|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
04-07-2009, 08:39 PM
|
||||
|
||||
حوار بين بنت وجدتها Too much
المكان أحد أحياء القاهرة
 >الزمان يوم من أيام صيف عام e2050 >حفيدة في سن المراهقة (e12سنوات) تجلس مع جدتها (e70سنة) ويدور بينهما هذا الحوار: > >الحفيدة: تيته ميرو إزيك..بقى لي زمان ما قعدتش معاكي >الجدة: وهو أنا عارفة أتلم عليكي خالص.. ده أنا قاعدة زهقانة قوي ومش لاقية حاجة >تسليني >الحفيدة: ومابتفتحيش الدش ليه يا تيته >الجدة: التليفزيون بقى ممل خالص مافيهوش غير 9700 محطة بس!.  وأنا كمان ما بعرفش أغير المحطات! >الحفيدة: وإيه الحلاوة دي؟ حلو البادي اللي انتي لابساه ده..بس ده موضة قديمة قوي >ياتيته !  >الجدة : يا بنتي أنا ست دقة قديمة وبالبس زي ما جيلنا الصاعد اتعود وحسب التقاليد >القديمة بتاعتنا >الحفيدة : أيوه بس مش حاسة إنك مخنوقة وانتي لابساه؟ >الجدة: أبداً ده هو ده اللبس المحتشم اللي مفروض الكل يلبسه ويحافظ عليه..فين أيام >زمان لما كنا نلبس البادي اللي مبين البطن والظهر بس، مع البنطلون السترتش >الجلد …كانت حاجة آخر روشنة >الحفيدة : ياه يا تيته.. ده انتوا كان ليكم تقاليد غريبة خالص ! >الجدة : وهو انتي فاكرة إن أيامكم دي أيام؟ يا بنتي أيامكم دي ما يعلم بيها إلا ربنا >.. فين أيام سنة 2002، هي الواحدة فينا كانت تستجري تشرب سيجارة البانجو ولا تسحب لها سطر بودرة >قدام أبوها؟ طب ده الدنيا كانت تتقلب ساعتها وما تتعدلش .. أمال إيه .. كان >فيه حاجة اسمها أخلاق  >الحفيدة: معقول يا تيته؟ للدرجة الفظيعة دي!!؟  >الجدة: أمال انتي فاكرة إيه .. وبعدين كانت الست من دول ما تلبسش اللبس الخليع بتاع >اليومين دول..يعني الجيبة كان ما يقلش طولها عن شبر وربع  .. وكانوا الستات>يلبسوا فوقيها بلوزة باستمرار ..مش زي دلوقتي! حسبي الله ونعم الوكيل! >الحفيدة : يا خبر .. وإيه كمان ياتيته >الجدة: ح أقول لك إيه ولا إيه يعني خدي عندك مثلاً .. زمان كنا نسمع الطرب الأصيل >لمطربين حقيقيين زي مصطفى قمر وعمرو دياب وطبعاً كانت سيدة الغناء "شاكيرا"،  >وكانت الأغنية مدتها أكثر من دقيقتين متواصلين من الطرب الأصيل والموسيقى >الهادية الراسية اللي تعمر النافوخ بصحيح كانوا مطربين روشين وآخر طحن، حسبي >الله ونعم الوكيل! >الحفيدة : وبعدين ياتيته >الجدة : وبعدين كنا نسمع على حاجة اسمها اسطوانات ليزر، ودي صحيح انقرضت، بس كان ليها >طعم عن دلوقتي، يا سلام لما كنا نحطها في الووكمان ونعلقها في حزام البنطلون >كده ونمشي في الشارع كده، كانت أيام جميلة. حسبي الله ونعم الوكيل! >الحفيدة : حكاويكى ممتعة قوي يا تيته .. ثانية واحدة بس لما أصحي سمسم صاحبي فى >المدرسة لأنه بايت معايا في الأودة من امبارح ..