على واحدة و نص

[the black rose]

السلام عليكم و رحمة الله و بركاته

النهاردة حبيت اتناقش معاكم فى موضوع اعتقد انه مهم
فى يوم من ايام المدارس
روحت حفلة ما المهم لاقيت راجل كبير فى السن و المقام
فجاة شغل الكاست
شغل اغنية باين اسمها هس بس
و رقص
و المنظر مكنش لطيف خالص هو اه انسان مرح
بس مش لطيفة يعنى
بنته قالتله " ما زال الرجل رجلا حتى يهتز "
قالها رجولة ايه ما راحت خلاص
دلوقتى بقى انا عايزة اقف عند حتة الرقص دى
حاليا بقى الرجالة بترقص زى البنات و اكتر
و كلنا شوفنا ان الحكاية دى انتشرت اوى
و شوفنا انها خلاص بقت فخر
زى الاخ المحترم سعد الصغير و عماد بعرور
يا ترى بقى راى الناس فى الناس دى ايه ؟
هل هما كدا عادى ؟
ولا ده مش عادى ؟
بجد المنظر بيبقى فى غاية القرف
مش معنى كلامى ان البنت ترقص عادى
بس انا لفت انتباهى الرجالة
فمش موضوعنا الكلام عن البنات
هى فين الرجولة ؟
ازاى راجل مكتوب فى البطاقة ذكر و يهين نفسه كدا ؟
يا ترى انا صح ولا انا بيتهيالى ؟
اتمنى اعرف راى كل الاعضاء
والاهم الشباب

فى امان الله