:43 PM
|
||||
|
||||
|
اقتباس:
انت مش فهمتنى فى الجزء التانى ده أن اقصد انك مش هتاخد غير نصيبك ولو رحت كلية مكنتش رغبتك فيها من الاول ممكن تثبت نفسك فيها من وتبقى أفضل من الاول طبعا كل انسان لازم يكون ليه هدف يسعى ويكدح من اجله بص يا خالد أنا فضلت طووووول عمرى أحلم ب هندسة ويوم ما جت وكانت قدامى الفرصة رفضتها ومعرفش ده كان غباء منى ولا الاحباط والاكتئاب يخلوا الفرد يعمل حاجات مش مفهومة أنا بابا قضل يتحايل عليا ادخل هندسة ومش مشكلة تعيد اول سنة هتعوض بعد كده بس زى ما بقولك اللى ما بيجيش من اول مرة مبجيش خالص انا دلوقتى ما بكرهش فى حياتى اد الناس اللى ظلمتنى دى وضعيتنى وضعيت مستقبلى انا دلوقتى فى ترجمة فورية وهى جميلة اوى بس مش ميولى من الاول انا والحمد لله لحد النهارده أبيض فى الكلية بس لو سقطت هحول بس مش ل هندسة هحول طب زى ما كان بابا عايز من الاول وزى ما تيجى تيجى انا مش مضايق يا خالد وبمعنى أصح انا بقيت سلبى جدا جدا مفيش اى حاجة تفرق معايا |
|
#7
14-04-2009, 06:47 PM
|
||||
|
||||
|
اقتباس:
غريبة اه بس ده اللى انت عرفته ده واحد على مية من الحقيقة كلها شكرا لمرورك |
|
#8
14-04-2009, 06:49 PM
|
||||
|
||||
|
اقتباس:
انت انا يا محمد كل اللى انت بتمر بيه انا مريت بيه قبلك أنا بجد قلقان عليك اكتر من انت قلقان مش عايزك تعيش اللى انا عشته ربنا معاك يا محمد ابعتلى ميلك أرجوك يا محمد |
|
#9
14-04-2009, 06:51 PM
|
||||
|
||||
|
اقتباس:
لا مسبتهاش |
|
#11
15-04-2009, 04:00 PM
|
||||
|
||||
|
تصدق بالله يا محمد
ولا أنا |
|
#12
15-04-2009, 09:28 PM
|
||||
|
||||
|
دي مش تجربة
انا شايفاها مغامرات بس بجد استفدت منها كتير هروح الحق نفسي بقى واذاكر كويس ربنا يوفقكم شكراا عالموضوع
__________________
كل ظلام الدنيا لا يستطيع أن يخفي ضوء شمعة مضيئة.  آخر تعديل بواسطة Dr.Nona.pt ، 15-04-2009 الساعة 09:34 PM |
|
#13
15-04-2009, 09:32 PM
|
||||
|
||||
|
اقتباس:
اومال بتعمل ايه هناك دلوقت؟؟؟ http://www.thanwya.com/vb/showthread...wpost&t=115976
__________________
كل ظلام الدنيا لا يستطيع أن يخفي ضوء شمعة مضيئة. |
|
#14
16-04-2009, 01:14 AM
|
||||
|
||||
|
اقتباس:
تلاقى لسه بردة مش مستريح و لا كلامى غلط ؟
__________________
الأختلاف فى الرأى لا يفسد للود قضية |
|
#15
21-04-2009, 12:02 PM
|
|||
|
|||
|
بجد ربنا يوفقك في جامعتك هي فعلا جميلة اووووووووووووووي اوووووووووووي
 بس انت ليه حاولت تعرف دين مش دينك ؟؟ في حلقات مفقودة في مسلسلك الا وهي هل علاقتك بالبنت انتهت ؟؟ وكيف رجعت مرة ثانية لدينك  ؟؟أسئلة طفولية بس لا بد منها  وحاجة كمان هو مفيش في الازهر تخصص يعني علم علوم وعلم رياضة اصلك بتقول عايز ادخل هندسة او طب طيب ازااي هم دول يجوا مع بعض؟؟؟  ع العموم سؤال اخير اتخصصت في لغة ايه ؟؟ ونفسك تسافر فين؟  شكرا ع الموضوع في امان الله
__________________
والحب له قوانين آخري..!
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:02 PM.
