|
#1
20-06-2009, 08:58 AM
|
||||
|
||||
حلم
حلم دقّيت على كل الببان ومشيت على كل الطرق وكتبت فوق كل الورق ............حرفين ورسمت على وش القمر ....نور الجبين وبدرت أحلام السنين بإيديا في كل الغِيطان وفردت إيدي وسط كل الناس ما ضمت غير إيديكي بعد ما طال الغياب هلّ السحاب يروي القلوب العطشانين وبقيت انا وانتي هنا وزرع الهنا طارح ف سكة خطونا وف ليل لقانا وفرحنا كل النجوم ترقص لنا وكأننا وسط النجوم .......نجمين عايشين على النور والدفا أصل الشتا راح واختفى وعاد الربيع ضم القلوب الفرحانين بعد السنين السود نعود بعد الغياب يجمعنا من تاني السهر ومشينا في سكة سفر توصل لفوق سطح القمر وطلعنا فوق سطح القمر أصل القدر حارس لنا وهناك بقينا لوحدنا أنا وانتي والحلم اللي دوِّبنا على طول السنين........عايشين بتمرجحيني وامرجحك وسط النسيم ونهيم مع صوت ام كلثوم الشجي وحكم على قلوبنا الهوا.... نعشق سوا....................وندوب وندوب سوا ف الغنوة وتدوب القلوب نزرع على سطح القمر بساتين غرام ونعيش هناك نرويها من كاس الحنان ينسى الزمان اتنين معرفوش ف الهوا لايمين اتنين قلوبهم ف الغرام ......دايبين وتضم إيدِك بالحنان إيدي نخرج سوا نتمشى وسط جناين الأزهار تتمايل الأزهار على خدك والغيرة طبع ف كل مخلوق حي لو قلت انا مليون قصيدة اوصف بهم حسنك وشافوكي كل الناس هيقولوا ما قال شي لا لوم على الأزهار لو يحسدوا خدك يا زهرة الأزهار عايش أنا محتار والنار تقيد فيا مش عارف اعمل إيه رح اقيد صوابعي شموع عهد ومافيهش رجوع حسنك أعيش اراعيه يا ضي ضي العين عاشق أنا ومجنون مجنون بسحر العين دا ف العيون .. سحرين مسحور انا بيهم وماليش غنى عنهم وباعيش أغنيهم ... ومشينا وسط الزهر إحنا نغني له هوا يغني لنا ليل علينا الليل والليل ف جنتنا ساحر ملهش مثيل طلع القمر نور على جبينِك ولقيت نجوم الليل مبدورة ف عيونك وقعدنا نتونس ببعضينا أنا وانت والأزهار والليل بيجمعنا ضحك الزمان لينا وادى الحياة معنى غمضت انا عنيا شفت القمر مخنوق والزهر بات محروق ووقعت انا من فووووق .................وصحيت وصحيت ...مشيت ...دقيت............... ومديت ف الخَلا إيدي ...........بكيت كفر نفرة -منوفية العزب فتحي
|
|
#2
21-06-2009, 01:49 PM
|
|||
|
|||
الأخ الكريم
العزب فتحى أهلا بك ونورت منتدانا وأرحب بك شاعراً كبيرا وأعزرنى لأنى كنت مشغولاً جدا الفترة الماضية ولم أرى قصيدتك الجميلة حلم وسامحنى وأعطنى وقتاً كى أتفرغ للغوص فى بحورها التى تحتاج منى وقت طويل نورت ثانية وأهلا بك وباشعارك
|
|
#3
21-06-2009, 02:34 PM
|
||||
|
||||
|
الله اية الجمال دة
بجد روعة
__________________
اللهم صلى وسلم على سيدنا محمد وعلى اله وصحبة واجزة عنا خير ما جزيت نبيا عن امتة ارداة + إخلاص + دعاء + تخطيط سليم = نجاح أكيد gamal saber
|
|
#4
21-06-2009, 03:41 PM
|
||||
|
||||
|
كلمات رائعة
واحساس أروع وتلقائية وبساطه تُحسد عليهم ماشاء الله ربنا يبارك فيك متحرمناش من ابداعك 
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ ! 
|
|
#5
21-06-2009, 06:12 PM
|
||||
|
||||
|
كلمات رائعة
و شعر بسيط و سهل و مليان إحساس أهلا بيك معانا و القسم كسب شاعر رائع و أكتر من رائع منتظرين المزيد من الابداعات آخر تعديل بواسطة بندق__2007 ، 21-06-2009 الساعة 06:25 PM
|
|
#7
22-06-2009, 01:12 AM
|
||||
|
||||
|
ايه الروعة دى
__________________
كن كالنخيل عن الأحقاد مرتفعاً يرمى بصخر فيلقي أطيب الثمر
|
|
#8
25-06-2009, 08:15 PM
|
||||
|
||||
|
مش عارف أشكركم إزاي
شكرا جزيلا لكل من قرأ القصيدة ولكل من علق عليها
الصديق محمد علي الأخ جمال صابر برومثيوس - آسف معرفش إسمك الحقيقي وطبعا المشرف الأستاذ بندق والأخت هدير والمستر محمود الصادق أشكركم وآسف للتأخر في الرد عليكم فسامحوني العزب
|
|
#9
07-09-2009, 02:15 PM
|
||||
|
||||
|
uppppppppppppppppppppppppp
|
|
#10
07-09-2009, 03:13 PM
|
||||
|
||||
|
جميلة جدا بجد ايه الحب دا دا مش حب دا عشق للحب والمحبوبة
تسلم ايدك يا فندم بجد كلامك كله رائع وفوق الوصف تقبل مرورى
__________________
ياريت اى حد ظلمته او اهنته ف اى يوم من الايم بقصد او من غير قصد يسامحنى 
|
|
#11
17-09-2009, 09:55 AM
|
||||
|
||||
اقتباس:
ورهف إحساسك أشكر مرورك الذي سعدت به كثيرا وكل عام وأنتم بخير العزب
|
|
#12
17-09-2009, 01:03 PM
|
||||
|
||||
|
أعذرنى أستاذناعلى تأخرى بجد أول مرة أشوف القصيدة
إيه الجمال دا والمشاعر المرهفة دا مش حب دا عشق وجنون كمان ياليت حلمك يطول فياله من حلم جميل تنقل بنا بين الأرض والسماء وشاركتنا أجمل لحظات يعيشها عاشقان ولكنها _ حلم _ دمت مبدعا ربنا يوفقك
__________________
 لا تبك على الحياة فما هى إلا لحظات ولا تتزمت فكل ما هو آتٍ آت
|
|
#13
17-09-2009, 01:36 PM
|
||||
|
||||
|
اقتباس:
وشكرا لمرورك وتقبلي مني خالص التحية وكل عام وأنت بخير بمناسبة عيد الفطر المبارك العزب
|
|
#14
01-12-2009, 08:15 PM
|
||||
|
||||
|
كل عام وأنتم جميعا بخير
|
|
#15
01-12-2009, 09:06 PM
|
||||
|
||||
|
تحية احترام وتقدير لحضرتك
استاذ ي العزب
ده حلم جميل اخذتنا الى القمر والنجوم والسحب ومع اغاني الست وعشنا الفصول بجمال ربيعها وروعة ازهارها وتجولنا بين الزهور والرياحين الله عليك كلمات صاغها فنان متمكن بجد رائعه ربنا يحقق احلامك تقبل تحيات اختك نغم وكل عام وحضرتك بالف خير
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:56 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
