محطات في حياتي ....ارجو المشاركه

[شهدالجنة]

بسم الله الرحمن الرحيم

اخواتي الجميلات الرائعات دة موضوع دمه خفيف كدة حبيت اعرضه عليكم

تعالي وقربي كده

وارتاحي جنبي وعازماك علي حاجه ساقعه

عصير طبعا وفريش كمان


وهنتكلم حبه كده عن طفولتك




فاكره نفسك ازاي كنت؟؟وكنت بتحبي ايه؟؟

طيب اولا وبصراحه

هل كنتي طفله مرتبه؟؟
مهتميه بنفسك؟؟
هل كنتي من ذوات التوك والضفيره والديل حصان؟؟؟

ام

مش بتحبي المشط ولا شكله ؟؟وكنتي بتكسري سنانه ؟؟علشان متتسرحيش

ويمسك في شعرك وتصرخي باعلي صوتك

اه اه اه اه ياااااااااااااااااااااشعري(انا عاوزه شعري حرمت خلاص)لا ديه بس حته من فيلم الحرمان بتاع فيروز

لبسك ازاي بناطيل بقا وعامله فيها الولد واستنناني بره وانا اوريك

ولا فساتين وجيب

طيب فاكره اول لعبه جات ليكي ايه؟؟؟

بسكيلته!!!!عروووسه!!!طياره!!!مكعبات

كنتي بتحبي تلعبي ايه بالضبظ

من الالعاب الجماعيه انتي واصحابك

كيك علي العالي
ولا اوله

ولا كهربا

ولا استخمايه(وياااسلااام علي خلاويص لسه......وتكوني قريبه منها وتسمع صوتك وتثبتك)

ولا السبع طوبات

للاخوات العرب

كل دي العاب من البيئه المصريه وكنا بنلعبها في الشارع

ههههههههههههههههههههه

اول يوم مدرسه يااافتوكه

فاكراه طبعا

علشان العياااط وعاوزه ماما

عملتي ايه ؟؟؟؟

اااه سندويتشاتك كنت بتأكليها ولا بتسربيها؟؟؟

كنتي بتحبي تأخدي ايه المدرسه؟؟؟

جبن..........لحوم.........اكلات شعبيه (فووووووووول حبيب الكل +طعميه)...بيض(انتم عارفين مكنتش بحب اخده المدرسه علشان الريحه)متقولوش لماما

برتقال ويوسفي وخياروتفاح وموز
ولا مالكيش فيهم وبتتكسفي


طيب اصحابك بقا اللي في المدرسه

فكره اول صديق ليكي في الفصل

موقف حصل بينكم؟؟

الابله او... الميس... والمستر.... الاستاذ

اخبارهم ايه
واخبار الواجب وعمايله

ولا المذاكره؟

ياااخبر

الفسح بقا

كنتي بتروووحي فين تتفسحي

كفايه كده صح

تعبتم

طيب جاوبوا بقا

مع السلامه

لا استنوا

عاوزه تفاعل

وكمان دعاء

بحبكم