|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
04-08-2006, 11:46 AM
|
||||
|
||||
بسم الله الرحمن الرحيم,,,,,,,
والصلاة والسلام على اشرف المرسلين صلى الله عليه وسلم وبعد... فى الحقيقة بجد انا مش عارف ابدأ الموضوع ازاى فى الفترة الاخيرة ... بتظهر مشكلات مش هقول مشكلات سموها زى ما تسموها - واسف عشان اللى هيقوللى برضو ان المنتدى ايد واحدة وسمن على عسل انى اطلقت عليها مشكلة اولا : ان الاعضاء الجدد بيزعلوا من ان مواضيعهم لا يرد عليها والصراحة حقهم وكذلك برضو للاعضاء القدامى فهم يكتبون او ينقلون مواضيع ولكن لا يرد عليها لفت نظرى رد احد الاعضاء من زماااااااااااااااااااااااان اوى بالحرف الواحد ((((طب حد يعبرنى ولو بشتيمة)))) والعضو كان متفاعل ساعتها ودلوقتى ماافتكرش او غالبا كان بيهزر بس فعلا هى لسان حال كل من لا يُرد على مواضيعه ولهذا السبب نجد ان كثيرا من المواضيع تكتب بالمنتدى العام وبغض النظر عن المواضيع فان الاقبال عليها يكون اكثر من البقية - وهذا رأيى - مما قد يضطر العض للبحث عن مواضيع خصيصا ليشارك بها فى العام لزيادة الاقبال عليه على حد قولى وهى مشكلة لا اجد لها حلا وممكن ان تجدوا لها حلا لكن كيف؟ فالمشكلة غير محددة اساسا لكنها على الارجح ثقافة كل عضو فيوجد من يهتم بالموضوعات والرد عليها ويوجد بالطبع من لا يهتم ونجد انه عندما يرد عضو على موضوع يرد عليه كاتبه بشكرا وده حاجة من الاتنين يا اما هو اساسا مش عايز يتناقش فى الموضوع او مش عارف او مش مهتم ثانيا: كثرت فى الفترة الاخيرة ايضا مشكلة المواضيع المكررة ولهذا قام الاستاذ زيزو بعمل موضوع مثبت لهذا الغرض وعدد المشاهدات 298 تقريبا وعدد الاعضاء الذى لا يشارك معظمهم 21000 فما فوق فما دلالة ذلك؟ حد بقى يفهمنى هل لا يوجد اهتمام ان تعرف اذا كان الموضوع مكرر او لا ؟ ايضا قرأت موضوعا فى المنتدى قديما عن الردود وكيف تتقنها؟ لكن المشكلة الان انه لا توجد ردود حتى نتقنها واعلم اخى العضو ان اى موضوع يتخطى ال 40 رد فهو بالتأكيد اما لعبة او مسابقة او بالتأكيد خناقة للاسف ايضا توجد بعض الموضوعات التى لا يُرد عليها اطلاقا ومشاهداتها 12 مثلا وممكن ان يأتى عضو اخر فى مكان اخر ويكتب نفس الموضوع بنفس العنوان ونجد ردودا عليه هل اقول فى حينها انه مكرر مع ان احدا لم ينظر للاول فى النهاية لم اعد افهم شيئا حقيقة ويا ريت تفهموا الاعضاء الجدد بالذات ويا ريت لا يعتقد احد ان الموضوع انا كاتبه لنفسى وحاجات كده انتو فاهمين اكيد لانى بالنسبة لى مش مشكلة لكنها بتعقد العضو الجديد ويحلف يمين ماهو مشارك تانى ويا ريت الا يكابر احد فى مشاركاته اسف بلاش يكابر دى نخليها سلبية اى حاجة وياريت حد يقوللى هو فيه ايه؟ ورجااااااااااء اخير من كل عضو خد النية الحسنة من اللى مكتوب لا تحاول ان توجه الكلام المكتوب -لو كان هجاء مثلا - لنفسك اضبط نفسك اكتر شوية اذا استفزك احد لا ترد عليه وسيبه على كيفك لغاية ما يحترم نفسه واستودعكم الله وارجو ان يناقش احدا مع هذه المشكلة وكفاية بقى عن باقى على الصلاة 20 دقيقة :D استودعكم الله مرة اخرى
__________________
 |
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 09:42 AM.