أصل الإنسان الآلي بتاع >الصحيان بايظ ولازم نصلحه النهاردة  >الجدة: طيب ياحبيبتي روحي >(بعد عدة دقائق) >الحفيدة: هيه يا تيته.. وبعدين >الجدة : أحلى أيام بقى كانت أيام الدراسة، الفصل كان على أيامنا رايق وعدد التلاميذ >فيه ما يزيدش عن ستين سبعين تلميذة، وكنا ساعتها بنعرف نفهم الدرس كويس مش زي >دلوقتي، وكانت الشوارع أيامها فاضية يعني كانت إشارة المرور تقعد ساعة إلا >ربع بس لأن مصر كلها كان تعدادها 70 مليون مش أكثر، تخيلي بقى الروقان اللي كنا فيه؟ حسبي الله ونعم الوكيل! >الحفيدة : 70 مليون بس؟!! >الجدة : أمال إيه .. عشان كده كانت كل حاجة رخيصة ، يعني مثلاً كيلو اللحمة يوم ما >يضربه الدم كان يبقى بخمسة وعشرين جنيه أو بتلاتين جنيه، وكان أتخن جوز جزمة >بـ 250 جنيه، وكان الواحد يقدر يشتري شقة تمليك بـ 150 ألف جنيه بس..وكان الدولار بخمسة جنيه بس تخيلي بقى؟ >الحفيدة : ما هو علشان كده الجواز على أيامكم كان سهل خالص، إحنا بقى خلصنا من >العُقد دي >الجدة : أُمال إيه .. ده احنا الواحدة مننا كانت بمجرد ما توصل سن 17 سنة تبتدي تفكر في الجواز العرفى على طول، وما كانش عندنا الأفكار الغريبة >اللي بتعملوها دلوقتي، أنا شخصياً شايفة إن ده أوفر شوية، ده احنا يا بنتي >على أيامنا كان لا يمكن البنت تتأخر بره البيت عن الساعة أربعة صباحاً، طب ده >باباها كان ممكن ساعتها يخاصمها ! >الحفيدة : ياي! ده انتوا كنتوا متزمتين خالص ياتيته !!! >الجدة : يا بنتي إحنا اتربينا على الأخلاق والفضيلة والعادات والتقاليد . يعنى كان >أهل الفن محتشمين جداً وكانوا دايماً يطلعوا بالمايوهات البيكيني، والمذيعات >كانوا يقعدوا جنب الضيف مش على ركبته زي دلوقتي.. هيـ يـ يـ يـ ـه الله يرحم >دي أيام.. فكرتيني بالذي مضى حبي الله ونعم الوكيل! >(تمسك الجدة بتليفون محمول في حجم علبة الكبريت) >الحفيدة : ح تكلمي مين يا تيته >الجدة : الحقيقة أنا كنت موصية الجزار على اتنين كيلو لحمة و اديته 600 دولار عربون وعايزة أطلبه أشوف إذا كانت اللحمة وصلت ولا لأ .. >الحفيدة: (تنهض من مكانها) تشاو سي يو تيته! >الجدة: سي يو >وبعد مرور عدة ساعات انتابت الجدة خلالها غيبوبة بسبب الشيخوخة >و في المساء دار هذا الحوار بين الجدة والحفيدة: >الجدة: إنتي كنتي فين يا فتفت؟ >الحفيدة :أصل إحنا أخدنا الولد من الحضانة .. >الجدة : ولد !! ولد إيه اللي أخدتوه من الحضانة؟ >الحفيدة : آه صحيح أنا نسيت أقول لك .. أصل أنا جبت ولد من سمسم صاحبي  >الجدة: يا بنتي مستعجلين على إيه مش لما تتجوزوا ؟ حسبي الله ونعم الوكيل! >الحفيدة : يا سلام عليكي يا تيته.. إنتي عليك تحكيمات غريبة..طيب إيه اللي يمنع نخلف من غير جواز أنا شخصياً >عملتها ونفعت >الجدة : مشكلتي إني ما باعرفش أزعل منك يا فتفت يا عكروتة ..وسميتوا المحروس إيه بقى >الحفيدة : سميناه (دوت كوم) .. >الجدة : نعم ............ دوت كوم؟ نظام هاي تك بقى؟ يعني لما تعوزي تنادي له تدوسي >(إنتر) ولا إيه بالضبط ؟ >الحفيدة : ها ها ها ها .. إيه الخفة دي يا تيته .. والله فكرة .. لما أعوز أنده له >أدوس إنتر .. ولما أحب أقول له روح أودتك أدوس (ألت و إف4) >الجدة: وأخدتوه من الحضانة وديتوه فين بقى؟ >الحفيدة : وديناه النادي الصهيوني بتاع الحي >الجدة : النادي الصهيوني بتاع الحي؟ >الحفيدة : أيوه .. ده نادي جميل معمول برعاية كبار رجال الأعمال .. وتحت رعاية وزارة >الزراعة وده بيعلم الأطفال حاجات ظريفة خالص ومصاريفه رخيصة جداً وبعدين >الولد الكويس ممكن يبعتوه يكمل تعليمه في إسرائيل على نفقة وزارة الزراعة أصل >(ميدو يوسف والي) وزير الزراعة ده راجل متفتح قوي. هه، أفتح لك التليفزيون >يا تيته عشان تشوفي نشرة الأخبار >الحفيدة تضغط الريموت كنترول لنرى شاشة كبيرة بطول وعرض حائط الغرفة، وتظهر >صوت مذيعة مصحوبا بلقطات للأنباء تقول: >المذيعة : هاي شلة! إليكم عناوين الأخبار >- أمريكا ترصد 25 مليار دولار لرأس تامر بن محمد بن أسامة بن لادن 
__________________
 why should I care wat people think of me Iam who Iam & who I wanna be
|
|
#3
04-07-2009, 08:47 PM
|
||||
|
||||
|
العفو يا قمر نورتي التوبيك
__________________
why should I care wat people think of me Iam who Iam & who I wanna be
|
|
#4
04-07-2009, 09:18 PM
|
||||
|
||||
|
ياااااااااااااااه
على فكر عجبتنى اوى ميرسى يا قمرى على التوبيك اللذيذ ده |
|
#5
04-07-2009, 09:20 PM
|
||||
|
||||
|
ثااااانكس يا قمر
نورتي التوبيك
__________________
why should I care wat people think of me Iam who Iam & who I wanna be
|
|
#6
04-07-2009, 09:30 PM
|
||||
|
||||
|
ههههههههههههههههههه
غالبا ده اللى يحصل وحسبى الله ونعم الوكيل ههههههههههه ميرسى ع الموضوع اللذيذ ده
__________________
 |
|
#8
04-07-2009, 09:32 PM
|
||||
|
||||
|
العفو يا قمرات
ثانكس نورتو التوبيك وفعلا ربنا يستر
__________________
why should I care wat people think of me Iam who Iam & who I wanna be
|
|
#9
04-07-2009, 11:18 PM
|
||||
|
||||
|
هههههههههه
لا انا جدتي غلبانا خالص خالص اعتقد ان جدتي دقه قديمه اوي اوي علي كده
__________________
 |
|
#10
04-07-2009, 11:52 PM
|
||||
|
||||
|
رووووووووووووووووووووووووووووووووعه ضحكتينى والله
__________________
just walk away ..just say good bye
dont turn around now..u may see me cry i must not fall apart ..or show my broken heart |
|
#11
05-07-2009, 01:58 AM
|
||||
|
||||
|
ههههههههههههههههههه
بجد تحفة دة على كدة احنا ملايكة ربنا يستر علينا من المستقبل الحلو دة 
__________________
 |
|
#12
05-07-2009, 12:55 PM
|
||||
|
||||
|
هههههههههههههههههههههه
توبيك جميييييييييييييييييل والله ويموت من الضحك وصحيح ع رأي كوكي ربنا يستر ع المستقبل |
|
#13
05-07-2009, 02:40 PM
|
||||
|
||||
|
هههههههههههههههه
لا بجد موضوع جامد يا شقاوة |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 07:27 AM.
