غشواااا وشوفوا احنا ليه ب........

[ayooosh]

بصواااا بقى

انا جبتلكوااا موضوع ويارب مفيش حد يزعل منى

كنت عايزة اسالك سؤال



ليه بنشتم؟



من الغيظ.

من القهر.

من قلة الحيلة.

من ضعف الحجة

من عدم القدرة على التعبير.

من عدم القدرة عالوصول للشخص اللي قدامك.


لما بتشتم بتسفيد ايه؟



بتفش غلك

بتوصل للشخص المعني أو القضية المعنيه كرهك ليه أو ليها

بتحاول تفهم بقية الناس اللي مهمين بالنسبة ليك أو اللي انت عايز تسمعهم صوتك... قد ايه الناس المعنية دي وحشين.



بس ايه اللي بيحصل بجد لما تشتم؟ ايه النتيجة؟


بتنفر الانسان من جمبك

بتضيع وقته... الناس داخلة تقرا كلام مقنع مش شتيمة

بتقلل من قيمة موضوعك

بتشتت انتباه الناس... بدل ما يركزوا في الموضوع يركزوا في الشتيمة

بتدعوا اللي عايزين يشتموا انهم يتمادوا هما كمان...






نبص للموضوع من ناحية تانية

ناس كتير بتستخدم اسلوب سب "العدو" في سياق محاولة الدعوة للاسلام! سبحان الله.



افرض مثلا انك عايز تروج السلعة الحلوة (ح) وتبعد الناس عن السلعة الوحشة (و)

تعمل ايه؟

في ناس حتطلع علينا يا فتاح يا عليم يا رزاق يا كريم وتقعد تشتم في السلعة (و) وتقول لك دي وحشة... دي مضرة بصحتك... دي حتموتك ناقص عمر... دي انتاج دولة عدوة... دي بتساند الكفرة... دي ودي ودي ودي

حاتسمع له؟؟؟ كانوا الرجالة بطلوا شرب السجاير – اللي المفتي قال ان تدخينها حرام والقعاد جمب اللي يدخنها كمان غلط ...والكل عارف انها بتجيب أمراض الدنيا ومطنش - والستات بطلوا شرا مكياج وبرفانات مستوردة . وكانت البيبسي ومطاعم الأكل الامريكاني قفلت من قلة اقبال الناس عليها.



انما لو بدل ما تشتم السلعة (و)... وتبدتي بكلام جميل وسلام... وبعدين تبتدي تمدح في السلعة (ح)

السلعة (ح)... جميلة وحتخليك جميل... حتسعدك وتطول عمرك وتخلي كل الناس تحبك... حتغنيك وتهنيك... (ح) حتخلي حياتك جنة...

وبعديها تقارن بالهداوة بين (ح) و (و)... وتبين (ح) أحسن وأجمل وأكمل من (و)

(ح) حتديك كل الميزات اللي في (و) وأكتر... (ح) معمولة ليك انت وبس... (ح)

سر السعادة الأبدية... (و) عيوبها كتير ومش حاتنفعك... (ح) هيه اللي باقية لك... من غير ماتشتم (و) ولا تتعدى عليها

ساعتها الناس حتقتنع بكلامك وتجري ورا (ح) والكل يسيب (و) وهوا ده اللي انت عايزه



حترمي السلعة الوحشة وراك وعمرك ما حتفكر فيها تاني ومش حتستغنى عن السلعة الحلوة الجديدة!

دي فكرة مبسطة اوي عشان نوصل لحل كويس ان مش كل حاجه بالشتايم عشان نوصلها
الموضوع ده مش بهاجم اي حد معين هنا وبينا يعني
لا
انا بتكلم بصفة عامه ...بس يارب تكونوا فهمتوا قصدي

يارب بجد يكون عاجبكم


يلاااااااا سلام

اختكم آيه