|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
|
|
أدوات الموضوع | انواع عرض الموضوع |
|
#1
09-07-2009, 10:20 PM
|
|||
|
|||
اي حد مش راضي عن مجموعه يدخل
السلام عليكم و رحمة الله و بركاته
الرسالة هنا موجهة الي اي حد مش عاجبه مجموعه او مش حتعجبه الكلية اللي حتجيله بعد النتيجة.... اسمعوني... حبدأ بقصة معروفة عن طالب في ثانوية عامة نفسه يدخل صيدلة .. مش كده و بس .. ده نفسه يبقي معيد في صيدلة و يمكن تكون دي كانت امنيته الوحيدة!!! الولد دخل ثانية ثانوي و لظروف خارجة عن ارادته سقط!!!!! لكم ان تتصوروا شعوره!!! الولد عاد ثانية ثانوي .. لكن أصحابه بقوا سبقينه بسنة. و الولد الحمد لله نجح و دخل ثالتة ثانوي و اصحابه دخلوا الجامعة و منهم ناس دخلت صيدلة .... النتيجة طلعت و الولد دخل صيدلة و الحمد لله و متنسوش صحابه سبقوه سنة .........تتصوروا ايه اللي حصل؟؟؟؟ الولد كان في سنة تالتة و أصحابه كانوا في البكاليريوس .. حصل تسريب في امتحانات البكاليريوس و طبعا لعدم القدرة علي اعادة الامتحانات ... الطلبة نجحت لكن طلع قرار بأن مفيش حد من الدفعة دي يتعين معيد في صيدلة!!!!!!!!!!!!!!! سبحان الله قدر الله و ما شاء فعل!!! ربنا يعلم اد ايه الولد كان نفسه يبقي معيد في صيدلة ......عسي ان تكرهوا شيئا و هو خير لكم و الولد ربنا كرمه و دخل رابعة و بقي معيد .. و ربنا حققله حلمه!!! ايه اللي يضمنك ياللي كان نفسك تدخل طب و مجالكش انك لما تدخل طب و تشتغل تقتل مريض بالخطأ ؟؟ و ايه اللي يضمنك ياللي كان نفسك في هندسة و مدخلتهاش انك تبني مبني و يتهد علي الناس اللي فيه؟؟؟ ايه اللي يضمنك ياللي نفسك في صيدلة و مجاتلكش انك تخطأ في تركيبة و يموت بيها ملاااااايين؟؟؟ سبحان الله العظيم ... يبعد عنك كل الشرور .. فيمكن تكون الحاجات دي مكتوبالك لكن ربنا حفظك منها !!! و دخلك مجال تاني. يمكن المجال التاني اللي تدخله تبقي ناجح فيه .. بل من انجح الناس!! يمكن تبقي الاول علي كليتك ... يمكن حد يعينك علي فعل خير ربنا يكرمك بيه طول حياتك ... يمكن يتشال عنك بلاء كان جايلك.. يمكن تقابل نصك التاني (فتاة احلامك او فارس احلامك)!!  احنا اللي علينا نذاكر كويس و نتعب و نتمني و نحلم !!! بس مننساش ان المستقبل بأيد ربنا !! و ان لما تلاقي ان مستقبلك بيتعطل في مجال معين ( تجيب مجموع صغير مثلا او التنسيق يعلي عليك ) قول الحمد لله علي كل حال و حول نشاطك و احلامك للناحية التانية .... انا مش بقول منزعلش و نبقي متبلدين لا طبعااااااا..ماهو انا عيطت علي درجة الكيمياء السنةاللي فاتت بس مش اعتراض علي حكم ربنا لا خالص ده كان ندم علي الوقت اللي ضاع مني و كنت عارفة ان ربنا أكيد ليه حكمة في كده !!! الهدف في النهاية ... ان احنا نرضي بحكم ربنا لأنه أعلم بشئون عباده و ان ربنا اي حاجة بيبعتهالك اكيد خير ليك سواء انت شايفها كويسة او لأ ... فدايما نقول الحمد لله ياللي مش راضي عن مجموعك...... ارضي!! ياللي ممكن ماتجيلكش كلية نفسك فيها و جاتلك كليه تانية .......ارضي!! الرضا سر السعادة!!  و السلام عليكم و رحمة الله و بركاته 
|
| العلامات المرجعية |
«
الموضوع السابق
|
الموضوع التالي
»
العرض الشجري
|
|
جميع الأوقات بتوقيت GMT +2. الساعة الآن 05:17 PM.
